Bank hisobi, tahlil va audit

IX -bob bo’yicha o’z bilimini tekshirishga doir nazorat savollari 
 
1. Banklarni hisob-kitob operatsiyalarini audit tekshiruvidan o’tkazish. 
2. Auditorlik hisobotini tarkibiy qismlariga izoh bering. 
3. Banklarning yillik hisobotlarini auditorlik tekshiruvidan o’tkazish. 
4. Auditorlik xulosasining asosiy qismlari. 
5. Tashqi audit va uning ahamiyati. 
6. Ichki auditning mohiyati. 

---

132 
Golosariy 
Aksept – to‘lovchining to‘lov hujjatini to‘lash uchun bergan roziligi. 
Avizo – banklararo hisob-kitoblarda hujjatning yuborilganligi to‘g‘risidagi 
ogohnoma. 
Akkreditiv – ishonch, ishonchli ma’nosini bildiradi, naqd pulsiz hisob-kitob 
shakllaridan biri. 
Amortizatsiya (eskirish) – bu aktivning foydali xizmat qilish muddati 
davomida uning amortizatsiya qilinadigan qiymatini muntazam ravishda 
taqsimlash va bank xarajatlari uchun o‘tkazib borish ko‘rinishidagi eskirishning 
qiymat ifodasi 
Asosiy vositalar – bu moddiy aktivlar bo‘lib, bank faoliyatida bank 
xizmatlarini ko‘rsatish jarayonida, ijaraga berish uchun yoki ma’muriy 
maqsadlarda foydalaniladi va bir yildan ortiq vaqt mobaynida foydalanishga 
mo‘ljallangan. 
Auditorlik faoliyati deganda - auditorlik tashkilotlarining auditorlik 
xizmatlari ko‘rsatish bo‘yicha tadbirkorlik faoliyati tushuniladi. 
Auditor — auditor malaka sertifikatiga ega bo‘lgan jismoniy shaxsdir. 
Auditorlik tashkiloti - tanlov asosida tanlab olingan auditorlik faoliyatini 
amalga oshirish litsenziyasiga ega bo‘lgan yuridik shaxs; 
Auditorning malaka sertifikati - auditorning malakasini tasdiqlovchi va 
auditorlik tashkiloti nomidan auditorlik xizmatlari ko‘rsatish huquqini beruvchi 
hujjat.
Auditorning yordamchisi - auditor malaka sertifikatiga ega bo‘lmagan va 
auditorlik hisobotida, auditorlik xulosasida auditorning ekspert xulosasida hamda 
auditorlik tekshiruvini o‘tkazish bilan bog‘liq bo‘lgan boshqa rasmiy hujjatda imzo 
chekish huquqiga ega bo‘lmagan tarzda auditorning topshirig‘iga binoan auditorlik 
tekshiruvida ishtirok etayotgan jismoniy shaxsdir.