Oriental Journal of Geography ISSN: 2181-2772 https://www.supportscience.uz/index.php/ojg 21
Geografik axborot tizimi fazoviy ma’lumotlar bazasini rastrli va vektorli grafik
muharrirlarni va fazoviy ma’lumotlarni tahlil qilish uchun turli xil vositalarni o‘z ichiga olishi
mumkin. Ular kartografiya, geologiya, meteorologiya, yer tuzish, ekologiya, shahar ma’muriyati,
transport, iqtisodiyot, mudofaa va boshqa ko‘plab sohalarda qo‘llaniladi [1, 4-b.].
Yurtimizda har bir sohada zamonaviy texnologiyalarni qo‘llagan holda yangicha uslublarni
ishlab chiqish, qilinadigan ishlarning sifatini yaxshilash va vaqtdan unumli foydalanish borasida
bir qancha ishlar amalga oshirilmoqda. Yangi texnologiyalardan foydalanish orqali kartografiyani
rivojlanishiga ulkan xissa qo‘shmoqda.
Yuqoridagi usullardan foydalanib elektron kartalar yaratish ishlari olib borilmoqda. Karta
yoki atlasning programmasi (dasturi) loyihalashning negizidir. Bu jarayon quyidagilarni o‘z ichiga
oladi: karta tuziladigan hududning nomi, kimlar uchun mo‘ljallanganligi, kartografik turi, tipi,
karta va atlaslarning mavzulari, matematik asosi, kartalar mazmuni, generalizatsiya prinsiplari,
tasvirlash usullari va shakllari, statistik va kartografik manbalar, ulardan foydalanish tartibi hamda
karta yoki atlasni tayyorlash texnologiyasi.
Kartalar yaratishda shartli belgilarni tanlash va joyida ishlata bilish kerak. Shartli belgilar
oddiy shaklda, mazmunga loyiq tanlanishi zarur, shu bilan birga hozirgi zamon texnologiyasiga
mos bo‘lishi kerak. Karta tuzishda legendaning ahmiyati kattadir, shuning uchun ham legenda
kartaning kaliti deb ham yuritiladi. Chunki, u karta mazmunini ochib beradi. Kartani o‘qishdan
ilgari uning legendasi bilan tanishiladi. Legenda ishlab chiqishda shartli belgilar karta mazmuniga
mos bo‘libgina qolmasdan, mantiq jixatdan ham to‘liq, sodda, o‘qilishi oson va qisqa bo‘lishi
zarur[2].
Biz elektron kartalar tuzishda keng tarqalgan GAT ning universal tizimida bo’lgan ArcGIS
dasturidan foydalanib, irrigatsiya kartalarini tuzishda olib borilgan jarayon bilan tanishib chiqdik.
ArcGIS dasturidan foydalanib, irrigatsiya kartalarni tuzishda uning masshtabi, unda qancha
hudud aks ettirilishi, qaysi elementlar asosiy va qaysilari ikkinchi darajali, jarayonlarni
ko’rsatishda qaysi materiallar asosida bajarilishi, hududning xususiyatlari va boshqalarni bilish
lozim bo‘ladi.
Karta dasturini ishlab chiqish uchun asos bo’lib kartani tuzish uchun olingan buyurtma
hisoblanadi. Unda karta nomi (mavzusi), masshtabi, maqsadi, kartaga olinayotgan hudud
ko‘rsatiladi.
Tematik mazmundagi shartli belgilarni ishlab chiqarishda, mavzu bo‘yicha obyektlar va
komplekslarining xususiyatlari e’tiborga olinadi. Ularni kartalarda tasvirlash jarayonida, asosan,
kartografik tasvirlash usullari hamda shartli belgilardan foydalaniladi. Ko’pgina obyektlarni
kartaning masshtabi tufayli aks ettirib bo’lmaydi.