Mavzu: zilziladan keyin hayot faoliyatini ta’minlash va jamoat tartibini saqlash (mahallabay tarzda) Mashg‘ulot maqsadi
Yüklə 74,7 Kb. Pdf görüntüsü
|
|
III. YAKUNIY QISM Ishlab chiqarish va xizmat ko‘rsatish sohasida band bo‘lmagan aholi – uy bekalari, qariyalar, imkoniyati cheklangan shaxslar respublika aholisining zaif qatlami hisoblanadi. Mahallalarda Favqulodda vaziyatlar vazirligi mutaxassislari, Fuqaro muhofazasi instituti o‘qituvchilari tomonidan doimiy ravishda profilaktika tadbirlari amalga oshiriladi, lekin to‘satdan sodir bo‘lgan har qanday xolatlarda, favqulodda vaziyatlarda insonning bilim doirasi, bilimini amaliyotda qo‘llay ola bilish qobiliyati - uning tayyorgarlik darajasiga bog‘liqdir. Favqulodda vaziyatlar sharoitida halok bo‘lganlarning 40% tayyorgarlikdan o‘tmaganliklari, sodir bo‘lgan vaziyatda to‘g‘ri harakat qilishni bilmaganliklari oqibatida halok bo‘lishi mutaxassislar tomonidan qayd etilgan. SHunday ekan, har bir fuqaro kuchli zilzilaning ikkilamchi oqibatlari, zilziladan keyin hayot faoliyatini tiklash, xatarli omillardan himoyalana olish bo‘yicha tayyorgarlik masalalariga e’tibor qaratishlari lozim. Xavfsiz xayotni ta’minlash avvalo o‘zimizdan va har birimizning xonadonimizdan boshlanadi. O‘zbekistonning 70% dan ortiq aholisi 8 - 9 balli seysmik hududlarda istiqomat qiladi, shuni o‘zi ham, har bir fuqarodan kuchli zilzila bilan bog‘liq favqulodda vaziyatlarda to‘g‘ri harakat qilish bo‘yicha bilim darajalarini oshirib borishni, amaliy ko‘nikmalarga ega bo‘lishni taqozo etadi. Biz seysmik xavfni kamaytira olmaymiz, lekin uning oqibatida yuzaga keladigan tanglik va qurbonlar sonini anchaga kamaytirishimiz mumkin. Zilziladan oldin, zilzila vaqtida va zilziladan keyin to‘g‘ri harakat qilish bo‘yicha ishlab chiqilgan ko‘rsatmalarga amal qilish orqali aholining zilzila vaqtida to‘g‘ri harakatlanish bo‘yicha amaliy ko‘nikmasi hosil qilinib, bunday vaziyatlarda qo‘rquvni yengib, xotirjamlikni saqlagan holda o‘zini va atrofdagilarni himoya qila olish imkoniyati yaratiladi, yo‘qotishlarning oldini olishga erishiladi. Yüklə 74,7 Kb. Dostları ilə paylaş:
|