Qanun nə deyir? Bunu hamı bilməlidir! “Şəffaflıq Azərbaycan”İB tərəfindən nəşr olunub Bakı, Azərbaycan Respublikası
Azərbaycan Respublikasına gələn əcnəbilərin və vətəndaşlığı olmayan şəxslərin ölkədə
Yüklə 0,55 Mb. Pdf görüntüsü
|
|
9. Azərbaycan Respublikasına gələn əcnəbilərin və vətəndaşlığı olmayan şəxslərin ölkədə müvəqqəti olma müddətinin uzadılması ilə əlaqədar hansı sənədlər tələb olunur? • müvəqqəti olma müddətinin uzadılması barədə ərizə-anket - 1 ədəd; • əcnəbinin ölkə ərazisinə daxil olması üçün əsas olmuş pasportunun və ya onu əvəz edən sənədi, vətəndaşlığı olmayan şəxsin isə şəxsiyyətini təsdiq edən sənədi; • 3x4 ölçüdə fotoşəkil - 2 ədəd (qırmızı fonda); • müvəqqəti olma müddətinin uzadılmasına əsas olan halların mövcudluğunu təsdiq edən sənəd; • Azərbaycan Respublikasında 30 gündən artıq yaşamaq istəyən əcnəbinin və ya vətəndaşlığı olmayan şəxsin qeydiyyata alınmasını təsdiq edən sənədi; • 14-18 yaşlarında olan şəxslərin notarial qaydada təsdiq edilmiş yazılı razılığı; 40 • yaşayış sahəsinə köçmək üçün əsas verən sənədin (mülkiyyət hüququnun dövlət qeydiyyatına alınması haqqında daşınmaz əmlakın dövlət reyestrindən çıxarış, order, icarə və ya kirayə müqaviləsi, yaxud Azərbaycan Respublikası qanunvericiliyində nəzərdə tutulmuş başqa sənədin) notarial qaydada təsdiq olunmuş surəti; • vətəndaşa yaşayış sahəsi verən şəxsin ərizəsi (Dövlət Miqrasiya Xidmətinin rəisinin adına olmaqla notarial qaydada təsdiq olunmuş); • vətəndaşa yaşayış sahəsi verən şəxsin şəxsiyyət vəsiqəsinin notarial qaydada təsdiq olunmuş surəti. Qeyd: Aşağıda sadalanan hallarda əcnəbilərin və vətəndaşlığı olmayan şəxslərin Azərbaycan Respublikasının ərazisində müvəqqəti olma müddəti uzadılır: a) əcnəbilərin və vətəndaşlığı olmayan şəxslərin Azərbaycan Respublikası ərazisində təcili müalicə olunmasına zərurət yarandıqda; b) əcnəbilərin və vətəndaşlığı olmayan şəxslərin Azərbaycan Respublikasında yaşayan yaxın qohumları ağır xəstələndikdə və ya vəfat etdikdə; c) xidməti zərurətlə əlaqədar Azərbaycan Respublikasına gəlmiş əcnəbilər və vətəndaşlığı olmayan şəxslər tərəfindən nəzərdə tutulmuş işlərin başa çatdırılmadığına dair həmin şəxsləri ölkəyə dəvət etmiş təşkilat tərəfindən əsaslandırılmış vəsatət verildikdə.
Qaçqın statusu verilməsi barədə vəsatətlə müraciət edən şəxs vəsatətində qaçqın statusu verilməsi xahişinin səbəblərini göstərməklə xüsusi anket (Əlavə 7) blankını doldurmalı, özünün, habelə (himayəsində və qəyyumluğunda olan şəxslər də daxil olmaqla) ailə üzvləri barədə məlumatları göstərməklə ölkəsi, doğulduğu yer, ailə vəziyyəti haqqında məlumatları qeyd edir, yol sənədini və şəxsiyyətini təsdiq edən sənədi (xarici pasport, yol vəsiqəsi və s.) Azərbaycan Respublikası Dövlət Miqrasiya Xidmətinə təhvil verməlidir. Əcnəbilərin və vətəndaşlığı olmayan şəxslərin Azərbaycan Respublikasında olma, yaşama və ya Azərbaycan Respublikası ərazisindən tranzitlə keçmə qaydalarını pozmasına, yəni: • Azərbaycan Respublikasında olma və ya yaşama hüququ verən sənədlər olmadan, habelə qeydiyyatsız yaşamasına; • etibarsız sənədlərlə Azərbaycan Respublikasının ərazisində olmasına və ya yaşamasına; • Azərbaycan Respublikasının ərazisində müvəqqəti olduğu və ya müvəqqəti yaşadığı dövrdə Azərbaycan Respublikasına gəlişinin bəyan edilmiş məqsədinə uyğun olmayan fəaliyyətlə məşğul olmasına; • işə düzələrkən qanunvericilikdə müəyyən edilmiş qaydaları pozmasına; • bir yerdən başqa yerə getmə və yaşayış yeri seçmə üçün qanunvericilikdə müəyyən olunmuş qaydaya əməl etməməsinə; qanunvericilikdə müəyyən edilmiş qalma müddəti qurtardıqdan sonra getməkdən boyun qaçırmasına; Azərbaycan Respublikasının ərazisindən tranzitlə keçmə qaydalarına əməl etməməsinə görə - əcnəbilər və ya vətəndaşlığı olmayan şəxslər Azərbaycan Respublikasının hüdudlarından kənara inzibati qaydada çıxarılmaqla və ya çıxarılmamaqla 300 manatdan 400 manatadək miqdarda cərimə edilir.
Əcnəbiləri və ya vətəndaşlığı olmayan şəxsləri Azərbaycan Respublikasına dəvət etmiş və onlara yaşayış sahəsi vermiş Azərbaycan Respublikası vətəndaşları və ya Azərbaycan Respublikasında daimi yaşayan əcnəbilər və ya vətəndaşlığı olmayan şəxslər tərəfindən həmin şəxslərin Azərbaycan Respublikasında müvəqqəti olma müddəti bitdikdən sonra müəyyən olunmuş qaydada vaxtında ölkə ərazisindən çıxmasının təmin edilməsi üçün tədbir görülməməsinə görə - 300 manatdan 400 manatadək miqdarda cərimə edilir. 41
Azərbaycan Respublikasında əcnəbiləri və ya vətəndaşlığı olmayan şəxsləri qəbul edən, onlara xidmət göstərilməsini və ya onların işə qəbul olunmasını təmin edən və onların Azərbaycan Respublikasında olması, yaşaması və ya Azərbaycan Respublikası ərazisindən tranzitlə keçməsi şərtlərinə əməl edilməsi ilə əlaqədar vəzifələri yerinə yetirən müəssisə, idarə və ya təşkilatların vəzifəli şəxsləri tərəfindən əcnəbilərin və ya vətəndaşlığı olmayan şəxslərin qeydiyyata alınmasının və qeydiyyatdan çıxarılmasının, onlara Azərbaycan Respublikasında olma və ya yaşama hüququ verən sənədlərin rəsmiləşdirilməsinin müəyyən edilmiş qaydalarının pozulmasına görə - vəzifəli şəxslər 300 manatdan 500 manatadək miqdarda cərimə edilir. Əcnəbilərin və vətəndaşlığı olmayan şəxslərin işə cəlb edilməsi qaydasının pozulması İşəgötürən tərəfindən qanunvericiliyin tələbləri pozulmaqla fərdi icazəalınmadan əcnəbinin və ya vətəndaşlığı olmayan şəxsin işə cəlb edilməsinə görə - vəzifəli şəxslər üç min manatdan beş min manatadək miqdarda, hüquqi şəxslər 30 000 manatdan 35 000 manatadək miqdarda cərimə edilir. 11. Azərbaycan Respublikasının vətəndaşlığına mənsubiyyətin müəyyən edilməsi ilə əlaqədar tələb olunan sənədlər hansılardır? Azərbaycan Respublikasında yaşayan şəxslərdən tələb olunan sənədlər: • Azərbaycan Respublikası vətəndaşlığına mənsubiyyət ilə bağlı ölkə ərazisində yaşayan şəxslər tərəfindən doldurulan ərizə-anket – 1 ədəd; • 3*4 sm ölçüdə fotoşəkil - 2 ədəd; • tərcümeyi-hal; • şəxsiyyəti təsdiq edən sənədin surəti (notarial qaydada təsdiqlənmiş); • yaşayış yeri üzrə qeydiyyatı barədə F-A kartının surəti (müvafiq icra hakimiyyətinin təsdiqi ilə); • 18 yaşnadək uşaqların valideynlərinin şəxsiyyətlərini təsdiq edən sənədlərinin surətləri (notarial qaydada təsdiqlənmiş); • qaçqınsınızsa, bu statusunuzu təsdiq edən sənədin surəti (notarial qaydada təsdiqlənmiş). Xarici ölkələrdə yaşayan şəxslərdən tələb olunan sənədlər: • Azərbaycan Respublikası vətəndaşlığına mənsubiyyət ilə bağlı xarici ölkələrdə yaşayan şəxslər tərəfindən elektron formada doldurulmalı olan ərizə-anket – 1 ədəd; • 3*4 sm ölçüdə fotoşəkil - 2 ədəd; • tərcümeyi-hal; • şəxsiyyəti təsdiq edən sənədin surəti (notarial qaydada təsdiqlənmiş); • 18 yaşınadək uşaqların valideynlərinin şəxsiyyətlərini təsdiq edən sənədlərinin surətləri (notarial qaydada təsdiqlənmiş); • qaçqınsınızsa, bu statusunuzu təsdiq edən sənədin surəti (notarial qaydada təsdiqlənmiş). Azərbaycan Respublikasının “Ölkədən getmək, ölkəyə gəlmək və pasportlar haqqında” Qanununun 12-ci maddəsinin tələblərinə uyğun olaraq cinayət işi üzrə şübhəli və ya təqsirləndirilən şəxs qismində tanınmışdırlarsa - barələrində cinayət təqibi üzrə icraat başa çatanadək; cinayət törətdiyinə görə məhkum olunublarsa — cəza çəkməkdən azad olunana, yaxud cəzanı tam çəkənədək; məhkəmədə onlara qarşı mülki iddia verilibsə — müvafiq olaraq Azərbaycan Respublikasının qanunvericiliyi ilə müəyyənləşdirilmiş qaydada mülki iş üzrə qərar qüvvəyə minənədək əcnəbilərin Azərbaycan Respublikasından getməsi müvəqqəti məhdudlaşdırıla bilər. “Azərbaycan Respublikasının vətəndaşlığı haqqında” Azərbaycan Respublikası Qanununun 10-cu maddəsinə əsasən, Azərbaycan Respublikasının vətəndaşı olan şəxsin xarici dövlətin vətəndaşlığına mənsubiyyəti, Azərbaycan Respublikasının beynəlxalq müqavilələrində nəzərdə tutulmuş və ya 42
Azərbaycan Respublikası Konstitusiyasının 109-cu maddəsinin 32-ci bəndinə müvafiq surətdə həll edilmiş hallar istisna olmaqla tanınmır. Azərbaycan Respublikası ərazisində müvəqqəti və ya daimi yaşamaq üçün icazələrin alınması ilə əlaqədar əcnəbiyə yaşayış sahəsi verən şəxs (ev sahibi) tərəfindən Azərbaycan Respublikası Dövlət Miqrasiya Xidmətinin rəisinin adına müraciət olunan müvafiq ərizədə ev sahibinin və qediyyata düşən şəxsin adı, soyadı, atasının adı, həmçinin şəxsin qeydiyyata düşmək istədiyi ünvan göstərilməklə, əcnəbi və ya vətəndaşlığı olmayan şəxsə müvəqqəti və ya daimi qeydiyyata düşməsinə etiraz edilməməsi barədə qeydlər öz əksini tapmalıdır. Azərbaycan Respublikası Nazirlər Kabinetinin 2000-ci il 6 dekabr tarixli 214 saylı qərarı ilə təsdiq edilmiş “Əcnəbinin Azərbaycan Respublikası ərazisində haqqı ödənilən əmək fəaliyyətini həyata keçirməsi üçün fərdi icazənin verilməsi Qaydaları”nin 1.3-cü bəndinə əsasən, işəgötürən fərdi icazə almış əcnəbini başqa işəgötürənin yanında işə keçirə bilməz. Belə ki, əcnəbini və vətəndaşlığı olmayan şəxsi Azərbaycan Respublikası ərazisində haqqı ödənilən əmək fəaliyyətinə cəlb etmək istəyən digər işəgötürən yeni fərdi icazənin alınması ilə bağlı Azərbaycan Respublikasının Dövlət Miqrasiya Xidmətinə müraciət etməlidir.
tərəfindən 1000 (min) manat məbləğində dövlət rüsumu Kapital Bankın yerli filiallarından birinə ödənməlidir
Avtomobil alarkən daha çox istifadə olunan iki qayda mövcuddur: • Ümumi etibarnamə ilə (Generalnı) • Alqı-satqı yolu ilə 2. Avtomobilin etibarnamə yolu ilə alınmasının qaydaları nədir? Etibarnamə ilə avtomobil alarkən sadəcə avtomobi satan şəxs həmin avtomobil üzərində bütün hüquqları müəyyən olunmuş müddətə etibar edir. Ancaq, mülkiyyət hüququ satan şəxsdə qalır, yəni avtomobilin qeydiyyat şəhadətnaməsi (texniki pasportu) satan şəxsin adında qalır. Etibarnamənin müddəti ərzində avtomobili alan şəxs onun üzərində müstəqil olaraq sərəncam verə bilər. Onu öz adına rəsmləşdirə bilər, kiməsə bağışlaya bilər, sata bilər, girov qoya bilər və digər hərəkətlər edə bilər. Amma əgər müəyyən olunmuş müddət ərzində avtomobili alan şəxs heç bir hərəkət etmirsə, etibarnamənin müddəti bitdikdən sonra həmin şəxs avtomobil üzərində hüquqlarını itirmiş olur. Bu halda təkrar olaraq avtomobili satan şəxsdən yenidən etibarnamə alınmalıdır.
Dövlət Rüsumu haqqında AR-sı qanunun 10.9-cu maddəsinə görə Nəqliyyat vasitələrinin özgəninkiləşdirilməsi və üzərində sərəncam verilməsi ilə bağlı etibarnamələrə(generalnı)görə dövlət rüsumu 10 manat nəzərdə tutulmuşdur. Əgər etibarnamə ərə(arvada), uşaqlara, nənəyə, babaya, nəvəyə, bacıya, qardaşa verilərsə bu zaman 5 manat dövlət rüsumu ödənilməlidir. Etibarnamələr Dövlət Notariat Konturlaraında verilir. Həmin Etibarnamə 10 gün müddətində qeydiyyatda olduğu yer üzrə DYP-nin qeydiyyat şöbəsində 10 manat dövlət rüsumu ödənilməklə qeydiyyata alınmalıdır. 4. Avtomobilin idarə edilməsi ilə bağlı etibarnamə necə verilməlidir və xərclər nə qədərdir? Avtomobilin istifadə edilməsi ilə bağlı etibarnamə isə yalnız sürücülük vəsiqəsi olan şəxslərə verilir. Bu halda Dövlət Rüsumu haqqında AR-sı qanunun 10.11-ci maddəsinə görə Nəqliyyat 43
vasitələrinin istifadə edilməsi ilə bağlı etibarnamələrə görə dövlət rüsumu 10 manat nəzərdə tutulmuşdur. Əgər etibarnamə ərə (arvada), uşaqlara, nənəyə, babaya, nəvəyə, bacıya, qardaşa verilərsə bu zaman 5 manat dövlət rüsumu ödənilməlidir.
5. Avtomobilin alqı-satqı yolu ilə alınması isə ən etibarlı və məqsədəmüvafiq qaydadır. Bu zaman avtomobili alan şəxslə satan şəxs arasında alqı-satqı müqaviləsi bağlanılır. Həmin müqəvilə əsasında avtomobil tam olaraq alan şəxsin mülkiyyətinə keçir. Bu halda avtombilin qeydiyyat şəhadətnaməsi(texniki pasportu) alan şəxsin adına rəsmləşdirilir və həmin şəxs avtomobilin tam mülkiyyətçisi sayılır. Avtomobilin alqı-satqı yolu ilə alınması üçün xərclər nə qədərdir? Avtomobilin alqı-satqı müqəviləsi üzrə xərclərə gəlincə isə qeyd edim ki, Dövlət Rüsumu haqqında AR-sı qanunun 10.2-cu maddəsinə görə Nəqliyyat vasitələrinin özgəninkiləşdirilməsi ilə bağlı müqavilələrə görə dövlət rüsumu 50 manat nəzərdə tutulmuşdur. Əgər müqavilə ərə(arvada), uşaqlara, nənəyə, babaya, nəvəyə, bacıya, qardaşa verilərsə bu zaman 25 manat dövlət rüsumu ödənilməlidir.
6.Avtomobillər texniki baxışdan hansı vaxtlarda keçirilir və nə qədər rüsum ödənilməlidir? Azərbaycan Respublikasında qeydiyyatda olan bütün nəqliyyat vasitələrinə "Yol hərəkəti haqqında" Qanunun 30-cu maddəsinin altıncı hissəsində qeyd olunduğu kimi ildə bir dəfə texniki baxış keçirilir. Nəqliyyat vasitəsinə texniki baxış keçirilməsi üçün: Nəqliyyat vasitələrinin illik texniki baxışdan keçirilməsinə görə: - аvtonəqliyyаt vаsitələri üçün - 20 mаnаt; - motonəqliyyat vasitələri, traktor, tikintidə, meşə və kənd təsərrüfatında, başqa işlərdə istifadə üçün nəzərdə tutulan özügedən maşınlar, texnoloji, yarış məqsədli idman və digər mexaniki nəqliyyat vasitələri, qoşqular, yarımqoşqular üçün - 10 mаnаt. Minik avtomobilləri, avtobuslar və digər avtomobil nəqliyyatı vasitələrinin mühərrik həcminin hər kub santimetrinə görə - 0,01 manat, muhərrikin həcmi 2000 kub santimetrdən 3000 kub santimetrədək olduqda, 20 manat + mühərrikin həcminin 2000 kub santimetrdən çox hissəsi üçün hər kub santimetrə görə - 0,02 manat, muhərrikin həcmi 3000 kub santimetrdən 4000 kub santimetrədək olduqda 40 manat + muhərrikin həcminin 3000 kub santimetrdən cox olan hissəsinin hər kub santimetrinə gorə - 0,03 manat, muhərrikin həcmi 4000 kub santimetrdən 5000 kub santimetrədək olduqda 70 manat + muhərrikin həcminin 4000 kub santimetrdən cox olan hissəsinin hər kub santimetrinə gorə - 0,04 manat, muhərrikin həcmi 5000 kub santimetrdən cox olduqda 110 manat + muhərrikin həcminin 5000 kub santimetrdən cox olan hissəsinin hər kub santimetrinə gorə - 0,05 manat yol vergisi tutulur. Texniki baxış üçün avtomobillərin markaları nəzərə alınmaqla aşağıdakı müddətlər müəyyən olunmuşdur: • VAZ markalı avtomobillər üçün – yanvar ayının 1-dən may ayının 1-dək. • QAZ, Moskviç, ZAZ, UAZ və digər MDB istehsalı olan avtomobillər üçün – may ayının 1-dən iyul ayının 1-dək. • Yük avtomobilləri və avtobuslar üçün – iyul ayının 1-dən sentyabr ayının 1-dək. • Digər xarici dövlətlərdə istehsal olunmuş minik avtomobilləri üçün – sentyabr ayının 1-dən noyabr ayının 1-dək. Nəqliyyаt vаsitəsinin sаhibləri (səlаhiyyətli şəхs), onlаrа məхsus nəqliyyаt vаsitələrini teхniki bахış tаlonundа müəyyən edilən vахtdаn gec olmаyаrаq (müddətin son tarixi texniki baxış talonunun üzərində dəlik vasitəsilə qeyd olunur) dövlət teхniki bахışınа sаz vəziyyətdə təqdim etməyə borcludur. 44
Аzərbаycаn Respublikаsının İnzibаti Хətаlаr Məcəlləsinin 154.1 mаddəsinin tələbinə müvаfiq olаrаq, nəqliyyаt vаsitələrinin sаhibləri və yа sürücüləri tərəfindən müəyyən edilmiş qаydаdа və müddətdə (müddətin son tarixi texniki baxış talonunun üzərində dəlik vasitəsilə qeyd olunur) nəqliyyаt vasitəsini dövlət qeydiyyatından və ya texniki baxışdan keçirmədən idarə etməyə görə fiziki şəхslər 50 mаnаt miqdаrındа, vəzifəli şəхslər 100 mаnаt miqdаrındа, hüquqi şəхslər 300 mаnаt miqdаrındа cərimə edilirlər. Məcəllənin 154.1-ci maddəsində nəzərdə tutulmuş nəqliyyat vasitəsini dövlət qeydiyyatından və ya texniki baxışdan keçirmədən idarə etməyə görə inzibati məsuliyyətə cəlb olunduqda 10 gün ərzində nəqliyyat vasitəsini dövlət qeydiyyatından və ya texniki baxışdan keçirməlidir. Bu müddət ərzində şəxs həmin əməlin törədilməsinə görə təkrarən inzibati məsuliyyətə cəlb olunmur. 18. Dövlət qulluğuna qəbul Dövlət qulluğu dedikdə nə başa düşülür? Dövlət qulluğu Azərbaycan Respublikasının Konstitusiyasına və digər qanunvericilik aktlarına uyğun olaraq dövlətin məqsədlərinin və funksiyalarının həyata keçirilməsi sahəsində dövlət qulluqçularının öz vəzifə səlahiyyətlərini yerinə yetirməsidir. Hansı orqanlar dövlət orqanları hesab edilirlər? Azərbaycan Respublikasının qanunvericilik aktları ilə müəyyən edilmiş hüdudlarda Azərbaycan Respublikasının məqsəd və funksiyalarını həyata keçirən, qanunvericiliyə uyğun olaraq yaradılmış və dövlət büdcəsindən maliyyələşdirilən dövlət qulluqçularının qurumu dövlət orqanıdır. Kimlər dövlət qulluqçuları hesab edilirlər? Dövlət qulluqçuları “Dövlət qulluğu haqqında” Azərbaycan Respublikasının Qanununu ilə müəyyən edilmiş qaydada maaşlı (maaş yalnız dövlət büdcəsi vəsaitindən verilə bilər) dövlət qulluğu vəzifəsini tutan və Azərbaycan Respublikasına sadiq olacağına and içən Azərbaycan Respublikasının vətəndaşlarıdır.
Dövlət qulluğu haqqında” Azərbaycan Respublikası Qanununun 27.1-ci maddəsinə əsasən Azərbaycan Respublikasının 16 yaşına çatmış, irqindən, milliyyətindən, dilindən, cinsindən, sosial mənşəyindən, əmlak vəziyyətindən, yaşayış yerindən, dinə münasibətindən, əqidəsindən, ictimai və digər birliklərə mənsubiyyətindən asılı olmayaraq, müvafiq vəzifənin tələblərinə uyğun peşə hazırlığına malik olan vətəndaşlarının dövlət qulluğuna girmək hüququ vardır. Azərbaycan Respublikasının Prezidenti yanında Dövlət Qulluğu Məsələləri üzrə Komissiya hansı vəzifələrin tutulması üzrə müsabiqə elan edir? “Dövlət qulluğu haqqında” Azərbaycan Respublikası Qanununun 28.2-ci maddəsinə müvafiq olaraq inzibati vəzifələrin altıncı-doqquzuncu təsnifatlarına uyğun olan vəzifələr boşaldıqda, müvafiq icra hakimiyyəti orqanı (Azərbaycan Respublikasının Prezidenti yanında Dövlət Qulluğu Məsələləri üzrə Komissiya) həmin vəzifələrin tutulması üçün müsabiqə elan edir. Prokurorluq, Ədeliyyə, Milli Təhlükəsizlik, Müdafiə, Fövqəladə Hallar, sərhəd xidməti, Miqrasiya xidməti, daxili işlər, gömrük, vergi xarici işlər və feldyeger rabitəsi orqanlarına qəbulla bağlı imtahanlar Dövlət Qulluğu komissiyası tərəfindən aparılmır. Dövlət orqanlarında vakant dövlət qulluğu vəzifələrinin tutulması üçün müsabiqələrin keçirilməsi ilə bağlı məlumatı haradan əldə etmək olar? Azərbaycan Respublikasının Prezidenti yanında Dövlət Qulluğu Məsələləri üzrə Komissiya tərəfindən dövlət orqanlarında vakant dövlət qulluğu vəzifələrinin tutulması üçün müsabiqələrin keçirilməsi ilə bağlı elanlar mütəmadi olaraq kütləvi informasiya vasitələrində dərc edilir, o cümlədən Komissiyanın rəsmi internet saytında ( http://www.csc.gov.az/ ) yerləşdirilir. 45
Müsabiqədə iştirak etmək istəyən vətəndaşlar hansı sənədləri təqdim etməlidirlər? Müsabiqədə iştirak etmək istəyən vətəndaşlar aşağıdakı sənədləri Azərbaycan Respublikası Prezidenti yanında Dövlət Qulluğu Məsələləri üzrə Komissiyaya təqdim etməlidirlər: • ərizə • şəxsiyyəti təsdiq edən sənədin surəti (notarial qaydada təsdiq edilmiş) • kadrlar uçotunun şəxsi vərəqəsi • ali təhsil haqqında sənədin surəti (notarial qaydada təsdiq edilmiş) • əmək kitabçasının surəti (olduğu təqdirdə, notarial qaydada və ya işəgötürən tərəfindən təsdiq edilmiş) • ixtisas dərəcəsini təsdiq edən sənədlərin surəti (olduğu təqdirdə, notarial qaydada və ya işəgötürən tərəfindən təsdiq edilmiş) • sağlamlıq haqqında arayış • ağ fonlu rəngli fotoşəkil 4 ədəd (2 ədəd 3 x 4, 2 ədəd 4 x 6) • Sənədlərin qəbulu müsabiqə elan edilən gündən etibarən 30 gün Azərbaycan Respublikasının Prezidenti yanında Dövlət Qulluğu Məsələləri üzrə Komissiya tərəfindən aparılır. “Dövlət qulluğu haqqında” Azərbaycan Respublikası Qanununun 13.2-ci maddəsinə əsasən inzibati vəzifə iddiasında olan şəxsin müvafiq ali təhsili olmalıdır, orta təhsilli vətəndaşlar elan edilən müsabiqələrdə iştirak edə bilməzlər. Müsabiqədə iştirak etmək istəyən vətəndaşların təqdim etməli olduqları ərizə formasını və kadrlar uçotunun şəxsi vərəqəsini Komissiyanın rəsmi internet saytından ( http://www.csc.gov.az/ ) yükləyə və ya inzibati binasından (AZ1072, Bakı şəhəri, K.Rəhimov küçəsi, 874-cü məhəllə) əldə edə etmək olar.
Dövlət qulluğuna qəbul üzrə müsabiqə hansı mərhələlərdən ibarətdir? Qanunvericiliyə uyğun olaraq müsabiqə vahid test imtahanından və söhbətdən ibarətdir. Test İmtahanında mümkün olan baldan ən azı 80 faizini toplamış namizəd imtahanı müvəffəqiyyətlə vermiş hesab edilir. Əlavə olaraq bildiririk ki, test imtahanında hər namizədə 100 sual təqdim edilir və hər düzgün cavab bir balla qiymətləndirilir.
Vərəsəlik ölmüş şəxsin (miras qoyanın) əmlakı başqa şəxslərə (vərəsələrə) keçməsidir. 2. Miras qoyanın əmlakı vərəsələrə hansı əsaslarla keçir? Miras qoyanın əmlakı vərəsələrə qanun üzrə və ya vəsiyyət üzrə və ya hər iki əsasla keçə bilər. Qanun üzrə vərəsəlik (ölmüş şəxsin əmlakının qanunda göstərilmiş şəxslərə keçməsi) o zaman qüvvədə olur ki, miras qoyan vəsiyyətnamə qoymur, yaxud vəsiyyətnamə tamamilə və ya qismən etibarsız sayılır.
1. Qanun üzrə vərəsəlik zamanı vərəsələr miras qoyanın öldüyü məqamda sağ olmuş şəxslər, habelə miras qoyanın ölümündən sonra doğulmuş uşaqları ola bilərlər. 2. Vəsiyyət üzrə vərəsəlik zamanı vərəsələr miras qoyanın öldüyü məqamda sağ olmuş şəxslər, habelə miras qoyanın sağlığında mayası bağlanmış və onun ölümündən sonra doğulmuş şəxslər, bu şəxslərin onun uşaqları olub-olmadığına, habelə hüquqi şəxslər olub-olmadığına baxmayaraq, ola bilərlər. 46
QANUN ÜZRƏ VƏRƏSƏLİK 4. Qanun üzrə vərəsələr kimlərdir? Qanun üzrə vərəsəlik zamanı aşağıdakılar bərabər pay hüquqlu vərəsələr sayılırlar: 1. Birinci növbədə - ölənin uşaqları, miras qoyanın ölümündən sonra doğulmuş uşaq, arvad (ər), valideynlər (övladlığa götürənlər). (Övladlığa götürülən və onun övladları övladlığa götürənin vərəsələri və ya qohumları kimi övladlığa götürənin uşaqlarına və onların övladlarına bərabər tutulurlar.) 2. İkinci növbədə - ölənin bacıları və qardaşları. Miras qoyanın bacısı uşaqları və qardaşı uşaqları və onların uşaqları o halda qanun üzrə vərəsə sayılırlar ki, mirasın açıldığı vaxt miras qoyanın vərəsəsi olacaq valideynləri sağ olmasın. Onlar qanun üzrə vərəsəlik zamanı onların ölmüş valideyninə çatası miras payını bərabər olaraq miras alırlar. 3. Üçüncü növbədə - həm ana tərəfdən, həm də ata tərəfdən nənə və baba, nənənin anası və atası, babanın anası və atası. Nənənin anası və atası, babanın anası və atası o halda qanun üzrə vərəsə sayılırlar ki, mirasın açıldığı vaxt nənə və baba sağ olmasın. 4. Dördüncü növbədə - xalalar və bibilər, dayılar və əmilər. 5. Beşinci növbədə - xala uşaqları və bibi uşaqları, dayı uşaqları və əmi uşaqları, onlar sağ olmadıqda isə onların uşaqları.
Fiziki şəxs ölməsi halı üçün öz əmlakını və ya onun bir hissəsini həm vərəsələr sırasından, həm də kənar adamlar sırasından bir və ya bir neçə şəxsə qoya bilər. Bunun üçün miras qoyan tərəfindən vəsiyyətnamə qoyulmalıdır. 6. Vəsiyyətnamə necə tərtib olunur? Vəsiyyətnamə yazılı formada tərtib edilməlidir. Həm notariat formasında və ya bunsuz yazılı vəsiyyətnaməyə yol verilir.
imzalayır, notarius isə təstiqləyir. Vəsiyyətnaməni vəsiyyət edənin sözlərindən iki şahid olmaq şərti ilə notarius yaza bilər, vəsiyyət edən isə vəsiyyətnaməni notariusun və şahidlərin yanında oxuyub imzalayır. Əgər vəsiyyət edən hər hansı bir səbəbdən vəsiyyətnaməni özü imzalaya bilmirsə, başqa fiziki şəxs imzalaya bilər. Bu zaman vəsiyyət edənin hansı səbəbdən vəsiyyətnaməni imzalaya bilmədiyi göstərilməlidir. Ev vəsiyyətnaməsi- vəsiyyət edən vəsiyyətnaməni öz əli ilə yazıb imzalaya bilər. Bu halda o, vəsiyyətnaməni zərfə qoyub bağlayaraq üç şəxsin yanında notariusa (və ya digər notariusa bəbrabər tutulan şəxsə) verə bilər.
Vəsiyyət edənin uşaqlarının, valideynlərinin və arvadının (ərinin) vəsiyyətnamənin məzmunundan asılı olmayaraq mirasda məcburi payı vardır. Bu pay qanun üzrə vərəsəlik zamanı onlara çatası payın yarısını (məcburi pay) təşkil etməlidir. Məcburi pay almaq hüququ olanvərəsə onu qəbul etməkdən imtina edə bilər, lakin bu imtina digər qanun üzrə vərəsələrin məcburi payının artmasına səbəb olmur. Onun payı vəsiyyət üzrə vərəsələrə keçir.
Mirası istər qanun üzrə, istərsə də vəsiyyət üzrə vərəsə qəbul edir. 47
Vərəsə mirasın açıldığı yer üzrə notariat kontoruna mirası qəbul etdiyi barədə ərizə verdikdə və ya əmlaka sahiblik etməyə və ya əmlakı idarə etməyə faktiki başladıqda və bununla da mirası qəbul etdiyini şəksiz nümayiş etdirdikdə miras vərəsə tərəfindən qəbul edilmiş sayılır. Vərəsə mirasın bir hissəsinə sahiblik etməyə faktik başladıqda hesab edilir ki, mirasın nədə ifadə edilməsindən və harada olmasından asılı olmayaraq, o, mirası tamamilə qəbul etmişdir.
Vərəsə vərəsəliyə çağırıldığını bildiyi və ya bilməli olduğu gündən üç ay ərzində mirası qəbul edə bilər. Miras açıldığı gündən altı ay keçdikdən sonra mirasın qəbuluna yol verilmir.
Əgər miras almaq hüququ digər vərəsələrin mirası qəbul etmədikləri halda yaranırsa, miras onun qəbulu üçün müəyyənləşdirilmiş müddətin qalan hissəsi ərzində qəbul edilməli, bu müddət altı həftədən az olduqda isə altı həftəyədək uzadılmalıdır. Vərəsəlik şəhadətnaməsi nə vaxt verilir? Vərəsəlik şəhadətnaməsinin verildiyi müddət: Vərəsəlik şəhadətnaməsi vərəsələrə mirasın açıldığı gündən altı ay keçdikdən sonra istənilən vaxt verilir. Əgər notariat orqanında şəhadətnamə tələb edən şəxslərdən savayı, başqa vərəsələrin olmadığı barədə məlumat vardırsa, vərəsəlik şəhadətnaməsi altı aydan da tez verilir.
Vəsiyyət edən vəsiyyətnaməni həmişə dəyişdirə və ya ləğv edə bilər. Bunu aşağıdakı üsullarla etmək olar: - əvvəlki vəsiyyətnaməni və ya onun bir hissəsini ləğv edən yeni vəsiyyətnamə tərtib etməklə (əvvəlki vəsiyyətnamənin göstərişləri sonrakı vəsiyyətnamə ilə dəyişdirilmədiyi halda qüvvədə qalır), - notariat orqanına ərizə verməklə, - vəsiyyətnaməni ləğv etmək üçün onun bütün nüsxələri vəsiyyət edənin özü və ya onun sərəncamı ilə notarius tərəfindən məhv edilməlidir. - Notariat vəsiyyətnaməsi başqa formalı vəsiyyətnamə ilə ləğv edilə bilməz. 20. Hüquqi yardimla bağli uğurlu işlər və maraqli prosesslər Lənkəran – Hüquqi Yardım Mərkəzi (LRC) – İyul, 2011 Regionlarda ən xarakterik problemlərdən biri vətəndaşların əmək müqaviləsi olmadan işə cəlb olunması və işlədilməsidir. İşsizliyin ciddi problem olması səbəbindən və bəzi hallarda işverənin vergidən yayınma və lazımı anda məsuliyyəti öz üzərindən ata bilməsi üçün, vətəndaşlar bu cür hallara göz yumaraq işyerlərində çalışmağa razılıq verirlər. Bu baxımdan əmək müqaviləsi olmadan işləyən vətəndaşların daha sonra problemlərlə qarşılaşaraq mərkəzlərimizə hüquqi məsləhət üçün müraciət etməsi başa düşüləndir. Bununla bağlı mərkəzlərimizə bir çox müracitlər daxil olub. Xüsusilə bu müraciətləri digərlərindən fərqləndirən əsas cəhət onların kollektiv müraciətlər olmasıdır. Mərkəzimizə 10 nəfərdən ibarət Masallı və Lənkəran rayon sakini müraciət edərək bildiriblər ki, onlar hərbi hissələrdən birində təmir-tikinti işlərində çalışmışlar və işləri təhvil verdikdən sonra onlara haqqları tam ödənilməmişdir. Vətəndaşların şikayəti ilə bağlı bir başa olaraq müdafiə nazirliyinə müraciət ünvanlanıb və problem iki həftə ərzində yoluna qoyulub, vətəndaşları almalı olduqları əmək haqqı tam olaraq onlara ödənib. Digər belə bir hal Lənkəran şəhərində yerləşən hərbi hissədə baş verib. Müdafiə nazirliyinə göndərilən müraciətə cavab olaraq bildirilib ki, işlər özəl şirkət tərəfindən aparılır və 48
işçilərin əmək haqqının ödənilməsi də məhz şirkətin vəzifəsidir. Lakin cavab məktubunda özəl şirkətin əlaqə vasitələri və ünvanı göstərilməyib. Bu isə vətəndaşlara həmin şirkəti tapmaqda çətinlik yaradıb. Təşkilatımız bu işdə də vətəndaşlara köməklik göstərib və şirkətin əlaqə vasitələrini müəyyənləşdirərək, ora müraciət ünvanlanmasına yardım edib. Şirkətə müraciət ünvanlandıqdan sonra problem yoluna qoyulub. Vətəndaşların əmək haqqı tam olaraq ödənilib. Bu iki nümunədən çıxan ümimi nəticə ondan ibarətdir ki, vətəndaşlarla əmək müqaviləsi bağlanmadan yalnız özəl şirkətlər deyil, eyni zamanda bəzi hallarda dövlət qurumlarının özləri də fəaliyyət göstərirlər. Bu isə bir başa qanun pozuntusudur və problemin aktuallığını və ciddiliyini göstərir. Ümumiyyətlə Əmək hüquqları ilə bağlı əksər problemlər vətəndaşların hüquqi maarifsizliyi, əmək münasibətlərinə girən zaman öz hüquqlarını bilməməsi ilə bağlıdır. Amma digər bir diqqət ayrılmalı məqam odur ki, vətəndaşlar problemlə qarşılaşdıqları halda onunla yalnız şəkildə deyil, kollektiv qaydada, birgə mübarizə aparmağa üstnülük verirlər. Kollektiv şəkildə edilən müraciətlərə daha erkən baxılır və onların həlli daha tez baş verir. Məhz bu səbəbdən “Şəfafflıq Azərbaycan” təşkilatı 2011-ci il 6 dekabr tarixində Əmək münasibətləri zamanı qarşıya çıxan hüquq pozmaları mövzusunda Əmək və Əhalinin sosial müdafiəsi nazirliyi və vətəndaş cəmiyyətinin üzvlərinin də qatıldığı dəyirmi masa keçirib. Bu dəyirmi masada yuxarıda sadalanan problemlər də daxil olmaq əmək münasibətləri zamanı qarşıya çıxan digər çatışmazlıqlar da müzakirə edilib və onların həlli ilə bağlı tövsiyyələr səsləndirilib. Şəki – Hüquqi Yardım Mərkəzi (LRC) - Noyabr 2011 Şəki şəhərinin mərkəzi bazarında bir neçə dükana sahib olan sahibkarın mülkiyyəti haqsız olaraq onun əlindən alınıb. Haqsız yerə köşklərini itirən sahibkar bununla bağlı məhkəməyə müraciət edib. Amma sahibkarın ziyanına qərar çıxarılıb. Qarşılaşdığı haqqsızlıqlarla əlaqədar mərkəzimizə müraciət edən vətəndaşa lazımı məsləhət verilməklə yanaşı, şikayət ərizəsi müvafiq qurumlara göndərilib. Məsələ ilə bağlı kütləvi informasiya vasitələrində məlumatlar yerləşdirilib və məhkəmə proseslərinin gedişi müşahidə olunub. Məhz bunun nəticəsində vətəndaş Apelyasiya məhkəməsində qalib gəlib. Amma daha sonra problem məhkəmə qərarının icra edilməməsi ilə bağlı yaranıb. Məhkəmə tərəfindən vətəndaşın leyhinə çıxarılmış qərar müxtəlif bəhanələrlə icra edilməyib. Tərəfimizdən bununla bağlı müvafiq dövlət qurumlarına məlumat verilib və məhkəmə qərarının tez zamanda icra olunması ilə bağlı tələbimiz çatdırılıb. Bu hadisələrdən sonra Məhkəmə qərarının icrası istiqamətində işlər görülməyə başlanıb. “Şəffaflıq Azərbaycan” təşkilatının Şəki mərkəzi işə fəal cəlb olunub və onlar icra prosesini yerində izləyərək baş verən hadisələrlə bağlı ictimaiyyəti məlumatlandırıblar. Mərkəzimizin hüquqşünasları icra proesesinin gedişində vətəndaşa daim hüquq məsləhətlər veriblər və onu dəstəkləyiblər. Nəticədə 2011-ci ilin 23 Noyabr tarixində məhkəmə qərarı tam icra olunub və dükanlar sahibinə təhvil verilib. Hadisədən bir müddət sonra Şəki şəhər icra hakimi işində yol verdiyi nöqsanlara görə vəzifəsindən azad edilib. Azərbaycan reallığında vətəndaşların qarşılaşdıqları qanun pozuntusu ilə sonadək mübarizəsi xarakterik hal deyil. Belə ki, bir çox hallarda vətəndaşlar problemlərini rüşvət verərək həll edir, bəzən isə haqsız qərarla razılaşmaq məcburiyyətində qalırlar. Amma yuxarıda adını çəkdiyimiz işdə vəziyyət fərqlidir. Vətəndaş ona qarşı edilən haqsızlıqla barışmamaqla yanaşı, problemini rüşvət verərək deyil, əksinə hər tərəfli mübarizə ilə yoluna qoymağa çalışır. O vətəndaş cəmiyyətinin üzvlərini də prosesə cəlb etməklə, onun əhatə dairəsini daha da genişləndirir. Bu kimi işlər insanları öz hüquqlarını müdafiə etməyə həvəsləndirir və vətəndaşlarla, ictimai təşkilatlar arasında inamı gücləndirir. Baş verənlərə şahid olan digər sahibkarlar da qarşılaşdıqları oxşar problemlərlə bağlı müvafiq qürumlar qarşısında məsələ qaldırdıqdan sonra isə günhkarlar barəsində daha ciddi tədbirlər görülür. Prosesdən bir müddət sonra şəki şəhər icra hakiminin vəzifəsindən uzaqlaşdırılması məhz bu amillə bağlıdır. Quba – İctimai Maraqların Qorunması və Hüquqi Məsləhət Mərkəzi – Avqust 2011 49
Quba şəhəri sakini Quba ALAC ofisinə müraciət edərək aldığı ticarət obyektinin Daşınmaz Əmlakın Dövlət Reyestri tərəfindən qeydiyyata alınmamasından şikayətini bildirmişdir. Vətəndaş DƏDRX-nin Xaçmaz ərazi idarəsi tərəfindən onun ərizəsinə cavab olaraq verilən məktubunda, haqlı olaraq bildirilirdi ki, alqı-satqı müqaviləsi notarial qaydada təsdiq olunmadığı üçün AR MM- nin 146.1-ci maddəsinə əsasən o qəbul edilə bilməz. Alqı-satqı müqaviləsinin digər tərəfi olan, tərəfindən müqavilənin rəsmi möhür ilə təsdiqlədiyini bildirərək notarial qaydada müqavilənin yenilənməsindən imtina etmişdir. Vətəndaşa əqdin bağlanmış hesab edilməsinə dair iddia ərizəsi ilə məhkəməyə müraciət etmə hüququ izah edilmişdir. Vətəndaşın xahişi ilə iddia ərizəsi tərtib edilmiş və vətəndaş məhkəməyə müraciət etmişdir. Quba ALAC ofisi vətəndaşı Məhkəmədə təmsil etmişdir. Quba rayon məhkəməsinin Qətnaməsi ilə İddia tələbi təmin edilmişdir. Bu işdən görüldüyü kimi vətəndaşlar bir çox hallarda öz hüquqları barədə tam məlumatlı olmurlar və müxtəlif qurumlar onların məlumatsızlığından istifadə edərək süni əngəllər yaradırlar. ALAC layihəsinin köməkliyi ilə vətəndaşlara onların hüquqları izah olunur və onlar bu qurumlar qarşısında öz hüquqlarını daha inamlı şəkildə qoruyurlar. Bu məsələ digər vətəndaşlar üçün də nümunə təşkil edir və onları hüquqların pozulmasına qarşı mübarizədə həvəsləndirir. Gəncə- – Hüquqi Yardım Mərkəzi (LRC) Oktyabr, 2010 “Şəffaflıq Azərbaycan” təşkilatının Gəncə mərkəzinə müraciət edən bir qrup vətəndaş Goranboy rayonu qəsəbələrindən birində yerləşən onlara məxsus və şəxsi mülkiyyətlərində olan torpaq sahələrinin Azenerji ASC və Goranboy rayon İcra Hakimiyyəti tərəfindən qanunsuz olaraq zəbt edildiyini bildiriblər. Belə ki, bu vətəndaşların Hüquqi savadsızlığından istifadə edərək onların Torpaq Şəhadətnamələri əllərindən alınıb və nəticədə Azenerji ASC tərəfindən şəxsi mülkiyyətdə olan torpaq sahələri qanunsuz olaraq zəbt edilmişdir. Vətəndaşların məsələ ilə bağlı müraciətinin ardından lazımı sənədlər toplanaraq “dəymiş maddi ziyanın ödənilməsinə dair” İddia Ərizəsi hazırlandı və məhkəməyə müraciət edildi. İşə aidiyyatı üzrə Gəncə İnzibati-İqtisadi Məhkəməsində baxıldı və vətəndaşların leyihinə qərar çıxarıldı. Nəticə etibarı ilə Azenerji ASC vətəndaşların Mülkiyyət Hüquqlarını pozduğuna görə Konpensasiya ödəməli oldu. İcra hakimiyyətinin nümayəndəsi vətəndaşlardan onları aldadaraq torpaq şəhadətnamələrini alması ilə öz səlahiyyətlərini aşmışdır. Azernerji ASC isə vətəndaşların xüsusi mülkiyyətində olan torpaq sahələrini qanunsuz olaraq zəbt etməsi ilə Azərbaycan Respublikasının Konstitusiyasında göstərilən mükiyyət hüququnu, o cümlədən “Torpaqların Dövlət ehtiyacları üçün alınması” haqqında Azərbaycan Respublikası qanunundan irəli gələn tələbləri və Mülki Məcəllə ilə qorunan şəxsin mülkiyyət hüquqlarını pozmuşdur. Azenerji tərəflərlə uzun müddətdən sonra razılığa gələrək Kompensasiya ödəməyi qəbul edib və Məhkəmə Barışıq Sazişi imzalanıb.
“Şəffaflıq Azərbaycan” təşkilatının ALAC Gəncə mərkəzinə müraciət edən vətəndaş yaşadığı yerə qaz çəkmək üçün ondan 600 manat pul alınsa da onun evinə qaz çəkilmədiyini bildirmişdir. Vətəndaşın şikayəti əsasında Azərbaycan Respublikası Dövlət Neft şirkəti “Azəriqaz” İstehsalat birliyinə müraciət ünvanlanmışdır. Qurumdan məsələyə tez bir zamanda diqqət göstərilmiş və problemin aradan qaldırılması üçün işlər görülmüşdür. Bildirmidir ki, texniki şərt əsasında layihədə nəzərdə tutulan tikinti-quraşdırma işləri başa çatdırıldıqdan, “Azəriqaz” İB tərəfindən qaz sayğacı quraşdırıldıqdan və istismara qəbul edildikdən sonra göstərilən ünvandakı fərdi evə təbii qazın verilməsi müvafiq qaydada təmin edilmişdir. Müraciətçi ofisə gələrək ondan alınan məbləğin geri qaytarıldığını bildirmişdir. 50
Buna bənzər digər bir problemdə isə müraciətçi bildirilmişdir ki, onun yaşadığı mənzilə qaz xəttinin çəkilməsi üçün dövlət rüsumu keçirməsinə baxmayaraq ondan əlavə 300 manat pul tələb olunur. Vətəndaşın ərizəsi əsasında məsələ ilə bağlı Azərbaycan Respublikası Dövlət Neft şirkəti “Azəriqaz” İstehsalat birliyinə müraciət ünvanlanmışdır. Məhz bundan sonra vətəndaşın problemi öz həllini tapıb. Belə ki, qurumdan gələn cavabda bildirilir ki, yeni yaşayış sahələrinin və evlərin qazlaşdırılmasının “Bir pəncərə prinsipi” ilə icra olunması üçün Azəriqaz istehsalat birliyi tərəfindən təlimat hazırlanmışdır. Həmin təlimatın tələbinə uyğun olaraq mülkiyyət və qeydiyyatla bağlı aidiyyatı sənədlər əlavə olunmaqla evin layihə smeta sənədlərinin hazırlanması üzrə xərclərlə razılaşmaqla nömrələnmiş ərizə forması Gəncə Qaz İstismar sahəsində imzalanmış, müraciətçinin evinə qaz sayğacı quraşdırılmış, evə təbii qaz verilmişdir. Müraciətçi ofisə gələrək ondan ancaq sayğacın pulunun alındığını və digər məbləğin isə ona geri qaytarıldığını bildirmişdir. “Şəffaflıq Azərbaycan” təşkilatının ALAC Gəncə mərkəzinə gələn vətəndaş ünvanlı sosial yardım (ÜSY) almaq üçün Əmək və Əhalinin Sosial Müdafiəsi Nazirliyinin Gəncə mərkəzinə müraciət edərkən süründürməçiliklə üzləşdiyini bildirmişdir. Məsələ ilə əlaqədar ƏƏSM Nazirliyindən gələn cavabda vətəndaşın ünvanlı sosial yardım almaq üçün Gəncə şəhər əhalinin sosial müdafiəsi mərkəzinə rəsmi qaydada müraciət etmədiyi göstərilmiş, bununla belə vətəndaşın mərkəzə dəvət olunaraq, ünvanlı sosial yardımla bağlı mövcud olan qanunvericilik barədə ona ətraflı məlumat verildiyi, ailəsinin ünvanlı sosial yardım hüququnun müəyyən edilməsi üçün zəruri sənədləri təqdim etməklə Mərkəzə rəsmi qaydada müraciət etməsi tövsiyyə olunmuşdur. Müraciətçi ofisə gələrək ona ÜSY təyin olunduğunu bildirmişdir. Bakı- İctimai Maraqların Qorunması və Hüquqi Məsləhət Mərkəzi (ALAC) Dekabr 2011 “Şəffaflıq Azərbaycan” təşkilatının Bakı mərkəzinə müraciət edən vətəndaş elektrik enerjisindən istifadəyə görə ona haqsız yerə borc yazıldığını bildirib. Vətəndaş tərəfindən Bakıelektrikşəbəkəyə dəfələrlə müraciət edilməsinə baxmayaraq onun şikayətinə baxılmamış, vətəndaş süründürməçiliyə məruz qalmışdı. Tərəfimizdən Bakıelektrikşəbəkəyə müraciət edildikdən sonra vətəndaşın şikayətinə baxılıb və o Abonent şöbəsinə dəvət olunub. Araşdırmalar nəticəsində məlum olub ki, vətəndaşa borc haqsız yerə yazılıb. Yekunda borc silinib. Təşkilatımıza göndərilən məktubda bildirilir ki, enerji sərfiyyatına görə vətəndaşın Bakıelektrikşəbəkəyə heş bir borcu qalmayıb. Fevral 2012 Bakı mərkəzinə müraciət edən vətəndaş ona Əmək və Əhalinin Sosial müdafiəsi nazirliyinin yerli bölmələri tərəfindən haqsız olaraq ona ünvanlı sosial yardımın təyin edilmədiyi barədə şikayətini bildirib. Vətəndaşın ərizəsi əsasında məsələ ilə əlaqədar olaraq müvafiq dövlət qurumuna müraciət göndərilib. Məhz təşkilatın məsələyə müdaxiləsinin ardından problem yoluna qoyulub və haqsız yerə təyin edilməsindən imtina olunan ünvanlı sosial yardım vətəndaşa verilib. Vətəndaş mərkəzimizə gələrək probleminin yoluna qoyulmasına göstərdiyimiz yardıma görə minnətdarlığını bildirib. 51
“ŞƏFFAFLIQ AZƏRBAYCAN” KORRUPSİYAYA QARŞI MÜBARİZƏ İCTİMAİ BİRLİYİNİN Qaynar Xətlər Bakı 088 707 07 07 Gəncə 088 202 02 02 Lənkəran 088 303 03 03 Quba 088 404 04 04 Şəki 088 505 05 05 52
i 27 oktyabr 2009-cu il tarixli 904-IIIQD nömrəli Azərbaycan Respublikasının Qanunu (“Azərbaycan” qəzeti, 11 noyabr 2009-cu il, № 252, Azərbaycan Respublikasının Qanunvericilik Toplusu, 2009-cu il, № 11, maddə 879) ilə 7-ci maddənin “5 il” sözləri “12 il” sözləri ilə əvəz edilmişdir və məzmunda “Qeyd” hissəsi əlavə edilmişdir. Document Outline
Yüklə 0,55 Mb. Dostları ilə paylaş:
|