3- mavzu: pedagogik tizim texnologiyaning asoslari

 
1.4-rasm. O’quv maqsadlarning shakllanish piramidasi 
O’quv maqsadi faqat bitta ma’noni anglatishi lozim. 
5. Faoliyat yondashuvi tamoyili 
Ilmiy texnik taraqqiyotning hozirgi bosqichi murakkab yuqori texnologiyalarni 
qo’llash, ilmtalab mahsulotlarni ishlab chiqarish bilan xarakterlanadi, bunda nafaqat fan 
ishlab chiqarishning jadal rivojlanishiga imkoniyat yaratadi. Balki ishlab chiqarish fanning 
jadal rivojlaniga sharoit yaratadi. Bu sharoitlarda, faoliyat yondashuviga tayangan O’quv 
jarayonning samaradorligi oshadi. O’quv reja, fanlar dasturi, mashg’ulotlar turi bo’yicha 
O’quv soatlari, mutaxassis faoliyatining batafsil tahlili asosida o’rnatilishi maqsadga 
muvofiqdir - hozirgi paytda «yuz bor eshitishdan ko’ra, bir bor ko’rish afzaldir» degan 
tamoyilga tayanish kamlik qiladi. «Hozirgi zamon sharoitida, O’quv jarayoni «yuz bor 
ko’rmoqdan ko’ra, bir bor bajarish afzal» degan tamoyilga asoslanib tashkil etilishi kerak. 
Kasb ta’limi maktabi uchun, bu tamoyil o’ta muhim ahamiyatga egadir. 
Mutaxassis faoliyatining xususiyatlaridan kelib chiqqan holda, uning nazariy, 
amaliy bilimlari va malakalari shakllantiriladi. Hozirgi sharoitda, pedagogik fanda mavjud 
«nazariya va amaliyotning bog’liqlik tamoyili» sifat jihatdan yangi ma’noga «faoliyat 
yondashuvi tamoyili» ko’rinishida aks ettiriladi. Ushbu tamoyil, nafaqat nazariya va 
amaliyot bog’liqligini balki ularning o’zaro ta’sirini, o’zaro kuchayishini, O’quv jarayonini 
mutaxassis ishlab chiqarish faoliyatini hozirgi va kelgusi talabalariga tayanishishini, 
hisobga oladi. 
«Faoliyat» tushunchasining mohiyati o’z ichiga maqsad, vosita va jarayonni o’zini 
qamrab oladi. 

---

Mutaxassis faoliyatining tahlilida, ushbu tashkiliy qismlar va ularning o’zaro ta’siri 
inobatga olinishi kerak. Bu O’quv jarayonini samarali tashkil etishga imkoniyat beradi. 
«Faoliyat» tushunchasining mazmuni nuqtai nazaridan, O’quv jarayoni ham maqsadlari, 
vositalari, natijasi va jarayonni o’zi bilan xarakterlanadi. O’quv jarayoni, bo’lajak 
mutaxassisning O’quv faoliyati sifatida tasvirlanadi.