Milliy tiklanish

partiyamizning ustuvor g‘oyasidir.
6.1. Milliy madaniyat hamda ma’naviyatni rivojlan­
tirish, milliy urf­odat, an’ana va qadriyatlarni saqlash 
va boyitish sohasida:
xalqimizning tarixiy, madaniy va ilmiy­intellektual 
merosini asrab­avaylash, boyitish va yanada ko‘paytirishga 
ko‘maklashish, o‘zbek xalqining boy tarixi va madaniyatini 
o‘rganish, ularni kamol topib kelayotgan yosh avlod 
o‘rtasida keng miqyosda targ‘ib etish, yoshlarda tarixiy 
meros va xalq an’analariga chuqur hurmat, ehtirom 
uyg‘otish;
xalqimizga xos muruvvat, mehmondo‘stlik, mehr­
oqibat, o‘zaro hurmat­ehtirom, bag‘rikenglik, yaxshilik va 
saxovatpeshalik kabi milliy xususiyatlarimiz targ‘ibotiga 
asoslangan loyihalarni ishlab chiqish va amalga oshirish;
O‘zbekiston tarixini chuqur, keng miqyosda va 
izchil o‘rganishni ta’minlash, bu borada tarixiylik va 
xolislik tamoyillariga qat’iy amal qilish, tarixiy o‘tmish 

---

50
O‘ZBEKISTON «MILLIY TIKLANISH» DEMOKRATIK PARTIYASI
va o‘zbek xalqining hozirgi kundagi hayotiga baho 
berishda biryoqlama yondashuvlarga, noxolislikka yo‘l 
qo‘ymaslik, O‘zbekiston tarixini buzib, soxtalashtirib talqin 
etilishiga nisbatan qarshi kurash olib borish, xalqaro 
keng jamoatchilik diqqat­e’tiboriga O‘zbekistonning tarixiy 
o‘tmishiga doir haqqoniy haqiqatlarni yetkazish;
O‘zbekiston xalqining madaniyati va san’ati yutuq­
larini xalqaro maydonda keng miqyosda targ‘ib etish, 
hozirgi O‘zbekiston zaminida yashab ijod etgan va jahon 
tamadduni taraqqiyotiga salmoqli hissa qo‘shgan ilm­fan, 
madaniyat, adabiyot va san’at namoyandalari, buyuk 
davlat arboblari, harbiy sarkardalar hayoti faoliyatiga 
bag‘ishlangan kino asarlari yaratish va ularni dunyo 
jamoatchiligi diqqat­e’tiboriga yetkazish;
yuksak estetik qimmatga ega bo‘lib kelgan milliy 
hunarmandchilik turlarini qayta tiklash va rivojlantirish, 
qadimgi badiiy­hunarmandlik maktablari an’analarini 
saqlab qolish, hunarmandlar maqomini tadbirkorlikdan 
ajratish;
milliy liboslar va kiyimlar tarixini chuqur o‘rganish, 
milliy liboslar va kiyimlarni targ‘ib qilish, ulardan amalda 
foydalanishni kengaytirish;
gilamdo‘zlik maktabini rivojlantirish, “O‘zbek 
gilamdo‘zlari” Milliy assotsiatsiyasini tashkil etish, “O‘zbek 
gilamdo‘zlik muzeyi”ni yaratish, har bir tuman va shaharda 
tanlov asosida gilamchilik korxonalarini tashkil etish, 
“o‘zbekgilam.uz” internet katalogini yaratish;
O‘zbekiston xalqining ijtimoiy, iqtisodiy, siyosiy, 
huquqiy, madaniy tarixini o‘rganishga qaratilgan jamg‘ar­
malar tashkil etilishiga erishish.

---

51