Mustaqil ish mavzu: suv rеsurslаridаn sаmаrаli

XULOSA. 
Hozirgi kunda Respublikamizda eng dolzarb masalalardan biri suvni sifat 
jihatdan muhofaza qilishdir. Bu muammoni hal etishda ko'pchilik olimlar qaytarma 
va oqava suvlarni tozalashni asosiy yo'l deb qaramoqdalar. Lekin, bu yo'l juda 
murakkab bo'lib, qimmatga tushadi. Ikkinchidan, eng takomillashgan sun'iy 
tozalash 
inshootlari ham suvni to'la tozalashga imkon bermaydi. Suvni 80-90 foizi tozalash 
etarli darajada takomillashgan deb qabul qilinadi. Bu holda 10-20 foiz o'ta 
chidamli ifloslantiruvchi moddalar yana suv tarkibida qoladi. 
Bu asosiy masala esa bir qancha choralar tizimini o'z ichiga oladi. Ular oqava 
suvlarni daryolar, ko'llar, suv omborlariga oqizishni iloji boricha kamaytirishga, 
ayrim hollarda esa to'la to'xtashishga qaratilgandir. Faqat shu yo'lgina masalani 
tubdan hal qilishga imkon beradi, toza suvni tashlandiq suvga aralashtirishdan 
xalos etadi. SHu yo'l bilan tabiiy suvlarning sifatini yaxshilash va ularning 
miqdorini ko'paytirish mumkin, chunki bunda butun daryo suvi toza bo'lib, iste'mol 
uchun yaroqli bo'ladi, toza suv hajmi bir necha marta ortadi. 
Yuqorida qayd etilgan vazifalarni bajarish nafaqat suv taqchilligini oldini 
olish, balki suv resurslaridan mukammal foydalanishni, suv manbalarininig 
ifloslanishini oldini olishga, tejalgan suv resurslaridan qo'shimcha erlarni 
o'zlashtirishga, ikkalamchi sho'rlanishni oldini olishga olib keladi. 

---

Suvdan foydalanishga kompleks yondashish usuli suvdan foydalanishni 
rejalashtirishda yerlarning tabiiy xususiyatlarini, irrigatsiya, sanoat, energetika va 
kommunal xo'jaligining istiqboli rivojini hisobga olgan holda suv ta'minoti 
vazifalarini kompleks rejalashtirishni ko’zda tutadi. 
Tashkiliy chora-tadbirlar suv resurslarini muhofaza qilish va ulardan unumli 
foydalanishda muhim rol o’ynaydi. Bu chora-tadbirlarga suvning sifatini nazorat 
qilib turish, oqava suvlarni tozalash ustidan nazorat o'rnatish, suv xavzalariga neft 
va boshqa ifloslovchi moddalarning to'qilishiga yo'l qo'ymaslik, korxonalarning 
suvdan foydalanishi ustidan nazorat o'rnatish, aholini ichimlik suvi bilan 
ta'minlaydigan manbalarning biologik, kimyoviy va bakteriologik holatini nazorat 
qilib turish, yangi quriladigan korxonalarning loyiha hujjatlarini ekspertizadan 
o'tkazish, ularning tozalagich inshootlarisiz ishga tushirilishiga yo'l qo'ymaslik va 
shu singari ko'pgina tadbirlar kiradi-ki, bular pirovardida suv resurslarini muhofaza 
qilishda beqiyos ahamiyatga ega.