44 3.1-mashg‘ulot “My_Favourite_Things_v1.pptx” taqdimot faylini oching. Birinchi slaydga slayd oʻtish vaqtini
tajriba uchun sozlab koʻring. Unga 0.5 soniyani, 1 soniyani, 1.5 soniyani kiritib ko‘ring. Qaysi
birini yaxshi deb hisoblasangiz, shuni tanlang.
3.2-mashg‘ulot “Design_Favourite_Things_v1.docx” nomli dizayn faylini tanlang. Slayd oʻtishlariga vaqt
qoʻshing.
3.3-mashg‘ulot “My_Favourite_Things_v1.pptx” nomli taqdimot faylini yana oching. Taqdimotingizdagi har
bir slaydga oʻzingiz yaratgan slayd oʻtish effektlarini qoʻshing.
Agar siz slaydni namoyish qilish uchun vaqtni belgilashni xohlasangiz, u avtomatik ravishda
keyingi slaydga oʻtmasdan oldin mos vaqt oraligʻini tanlashingiz kerak. Tinglovchilaringiz uchun
har bir slayddagi tarkibni oʻqish uchun qancha vaqt kerakligini tekshirishning bir usuli – bu har bir
slayddagi matnni oʻzingiz o‘qing va qancha vaqt kerakligini tekshiring. Keyin esa bu vaqt oraligʻini,
masalan, 30 soniya qiymatini
After maydoniga kiritishingiz mumkin.
Har bir slayd oʻtishiga tovush qoʻshishingiz mumkin. Yana shuni yodda tutingki, tovush effektlari
auditoriyani chalgʻitishi mumkin. Shuning uchun tovushni ehtiyotkorlik bilan tanlashingiz lozim.
Har bir slayd oʻtish effekti uchun tovush qoʻshilishi maqsadga muvofiq emas, lekin ularni vaqti-
vaqti bilan ishlatish yaxshi natija berishi mumkin. Masalan, agar siz keyingi slaydda biron bir
qiziqarli narsani namoyish qilmoqchi boʻlsangiz, barabanli rulon tovushi auditoriya eʼtiborini jalb
qilishda juda samarali boʻlishi mumkin.
Slayd oʻtish effektiga tovushni qoʻshish uchun
Sound maydonining oxiridagi strelkaga bosing.
Tanlash mumkin boʻlgan tovushlar ro‘yxati chiqadi.
