|
Binder1
Absolyut spetsifiklik
. Eger ferment tek bir substrattın` tarqalıw yamasa payda bolıw
reaktsiyasın katalizlese,shnda ol absolyut spetsifiklikke iye boladı. Ma`selen: ureaza fermenti bir
zattın`- karbamidtin` karbonat angdridi ha`m ammiakqa shekem tarqalıwın katalizleydi. Ureaza
ha`tteki mochevina do`rendilerine de ta`sir etpeydi.
Absolyut toparlı spetsifiklik
. Bul tu`rdegi fermentlerdin` qa`siyeti (ta`biyatı) sonnan ibarat olar
bir-birine uqsag`an du`zilistegi birikpelerge ta`sir etedi. Ma`selen: alkogol`degidrogenaza,
tiykarınan etil spirtine ta`sir etedi, biraq tarmaqlanbag`an dizbekli joqarı molekulyar basqa
spirtlergede ta`sir ko`rsetiwi mu`mkin.
Salıstırmalı toparlı spetsifiklik.
Bunday spetsifiklikke iye bolg`an fermentler substrat
strukturasına parıqsız bolıp, tek olardın` quramındag`ıxx ximiyalaq baylanıslar tu`rine qarap
o`zinin` ta`sirin ko`rsetedi. Ma`selen: pepsin, tripsin belok molekulasındag`ı peptid baylanıslardı
gidrolizleydi.
Steroximiyalıq spetsifiklik. Bul tu`rdegi spetsifiklikti optikalıq aktiv bolg`an zatlarda ko`riwge
boladı. Zat almasıw protsessinde qatnasatug`ın ko`p g`ana ta`biyiy organikalıq birikpeler
optikalıq aktiv boladı ha`m organizmde qandayda bir steroizomer sıpatında ushıraydı. Eger
reaktsion ortalıq eki tu`rli izomerden quralg`an aralaspadan ibarat bolsa, steroximiyalıq
spetsifiklikke iye bolg`an ferment ta`sirinde tek substrattın` yarımı tarqaladı. Ma`selen
proteolitikalıq fermentler, a`dette tek L-formadag`ı aminokislotalardan quralg`an peptidlerdi
tarqatadı, D-formadag`ı aminokislotalarg`a ta`sir etpeydi.. Usıg`an qusag`an,
laktatdegidrogenaza fermenti L-laktat kislotanın` okisleniw reaktsiyasın katalizleydi, D-
formadag`ı kislotag`a ta`sir etpeydi.
Solay etip, fermentlerdin` spetsifikligi olardın` en` tiykarg`ı o`zgesheliklerinin` biri esaplanadı.
7.Jan`a klassifikatsiya haqqında.
Dostları ilə paylaş: |
|
|
