Dünya gənc türk yazarlar bġRLĠYĠ (dgtyb)

 
 
Seçmə aşıq şeirləri 
 
32 
AġIQ ÖMƏR 
(1630 - 1707) 
 
XƏBƏRĠN VARMI? 
 
Ala gözlü, nazlı dilbər, 
Halından xəbərin varmı? 
Səni məndən ayırdılar, 
Zülümdən xəbərin varmı? 
 
Bu gün dersən, yarın dersən, 
Əğyara yardım edərsən. 
Ayrılığa zülüm dersən 
Ölümdən xəbərin varmı? 
 
Ala gözlərin süzülmüş 
Ləbindən şəkər əzilmiş. 
Əbrişim qurşan çözülmüş 
Belindən xəbərin varmı? 
 
Ömər edər gülüşmüşlər 
Aşiqlərin yanılmışlar. 
Bağçanda gülün dərmişlər 
Bağından xəbərin varmı? 
 

---

 
 
33 
 
 
DEDĠM-DEDĠ 
 
Dedim: Dilbər, yanaqların qızarmış, 
Dedi: çiçək taxdım, gül yarasıdır. 
Dedim: danə-danə olmuş bənlərin*, 
Dedi: zülfüm dəydi, tel yarasıdır. 
 
Dedim: Dilbər, sənə yazıldı qanım, 
Dedi: neçin dersən, mənim sultanım? 
Dedim: kimlər sarmış incə miyanın? 
Dedi: kəndim sardım, qol yarasıdır. 
 
Dedim: bu Ömərin ağlını aldın, 
Dedi: sevdiyinə peşmanmı oldun? 
Dedim: Dilbər, neçin saralıb soldun? 
Dedi: həp çəkdiyim dil yarasıdır.