AĞLADAR SƏNİ Həyat yoldaşım Cəmilə xanıma Az qalıb, ay gülüm, son gedişimə,
Qurulan matəmim ağladar səni.
Yarımçıq sətirlər haray çəkəndə,
Sahibsiz qələmim ağladar səni.
Torpaq olar son axirət beşiyim,
Anam məzar – çəkər qayğı-keşiyim.
Sükuta qərq olan evim, eşiyim,
Kəsilən get-gəlim ağladar səni.
Şəkilim üstündə olan başdaşım,
Sənə məlul-məlul baxan göz-qaşım.
Yaxınım, uzağım, dostum, sirdaşım,
Hər könül həmdəmim ağladar səni.
