Dinshunoslik

3.Diniylik va dunyoviylik uyg‘unligining jamiyat hayotida aks etishi 
Diniylik va dunyoviylik tushunchalari uzoq vaqt qarama-qarshi tamoyillar 
sifatida talqin qilingani bois mazkur masalada aksariyat holda ikki qarash 
kuzatiladi. Bir tomondan, ruhoniylar diniy e’tiqod yuksak axloqni rag‘batlantirishi, 
gunoh uchun jazoning mavjud ekanligi borasidagi g‘oyalar jinoyatchilik va 
korrupsiyani kamaytirish, iqtisodiy rivojlanish kabi jamiyat farovonligini 

---

55 
ta’minlovchi mexanizm bо‘ladi, deb ta’kidlaydilar. Boshqa tomondan, aksariyat 
tadqiqotchilar dunyoviy hokimiyatning oqilona siyosati jamiyat ravnaq topishida 
aholining ommaviy ravishda diniylik darajasini ortishidan muhimroq ekanini 
ta’kidlaydilar.
Izlanishlardan ma’lum bо‘ladiki, dinning zamonaviy yuksak taraqqiy etgan 
jamiyatdagi ijobiy yoki salbiy ahamiyati borasida jamiyatshunoslar о‘rtasida yakdil 
fikr mavjud emas. Qayd etish joizki, mazkur masalani keng kо‘lamda tadqiq 
etishga ba’zi siyosiy va axloqiy omillar tо‘sqinlik qilib keldi. Qayd etish joizki, 
mazkur masalani keng kо‘lamli tadqiq etishga ba’zi siyosiy va axloqiy qarashlar 
tо‘sqinlik qilib keldi. 2009 yil G.Polning “Evolutionary Psychology” jurnalida 
nashr etilgan maqolasi mazkur bо‘shliqni qisman tо‘ldirdi. U о‘z tadqiqotida 
jamiyat faravonligiga ommaviy diniylikning ta’siri borasidagi ikki muqobil 
gipotezalarni tekshirish maqsadida amalga oshirilgan keng qamrovli xalqaro tahlil 
natijalarini taqdim etdi. Birinchi gipoteza, “axloqiy-ijodiy, ijtimoiy-iqtisodiy 
faraz” (the moral-creator socioeconomic hypothesis), deb nomlanib, unda xudo 
yoki xudolarga ommaviy ravishda e’tiqod qilish, axloq masalasiga befarq 
munosabatda bо‘lmaslik jamiyat farovonligiga ijobiy ta’sir о‘tkazishi ta’kidlanadi. 
“Sekulyar-demokratik 
ijtimoiy-iktisodiy 
faraz”(the 
secular-democratic 
socioeconomic hypothesis), deb nomlangan ikkinchi gipoteza aksincha, zamonaviy 
taraqqiy etgan jamiyatlarda diniylik ijtimoiy farovonlik ortishiga tо‘sqinlik 
qiluvchi salbiy omil sifatida baholanadi.
G.Pol xalqaro ma’lumotlar bazasi va hisobotlari nisbatan tо‘liq qayd etilgan 
17 ta rivojlangan demokratik davlatlarning bir qator kо‘rsatkichlarini tahlil etish 
asosida о‘z tadqiqotini amalga oshirdi. Tadqiqotda yuqori darajadagi diniylikka 
ega bо‘lgan mamlakatlardan past kо‘rsatkichli davlatlar ketma-ketligi asosidagi 
quyidagicha rо‘yxat shakllantirilgan: AQSH, Irlandiya, Italiya, Avstriya, 
Shveysariya, Ispaniya, Kanada, Yangi Zelandiya, Avstraliya, Niderlandiya, 
Norvegiya, Angliya, Germaniya, Fransiya, Daniya, Yaponiya, ShvetsiY.
U jamiyat farovonligini quyidagi 25 ta ijtimoiy-iqtisodiy kо‘rsatkichlar 
asosida baholadi: qotillik, о‘z joniga qasd qilish(yoshlar о‘rtasidagi suidsid alohida 
о‘rganilgan), bolalar о‘limi soni, umr kо‘rish davomiyligi, sо‘zak va zaxm 
kasalliklariga uchrash holatlari (о‘spirinlar orasida mazkur kasalikka chalinish 
alohida о‘rganilgan), voyaga yetmaganlar orasidagi abortlar miqdori, 15-17 yosh 
о‘rtasida ayollari tug‘rug‘i, nikoh va ajrimlar soni, spirtli ichimliklarni istyemol 
qilish, hayotdan qoniqish hosil qilish darajasi, aholi jon boshiga daromad miqdori, 
mol-mulk kо‘rsatkichlardagi nomutanosiblik, qashshoqlik, korrupsiya, ishsizlik, 
jamiyatning getrogenlik darajasi, muhojirlar adadi va ekologik holat va boshqa 
kо‘rsatkichlar(Paul G., 2009:441). Maqolada tadqiqot olib borilgan mamlakatlarda 
mazkur kо‘rsatkichlar о‘rtasidagi munosabatlar batafsil tahlil qilinadi. Tadqiqot 
xulosasiga kо‘ra, aholi о‘rtasida dindorlik kо‘rsatkichlari qanchalik yuqori bо‘lsa, 
ijtimoiy farovonlik darajasi shu qadar past bо‘lishini kо‘rsatdi. Uning fikricha, 
diniylik ‒ nisbatan yuzaki, moslashuvchan va о‘zgaruvchan psixologik mexanizm 
bо‘lib, u ijtimoiy-iqtisodiy barqarorligi va himoyalanishi past kо‘rsatkichga ega 
bо‘lgan jamiyatlarda stress va xavotirni yengishga yordam beradi. Shuningdek, u 

---

56 
ommaviy ravishda “Yaratuvchi-Xudo”dan voz kechishni insonlarning hayotiy 
sharoitlarni yaxshilashga qaratilgan tabiiy munosabati deb baholaydi. 
Mazkur ikki kategoriyalarni о‘zaro qiyoslash maqsadga muvofiq emas. 
Birinchidan, din inson va jamiyat ma’naviy hayotining muhim qismi bо‘lsa-da, 
bevosita moddiy farovonlikni belgilovchi omili bо‘la olmaydi va diniylik xalq 
madaniy taraqqiyotining yagona sababi va manbai emas. Ikkinchidan, 
sekulyarlashuv aniqlanishi kerak bо‘lgan faraz emas, balki ijtimoiy-madaniy 
sohada yaqqol namoyon bо‘lgan hamda о‘z tasdig‘ini topgan jarayondir.
Dunyoviylikning bosh mezoni erkinlik bо‘lsa-da, mazkur masalada asosiy 
e’tibor inson huquq va erkinliklarining umume’tirof etilgan xalqaro standartlari, 
demokratik tamoyillar hamda dunyoviy ta’limga qaratiladi. Turli dunyoqarashlarga 
nisbatan neytral yondoshuv va yuridik asosga ega dunyoviy jamiyat institutlari va 
diniy tashkilotlarning mustaqil faoliyati garovidir. Shu ma’noda, sekulyar jamiyat 
muayyan dinga oid yoki ateistik xarakterdagi va yana boshqa turdagi mafkuralarni 
mutloqlashtirishga yо‘l qо‘ymaydi. Bunda diniylik dunyoviylikning ajralmas qismi 
sifatida uning mezonlariga moslashishni taqazo etadi. 
Shu bois dunyoda sodir bо‘layotgan demokratik jarayonlarda turli diniy 
tashkilotlarning 
ijtimoiy-siyosiy 
faolligi 
ortib, 
insoniyatning 
mushtarak 
manfaatlarini ifodalovchi qadriyatlar tizimi sifati namoyon bо‘lishga intilmoqda. 
Xususan XX asr о‘rtalaridan boshlab jahon dinlari hisoblangan xristianlik, islom 
va buddaviylik ta’limotlarining yetakchilari demokratiya, konstitusion davlat, 
dunyoviy ta’lim, inson xuquqlari, vijdon erkinligi masalalari ularning e’tiqodlariga 
zid emasligi borasida qator hujjatlar imzoladi. Bu esa, diniy ta’limotlarning 
dunyoviylik tamoyillariga muvofiqlashish natijasida о‘zro uyg‘unlikka erishishga 
intilayotganidan darak beradi. 
Xulosa sifatida shuni ta’kidlash joizki, birinchidan, dunyoviylik va diniylik 
bir-biriga zid tushunchalar emas. Shu ma’noda, har ikki tushunchalarni о‘zaro 
taqqoslash va ulardan birini mutloqlashtirish noо‘rin. Zotan ular inson hayotining 
mohiyatiga turlicha qarash usuli bо‘lib, har ikkisining obyekti bitta ‒ inson 
hayotidir. 
Plyuralizm, inson qadr-qimmatini ta’minlashga qaratilgan inson huquqlari 
dunyoviylik 
tamoyilining 
bosh 
mezoni 
sifatida 
inson 
dunyoqarashida 
mujassamlanib, uni о‘z-о‘zini erkin mustaqil subyekt sifatida anglashida muhim 
ahamiyat kasb etdi. Mazkur tamoyillarni harakatga keltiruvchi ikki mexanizm 
mavjud bо‘lib, birinchisi, davlatni diniy tashkilotdan ajratish, ikkinchisi, 
davlatning dinlarga nisbatan betarafligi ta’minlashdir. 
Tom ma’nodagi dunyoviylik bahs-munozara uchun ochiqlikda davom etsa, 
turfa axloqiy qadriyatlarni hurmat qilish asosida rivojlansa, universal ijtimoiy 
mafkuraga aylanadi. Shuningdek, ma’rifat tomonga yо‘nalgan, ilm-fanga muvofiq 
umuminsoniy axloqiy meyorlariga rioya qiluvchi dunyoviy yondoshuvni eng ilg‘or 
va kreativ ong sifatida baholash mumkin. 
Diniylik va dunyoviylikning murakkab dialektikasi har ikki tomon uchun 
alohida ahamiyatlidir. Mazkur ikki qarash о‘zining obyektiv va subyektiv omillari 
hamda makon va zamon xususiyatlariga ega. Diniy ta’limotlarda ulkan ijtimoiy-

---

57 
madaniy salohiyat mavjud. Bu salohiyatdan dunyoviy jamiyat tartib va 
meyorlariga qat’iy amal qilgan holda ma’naviy axloqiy sohani isloh etishda 
samarali va ijodiy foydalanish orqali ularning uyg‘unligiga intilish zarur.