4. 2- mavzu: turizm korxonalarida biznes- rejalashtirish amaliy mashg’ulot rejasi

4.2.3.Turistik firmalarda biznes reja loyihalari. 
Umuman olganda, turizm sohasini rivojlantirishda biznes-reja loyihalarini 
tashkil etish va takomillashtirishning asosini kichik va xususiy biznes sub’ektlari 
tashkil etadi. Jahon mamlakatlari va O’zbekistonda turizm sohasini rivojlantirishda 
kichik va xususiy korxonalarning ahamiyati va tutgan o’rni xususida oldingi 
boblarda fikr yuritilgan edi. Ushbu bo’limda mamlakatimiz turizmi, shu jumladan, 
milliy iqtisodiyotimizning rivojlanishida xususiy turistik korxonalarining 
ko’rsatayotgan ta’siri tahlil qilinib, bu borada mavjud muammolarni aniqlash talab 
qilinmoqda. Mamlakatimizda ko’rsatilayotgan turistik xizmatlar o’z ichiga 
quyidagi turistik mahsulot turlarini qamrab oladi: trekking, speleoturizm, alpinizm, 
ekoturizm, ta’lim olish maqsadiga yo’naltirilgan turizm safari, tuyalarda sayohat 
qilish, dam olish kurortlari va sanatoriyalari, suv turizmi, tarixiy turizm, arxeologik 
turizm, ov va baliq ovi, gerbariylar va hashoratlar yig’ish, ornitologiya va 
fotoovchilik, pikniklar, ot turizmi, madaniy turizm, mahalliy xalqlar hayotini 
o’rganish va biznes-turizmi. Tabiiy ravishda, bu sohada o’ziga xos raqobatchilarni 
shakllantirishga keskin ehtiyoj yuzaga kelmoqda.
Mamlakatimizda turizm sohasidagi ushbu ehtiyojni samarali qondirishning 
birdan-bir yo’li turizm xizmatlari ko’rsatadigan kichik va xususiy biznes 
sub’ektlarini rivojlantirishda o’z ifodasini topadi. Aynan mana shunday 
tadbirkorlik sub’ektlarini asta-sekinlik bilan rivojlantirish natijasida birinchidan, 
mamlakatimiz bo’ylab sayohat qilayotgan turistlar oqimi yil sayin ortib bormoqda. 

---

Chunki ularga xizmat ko’rsatish bo’yicha xususiy turistik firmalarining o’zaro 
raqobati natijasida turistlar, ayniqsa, chet ellik turistlar ehtiyoj sezadigan jahon 
sifat andozalaridan qolishmaydigan turistik xizmatlar taklif etilmoqda. 
Ikkinchidan, kichik va xususiy biznes sub’ektlarining rivojlantirilishi natijasida 
turistik xizmatlar eksportining salmog’i yil sayin oshib bormoqda. Bu esa o’z 
navbatida mamlakatimizda mavjud turizm imkoniyatlaridan imkon qadar ko’proq 
foydalanish, shuningdek, yanada ko’proq imkoniyatlarni kashf etish uchun o’ziga 
xos zamin yaratmoqda.