AZƏrbaycan respublikasi təHSİl naz
Yüklə 4,43 Mb. Pdf görüntüsü
|
- Bu səhifədəki naviqasiya:
- 7.2. Vençur biznesinin t əşkilati əsasları
- 7.3. Vençur maliyy əl əşdirm əsini şərtl əndir ən amill ər v ə şəraitl ər
- 7.4. Of şor biznesi
|
VII FƏSİL. VENÇUR VƏ OFŞOR BİZNESİ
Vençur biznesi ilk dəfə 1957-ci ildə ABŞ-da təşəkkül tapmışdır. Bu biznes növünün yaradıcıları mühəndis-tədqiqatçı Yuçin Klyaner, biznes- menlər Artur Rok, Tom Perkiniç və başqaları olmuşdur. Artur Rok 1961-ci ildə vençur fondu yaratmışdır. XX əsrin 70-ci illərində vençur kapitalından Avropada istifadə edilməyə başlanılmışdı və hazırda çoxlu sayda vençur şir- kətləri fəaliyyət göstərir. MDB ölkələrində vençur biznesi TASİS və Avropa Yenidənqurma və İnkişaf Bankının təşəbbüsləri əsasında inkişaf etməyə başlamışdır. Elmi-texniki tərəqqinin sürətləndirilməsi və elmtutumlu istehsal sa- hələrinin inkişafı innovasiya maraqlarını təmsil edən elmi-texniki tədqiqat- lar və təcrübi konstruktor işləmələri sferasında kiçik sahibkarlığa əhəmiy- yətli təsir edə bilən yeni maliyyələşdirmə mənbələrindən istifadə olunmasını ön plana çəkir. Son illərdə inkişaf etmiş bir çox ölkələrdə vençur maliyyələşdirməsi geniş yayılmaqdadır. Bu, mahiyyətcə vəsait qoyuluşunun geri qaytarıl- masına zəmanət almadan sürətlə inkişaf edən kiçik innovasiya şirkətlərinin nizamnamə kapitalına investisiya qoyuluşudur. Vençur maliyyələşdirməsi riskli olmaqla yanaşı investisiyanın daha yüksək gəlir gətirəcəyini ehtimal edir, çünki vəsait elmtutumlu layihələrin icrasına qoyulur. Biznesin maliyyələşdirilməsinin alternativ, spesifik forması kimi vençur kapitalı maliyyə qoyuluşlarının diversifikasiyalılığına qadir olan iri innovasiya şirkətlərilə assosiasiya olunur. Lakin o, yeni növ xammalın, enerji resurslarının, texnoloji xətlərin və s. işlənməsinə istiqamətlənmiş kiçik sahibkarlığın inkişafında da az rol oynamır. Vençur maliyyələşdirməsi faktiki olaraq yeni texnologiyaların maliyyələşdirilməsinin bir növ sinonimi olmuşdur. Bu zaman kiçik innovasiya şirkətlərinin investisiya obyekti tez- tez onun təsisçilərinin əqli mülkiyyəti olur. XX əsrin ikinci yarısında məhz vençur kapitalı informatika, hesab- lama texnikası, mikroelektronika və digər elmtutumlu istehsal sahələrində ilk dəfə ABŞ-da, sonra isə dünyanın digər ölkələrində iri elmi-texniki layi- hələrin reallaşdırılmasında çox vacib rol oynadı. Bir sıra qiymətləndirmələrə görə hazırda dünyada bütün vençur investisiyalarının təqribən 50 faizi ABŞ-ın payına düşür. Vençur (riskli) maliyyələşdirməsi sayəsində fərdi kompyuterlərin, mikroprosessorların, gen mühəndisliyinin və s. elmi-texniki və praktiki işlə- mələri meydana gəlmişdir. Bu gün bütün dünyada məşhur olan ən iri Mikrosoft, Lotus, Cisko Sistems, Tutel, Apple Computers şirkətləri Бизнесин тяшкили вя идаря едилмяси 90
tərəfindən dəstəklənmişdilər. Vençur kapitalı əsasən yeni texnologiyaların yaradılmasına və yeni elmtutumlu məhsulların istehsalına oriyentasiyalı yeni yaradılan və ya artıq fəaliyyətdə olan kiçik müəssisələrə qoyulur. Ölkənin iqtisadi inkişafının aktual məsələlərinin həlli yüksək texno- logiyalı kiçik şirkətlərin maliyyələşdirilməsinin nisbətən yeni forma və mənbələrinin mümkün istifadəsindən əhəmiyyətli dərəcədə asılıdır. Belə mənbələrə hər şeydən əvvəl vençur maliyyələşdirməsi aiddir. Vençur maliyyələşdirməsinin adi bank kredit verməsindən prinsipial fərqləri vardır: − İnvestor öz vəsaitini vəsait qoyuluşuna kompensasiya zəmanəti olmadan kiçik müəssisələrin nizamnamə kapitalına qoyur. Başqa sözlə, pul vəsaitləri onların qaytarılmasına əvvəlcədən müəyyən edilmiş müddət ol- madan verilir. Vençur investoru perspektivdə ancaq bu müəssisələrin səhm- lərinin əvvəlcədən danışılmış hissəsini əldə etməyi nəzərdə tuta bilər; − Vençur təklifinin uğursuz reallaşdırıldığı halda kiçik innovasiya ş irkətinə vəsait qoymuş investor sərf olunmuş vəsaitin hansısa bir qanuni yolla qaytarılması imkanına malik deyil; − Kiçik müəssisələrə vençur investisiyası onların tərəfindən hər hansı bir girov qoyulmadan verilir; − Əgər banklar kiçik biznes subyektlərinə onların gələcək fəaliyyətini müfəssəl öyrənmədən kredit verirsə (burada ancaq kreditin qaytarılma imkanları maraq kəsb edir), vençur investorları innovasiya şirkətinə pul qoyaraq şirkətin səhmlərinin bir hissəsinə sahib olmaq hüququ alır və biznes üzrə onun partnyoru olur; − Kiçik müəssisənin nizamnamə kapitalına vəsait qoyan investor həm təsisçi və həm də innovasiya layihəsinin rəhbərlərindən biri kimi müəssi- sənin maliyyə-iqtisadi və texniki problemlərinin müzakirəsində aktiv iştirak edir; −
biznes planı ilə tanış olur (ola bilsin ki, texniki-iqtisadi əsaslandırma ilə də), investisiya layihəsinin cəlbetmə dərəcəsini; özünü maliyyələşdirmə, rentabellik səviyyəsini, xalis mənfəətini, şirkətin imicini, rəhbərlərin ixtisasını, anoloji texniki layihələrin tətbiqedilmə təcrübəsini və s. nəzərdən keçirir; − Kredit verən banklardan fərqli olaraq vençur şirkəti illik faiz ödəmələri tələb etmir. Təcrübə göstərdi ki, bir çox vençur şirkətləri səhmlərini bir və ya bir neçə fiziki şəxsdə qapalı yerləşdirmə vasitəsilə öz maliyyələşdirməsini həyata keçirirdilər. Sonuncular səhmdar kapitalında öz payını alırlar, çox vaxt şirkətin direktorlar şurasında yer tutur və gələcəkdə yüksək divi-
Бизнесин тяшкили вя идаря едилмяси 91
dendlərə ümid edirlər. Biznes inkişaf etdikcə innovasiya layihələrinin əlavə maliyyələşdirilməsinə tələbat artdı. Bu halda vençur kapitalı fondu yara- dıldı, fondun rəhbərləri isə vençur kapitalistləri adını aldılar. Vençur fondları eyni vaxtda bir neçə kiçik şirkətə vəsait qoymaq imkanına malik idilər ki, bu da fondun portfelini (portfolio companies) formalaşdırmağa imkan verdi. Bu zaman vençur kapitalisti onların portfe- linə daxil olan şirkətlərin direktorlar şurasının üzvlərinə çevrilərək qoyulan vəsaitin istifadəsinin effektivliyinə nəzarət etməyi bacarırdılar. Bir qayda olaraq vençur fondlarının fəaliyyəti 7-10 illik dövrlə məhdudlaşır. Həmin müddət başa çatdıqdan sonra onlar ləğv edilir, portfelə daxil olan şirkətlərin səhmləri isə açıq bazarda satıla, ya da sadəcə olaraq fondun investorları (payçıları) arasında bölüşdürülə bilər.
Kiçik innovasiya biznesinin inkişafı böyük pul məbləğlərinin cəlb edilməsi zəruriliyini artırır. Buna görə də vençur fondlarının meydana gəl- məsi tamamilə qanunauyğun prosesdir. Vençur fondları müvəqqəti təşkilati strukturlardır. Onlar bir və ya bir neçə hüquqi və fiziki şəxslərin pul vəsaitlərinin birləşdirilməsi yolu ilə müqavilə əsasında yaradılırlar. Vençur fondlarından az tanınan, lakin investisiya qoyuluşu üçün po- tensial cazibədar yeni şirkətlərin dəstəklənməsinə istiqamətlənən pul axın- ları vətəndaşların şəxsi pullarının qısa müddət ərzində gəlir gətirməyən innovasiya layihələrinə transformasiya etməsinə imkan verərək texniki tə- rəqqinin aşkar katalizatoru rolunu oynadılar. Vençur biznesinin inkişafı müəyyən üstünlüklərə malikdir: − Bazar konyukturunun dəyişilməsinə çevik, cəld reaksiyavermə qabiliyyəti; − Yeni ideyaların sınaqdan keçirilməsinə vaxtında oriyentasiya etmək imkanı; − Sərt bürokratik qaydaların yoxluğu. Kiçik biznes sferasında şir- kətlərin işçiləri (bir qayda olaraq, istedadlı mühəndislər, alimlər, ixtiraçılar) ə mək intizamının ümumi qəbul edilmiş “çərçivəsindən” kənara çıxaraq müəyyən yaradıcılıq azadlığına malikdirlər. Vençur fondunun öhdəliklərinə cavab verən və ancaq fonda qoyduğu vəsaitin məbləği həddində risk edən təsisçi məhdud məsuliyyətli tərəfdaş sayılır (limited partner). Bir qayda olaraq vençur fondunun işçisi şirkətin direktorlar şurasının tərkibinə daxil edilir, lakin bu zaman o, şirkətin icraçı direktoruna çevrilmir. Onun rolu əsasən vacib strateji qərarların qəbulunda aktiv iştirak etməklə
Бизнесин тяшкили вя идаря едилмяси 92
məhdudlaşır, vençur fondunun rəhbərliyi investorların pul vəsaitlərindən səmərəli istifadə olunmasında maraqlıdır. Beləliklə, vençur fondunun idarə heyəti şirkətin maliyyə-təsərrüfat fəaliyyətinə daim nəzarət etməklə yanaşı onun investisiya cəlbediciliyinin artmasına görə öz təkliflərini verə bilər. İ nvestisiyanın yatırma prosesinin son mərhələsi (exit) qapalı şəxsi ş irkətdən açıq səhmdar şirkətinə çevrilməsindən ibarətdir. Ş irkətin açıq bazara çıxışı olan açıq (kütləvi) şirkətə çevrilməsinin müəyyən üstünlükləri və çatışmazlıqları vardır. Üstünlükləri: − Müxtəlif maliyyə alətlərinə pul qoyuluşunu diversifikasiya etmək imkanı; − Gələcəkdə xarici maliyyələşdirmə mənbələrinin asan və ucuz cəlb edilməsi. Belə ki, səhmlərin açıq bazarda yerləşdirilməsi və informasiyanın elan edilməsi nəticəsində potensial investorlar şirkətlə yaxından tanış olacaqlar və şirkətə qarşı etibarlılıq dərəcəsi yüksələcəkdir; − Açıq şirkətlərdə qiymətli kağızların pula çevrilmə ehtimalı qapalı səhmdar cəmiyyətlərilə müqayisədə çox azdır. Belə ki, səhmləri xarici in- vestorlara satmaq çətindir, şirkətin həmtəsisçiləri və sahibkarı mümkün ma- liyyə risklərinə görə öz şirkətinin səhmlərini almaqdan imtina edə bilərlər; − Satış bazarının əhəmiyyətli dərəcədə genişləndirilməsi. Belə ki, qapalı şirkətlərdə bunu həyata keçirmək çətindir və s. Çatışmazlıqları, nöqsan cəhətləri:
Ş
itirməkdən ehtiyatlanması;
Xarici bazarda nəzarət səhm paketinin alınması yolu ilə yeni in- vestorlar tərəfindən şirkətin udulma təhlükəsi;
Rüblük və illik hesabatların tərtibinə çəkilən xərclərin çox olması, hesabatların dərc olunması və məxfi informasiyanın açılması. İ nnovasiya fəaliyyəti ilə, müvafiq olaraq riskli təsərrüfat fəaliyyəti ilə məşğul olan kiçik və orta ölçülü xüsusi şirkətlər üçün büdcə maliyyələş- dirməsindən çox az istifadə edirlər. Dövlət investorlarından fərqli olaraq, vençur şirkətləri öz vəsaitlərini gələcəkdə onların ilkin kapital qoyuluşunu əhəmiyyətli dərəcədə kompen- sasiya edə bilən və qaçılmaz risklərə haqq qazandıran səhmlərin əldə edil- məsini nəzərdə tutaraq daha həvəslə vençur fondlarına qoyurlar. Vençur fondunun və şirkətin başında duran vençur kapitalistləri bir tərəfdən fərdi və ya kollektiv investorlar, digər tərəfdən isə vençur ideya- larının daşıyıcıları olan sahibkarlar arasında vasitəçilərdir. Buna görə də gələcəkdə əldə olunacaq gəlir bütün vençur biznesi iştirakçıları arasında ə dalətlə bölünməlidir. Бизнесин тяшкили вя идаря едилмяси 93
Maraqlı biznes-ideya kimi vençur layihəsini işləyib hazırlayan şirkət reallaşdırma üçün böyük miqdarda ilkin xərclər tələb edir. Belə şirkət “əkin üçün şirkət” (seed) adlanır, yalnız kağız üzərində və ya laboratoriya işləmə- lərində mövcud olan layihələrin maliyyələşdirməsinin ən ilkin mərhələsi mövcud olur. “Start” mərhələsində olan bu şirkət, bir qayda olaraq, təcrübə nümunələrinin, modellərin və eksperimentlər üçün xüsusi laboratoriyaların yaradılmasını və s. planlaşdırır. Son mərhələdə vençur kapitalının innovasiya layihəsindən çıxması, la- yihədə iştirakının başa çatdırılması nəzərdə tutulur. O, üç ssenari üzrə həyata keçirilə bilər:
-fərdi və kollektiv investorların səhm paylarının şirkət səhmdar- larına satılması;
-kiçik innovasiya şirkətinin açıq səhmdar cəmiyyətinə çevrilməsi və səhmlərin hərracda yerləşdirilməsi (İPO);
-şirkətin səhmlərinin bu səhmləri əldə etməyə maraqlı olan digər ş irkətə - strateji tərəfdaşa satılması. Layihədən çıxmağın üç ssenarisindən ikinciyə daha çox üstünlük verilir.
İ nnovasiya layihələrinin biznes-planını nəzərdən keçirərkən, hər şey- dən əvvəl, şirkətin inkişafına təsir edən daxili amillərə xüsusi diqqət yetir- mək lazımdır. Daxili amillərə aiddir: − layihənin mövcud olma müddəti; − qiymət siyasətini həyata keçirərkən məhsulun keyfiyyət xarakteris- tikasına və göstəricilərinə görə rəqibləri qabaqlamaq ehtimalı; − kiçik müəssisənin məhsuluna mövsümi tələbat; − malların, işlərin və xidmətlərin nadirlik dərəcəsi; − vençur layihəsinin tətbiqinin ekoloji nəticələri; − şirkətlə kommersiya bankları arasında münasibətlərinin etibarlılıq dərəcəsi; − məhsulu öz ticarət markası altında buraxmaq imkanı; − kiçik müəssisənin pul resurslarına olan hazırkı və gələcək tələbatı; − şirkətin elmi-tədqiqat və təcrübə konstruktor işlərinə xərcləri; − şirkətdə çalışan işçilərin ixtisas səviyyəsi və menecerlərin peşə- karlığı və s. Ə gər sadalanan amillərin sərtliyi nəzərə alınsa, onda kiçik innovasiya biznesilə məşğul olan kiçik müəssisələrin xarici mühit amillərinin dəyişməsi meyillərini qabaqcadan görmək və ya proqnozlaşdırmaq olduqca çətindir. Бизнесин тяшкили вя идаря едилмяси 94
Xarici amillər aşağıdakılardan ibarətdir: − analoji məhsul bazarının konyukturu; − innovasiya biznesi ilə məşğul olan kiçik müəssisənin məhsuluna tələbatın dəyişilməsi dinamikası; − inflyasiyanın dəyişilməsi dinamikası; − ölkədə və regionlarda əhalinin məşğulluq səviyyəsi; − enerji daşıyıcılarının qiymətlərinin dəyişilməsi; − dövlətin liberal miqrasiya siyasəti; − ölkədə və regionlarda korrupsiyanın səviyyəsi və s. Vençur ideyalarının tətbiqilə məşğul olmağı bacaran, prinsipial yeni elmtutumlu işləmələrə vəsait qoymağa hazır olan kiçik müəssisələr dövlət tərəfindən hüquq, texniki və iqtisadi dəstək almalıdırlar. Bu tip müəssisə- lərin qeydiyyatı qısa müddətdə və eyni zamanda sahibkarlar üçün minimum itkilərlə həyata keçirilməlidir. Məlum olduğu kimi, sahibkarların iqtisadi azadlığında ancaq iki məhdudiyyət mövcuddur: vergi ödəmək və təbiətin mühafizə olunması təd- birlərinə riayət etmək. Qalan bütün məhdudiyyətlər (lisenziya şərtlərinə ə məl etmək şəklində) “avtomatik” rejimdə işləyirlər, yəni müvafiq qanunlar və normativ-hüquqi sənədlərə hökmən riayət edilməlidir. Müəssisələrin açılışı və fəaliyyət göstərməsi şərtlərinə riayət olun- maması aşağıdakı nəticələrə gətirib çıxara bilər: − lisenziyadan məhrum edilər; − cərimələrə məruz qalar; − sahibkarın kredit almaq mexanizmində müvafiq dəyişikliklər edilər. Eyni zamanda, kiçik biznes sferasında prinsipcə yeni elmtutumlu is- tehsalın işlənilməsi və mənimsənilməsilə məşğul olan və lisenziya şərtlərinə riayət edən müəssisələr dövlət tərəfindən dəstəklənirlər. Dövlət həmin müəssisələrin maliyyə-təsərrüfat fəaliyyətinin birbaşa və dolayısı yolla stimullaşdırılması tədbirlərinin həyata keçirilməsinə yaxından kömək edir. Cavan, sürətlə inkişaf edən xüsusi şirkətlər üçün vençur maliyyələş- dirmə formasından geniş istifadə olunmasına əlverişli şəraitin yaradılması son dərəcə vacibdir. Məlumdur ki, starta qədərki (seed) və start (start up) maliyyələşdirmə sahibkarlar üçün ən riskli kapital qoyuluşudur. Məhz ona görə də şirkətlərin inkişafı üçün “start” şəraitinin dövlət tərəfindən dəs- təklənməsi vençur maliyyələşdirməsinin genişləndirilməsinə ən güclü təsir göstərə bilər. Vençur maliyyələşdirməsinin ən vacib məsələlərindən biri investorlar yüksək gəlirlilik səviyyəsinə nail olmağa səy göstərərkən onların qaçılmaz risklərini azaldan şərtlərin yaradılmasıdır. Bu şərtlərə aşağıdakıları aid etmək olar: − diversifikasiya - müxtəlif şirkətlərin innovasiya layihələrinə vəsait Бизнесин тяшкили вя идаря едилмяси 95
qoyuluşu. Bir şirkətə uğursuz vəsait qoyuluşunu digər müəssisənin gəlirləri kompensasiya oluna bilər. Müxtəlif qiymətləndirmələrə görə “hədəfə düş- mək” ehtimalı 20 faizdən çox deyil, bu kapital qoyuluşunu vençur (riskli) kapital qoyuluşu hesab etmək olar; − eyni bir innovasiya layihəsinə kapital qoyuluşu zamanı müxtəlif investorların səylərinin birləşdirilməsi əmanətçilər arasında bölüşdürül- düyünə görə risk nəinki azalır, həm də investorların idarəetmə təcrübələrinin birləşməsi, işgüzar əlaqələri və s. ilə sinergetik effekt artır; − vençur maliyyələşdirməsini həyata keçirənlərin adından müştərək vençur fondunun yaradılması (məhdud məsuliyyətli maliyyə partnyorluğu). Bu partnyorluğun bütün iştirakçıları müvafiq şəkildə gəlir əldə edir və qoyduqları vəsaitə mütənasib olaraq risk daşıyırlar; − vençur fondunda qoyulan vəsaitlərin effektivliyinə və səmərəli istifadəsinə cavab verən peşəkar rəhbərliyin təyin olunması; − bir və ya bir neçə vençur fondunun idarə olunmasını üzərinə götü- rən ixtisaslaşmış vençur şirkətlərinin yaradılması.
İ
maliyyə mərkəzlərinin, yaxud maliyyə zonalarının yaradılmasını zəruriyyətə çevirmişdir. Ofşor zona, yaxud ofşor maliyyə mərkəzi dedikdə ərazi, yaxud ölkə başa düşülür, hansı ki, ofşor şirkətlərinin qeydiyyatına və fəaliyyət göstərməsinə qanunvericiliklə icazə verilir. Bu tip şirkətlərin fəaliyyəti ölkədən, yaxud qeydiyyata alındığı ərazidən kənarda yerləşən mənbələrdən mənfəətin əldə edilməsinə əsaslanır. Ofşor zonalarda fiziki və hüquqi şəxslərin fəaliyyət göstərmələri üçün güzəştli şərait yaradılır, hansı ki, həmin ərazidə bank və valyuta qanunve- riciliyi nöqteyi-nəzərdən iqtisadi fəaliyyət mərkəzi olmur. Başqa sözlə, maliyyə nəticəsinə həmin zonadan kənarda nail olunur, ancaq əldə edilən vəsait zonanın özündə dövr edir. Ofşor şirkət yerli fiziki, yaxud hüquqi şə xslərlə saziş bağlaya bilməz. Burada prinsipial cəhət ondan ibarətdir ki, beynəlxalq əməliyyatlara bu məhdudiyyət şamil edilmir. Bir qayda olaraq, xalis şəkildə ofşor şirkət dedikdə “kağız” şirkət, yəni kağızda fəaliyyət göstərən şirkət başa düşülür. O, şirkətin bütün formal əla- mətlərinə malikdir, yəni sahibləri, direktorları (menecerləri), qeydiyyat sənədlərinin komplekti olur. Məhz buna görə də həmin şirkət maliyyə əmə- liyyatlarını aparmaq və vergiləri azaltmaq üçün əlverişli alət sayılır. Ofşor ş irkət bütün əməliyyatları yerləşdiyi zonadan kənarda, xaricdə həyata keçirir. XXI əsrin əvvəlinə dünyada 60-a yaxın ofşor mərkəzləri (zonalar) və Бизнесин тяшкили вя идаря едилмяси 96
1,5 milyondan çox ofşor şirkətləri mövcud olmuşdur. Ofşor mərkəzlərində dünya maliyyə aktivlərinin xeyli hissəsi, yəni təqribən 6 trilyon dollar civarında maliyyə aktivləri cəmlənmişdir. Burada iri dünya banklarının ya filialları, ya da törəmə strukturları açılmışdır. Ofşor zonalarında, həmçinin sığorta biznesi inkişaf etmişdir. Belə ki, təkcə Bermud adasında 1,5 minə yaxın sığorta şirkətləri fəaliyyət göstərirlər. Ofşor mərkəzlərinin vasitəsilə dünya pul kütləsinin yarısı keçir, xüsusi şəxslərin kapitalının və bankların xarici aktivlərinin təqribən 20 faizi investisiyalaşdırılır. Ofşor biznesi - ofşor zonalarda, yəni ofşor şirkətlərinin qeydiyyatına və fəaliyyətinə qanunvericiliklə icazə verilən ərazilərdə təşkil olunmuş biznesdir. Ofşor biznesinin cəlbediciliyi ondan ibarətdir ki, şirkət real vergi güzəştləri edir, həmçinin hesabat işlərinin sadələşdirilməsinə icazə verir və valyutaya məhdudiyyət qoymur. Xaricdə qız şirkətlərinin yaradılması milli müəssisələrin xarici iqtisadi ə laqələri ilə sıx bağlıdır. Maliyyə-sənaye qruplarının meydana gəlməsi ilə bu məsələ daha da aktual oldu. Qız müəssisəsini yaratmağı planlaşdırarkən onun harada qeydiyyata alınması, hansı hüquqi formanın seçilməsi, necə idarə olunması məsələsini həll etmək lazımdır. Bu sahibkarın məramından və ana şirkətin kommersiya əməliyyatlarında xarici firmaların iştirak səviy- yəsindən asılıdır. Qız şirkətlər vəsaiti daha çox ixtisaslaşmış şəkildə qoymağa, ticari- vasitəçi əməliyyatları yerinə yetirməyə, maliyyə və agent xidmətləri göstər- məyə imkan verirlər. Əgər qız şirkəti işi ana şirkətin siyasəti və maraqları ilə bağlıdırsa, onda onun fəaliyyəti əhəmiyyətli iqtisadi effekt gətirir. Qız şirkətin yerləşdiyi ölkənin, onun yurisdiksiyasının seçilməsi ilk növbədə gəlir vergisinin səviyyəsi ilə müəyyən edilir. Qız şirkətin maliyyə və vergi planlaşdırılması aşağıdakıları özündə ehtiva edir: − kapitalın idxal-ixrac şərtlərinin və qız şirkətin gəlirlərinin vətənə qaytarılması şərtlərinin öyrənilməsi, vergilərin müəyyənləşdirilməsi; − kredit resursları mənbələrinin axtarışı; − şirkətdaxili kreditvermə imkanlarının təhlili; − vergilərin və digər xərclərin azalmasını təmin edən beynəlxalq ə məliyyatlar sxeminin işlənib hazırlanması. Xaricdə investisiya fəaliyyətini genişləndirdikdə və şirkətin bir neçə xarici filialı yarananda vergi itkilərinin aşağı salınmasını təmin edən təkrar investisiya və gəlirlərin vətənə qaytarılması mexanizminin işlənib hazır- lanması tələb olunur. Belə mexanizm adətən vergi güzəşti olan zonalarda holdinq, maliyyə və sığorta şirkətlərini açmağı nəzərdə tutur. Xaricdəki qız şirkətləri sahiblərinə müxtəlif imkanlar və üstünlüklər Бизнесин тяшкили вя идаря едилмяси 97
verir. Qarşıya qoyulmuş məqsəddən asılı olaraq investorlar xaricdə müxtəlif profilli qız şirkətləri yarada bilərlər: a) vasitəçi və agent müəssisələri, o cümlədən: − reklam, informasiya və nümayəndəlik fəaliyyətinə ixtisaslaşan agent şirkətləri. Belə şirkətlər işgüzar əlaqələrin inkişafına və marketinq xid- mətinin keyfiyyətinin yüksəlməsinə kömək edir, ana şirkətin “imicini” artırır; − ticarət-vasitəçi, ixrac-idxal müəssisələri. Belə müəssisələr xarici ticarət fəaliyyətinin effektivliyini yüksəldir və adətən ixrac-idxal əməliyyat- larında gəlirin olduqca böyük hissəsini udan topdansatış vasitəçilərinin xidmətlərindən imtina etməyə imkan verir. b) İstehsal profilli müəssisələr: − Xaricdə istehsal-satış tsiklinin bir hissəsini həyata keçirən yığma, təmir, servis və başqa istehsal müəssisələri. Xarici komplektləşdiricilərdən istifadə edərək yığma müəssisələri ixrac olunan malın xarici bazarın tələb- lərinə adaptasiyasına, xarici istehsal və texnoloji standartlarına keçməyə imkan verir; − Digər ölkələrdə obyekt inşasını həyata keçirən xarici partnyorların iştirakı ilə innovasiya layihələrini müştərək reallaşdıran müəssisələr; − Xaricdə elmi-tədqiqat və təcrübi konstruktor işləri aparan şirkətlər; − Ticarət müəssisələri: xarici diler və distribüter şəbəkələri, alıcı ş irkətlər; − Xarici ticarət fəaliyyətinə xidmət edən nəqliyyat-ekspeditor müəs- sisələri; c) İnvestisiya və maliyyə profilli müəssisələr: − Səhmlərə və müxtəlif qiymətli kağızlara, xarici ölkə banklarına, digər qız şirkətlərinə, daşınmaz əmlaka və başqa aktivlərə vəsait qoymaq yolu ilə kapitalı effektiv idarə etməyə imkan verən holdinq şirkətləri; − Ana şirkətin xarici qız şirkətlərinə, həmçinin azad müştərilərə kredit verməkdə, kredit vasitəçiliyində və başqa maliyyə xidmətlərində ixti- saslaşan maliyyə şirkətləri. Vasitəçi maliyyə və holdinq şirkətləri vasitəsilə xaricdə kredit resurslarının və nizamnamə kapitallarının, həmçinin onlardan gələn gəlirlərin beynəlxalq köçürmələri həyata keçirilir; − Şirkətdaxili sığortadan qənaət əldə etməyə imkan verən sığorta ş irkətləri; − Trast şirkətləri və fondları. Trast şirkətləri müştərilərin kapitalını idarə etmək üzrə mərkəz rolunu oynayırlar. Xarici qız şirkətləri şirkətin maliyyə siyasətinə çeviklik verir (belə ki, ticarət konyukturundan asılı olaraq gəlir mal dövriyyəsinin genişləndiril- məsinə istiqamətləndirilə bilər və ya investisiyaya qoyula bilər), dünya bazarlarında geniş sahibkar ekspansiyası üçün imkan yaradır, ana şirkətin
Бизнесин тяшкили вя идаря едилмяси 98
xarici iqtisadi əməliyyatlarını yüngülləşdirir. Bir qayda olaraq xarici şir- kətlər qapalı tip səhmdar cəmiyyəti şəklində yaradılır. Xaricdə investisiya qoymağa başlayan sahibkarların ilk addımı vergi güzəşti olan zonalarda, yəni o ölkələrdə ki, xarici investorlar əlverişli hüquqi və vergi güzəştləri alırlar, qız şirkətləri yaratmaqdan ibarətdir. Vergi güzəştləri ənənəvi olaraq, xarici investorların gəlirləri praktiki olaraq vergilərdən tamamilə azad olunduğu “vergi limanlarında” və ya ofşor zonalarda verilir. Qız şirkətləri “vergi limanlarında” ana şirkətin xarici iqtisadi fəaliyyətini əhəmiyyətli dərəcədə artırmağı bacarırlar. Bununla əla- qədar ən müxtəlif funksiyaları yerinə yetirən bir neçə qız müəssisəsini y- aratmaq zərurəti yarana bilər. Təyinatından asılı olaraq güzəştli vergi yurisdiksiyasında yerləşdiril- miş və ana şirkətin fəaliyyəti ilə bağlı əməliyyatları yerinə yetirən ofşor ş irkətlərinin standart tipləri yaranmışdır: − Holdinq tipli şirkətlər: investisiya, daşınmaz əmlaka və əqli mül- kiyyət obyektlərinə sahiblik üzrə operativ-holdinq şirkətləri; − Ticarət-vasitəçi şirkətlər: ixrac-idxal, alıcı və distribüter şirkətləri; − Maliyyə profilli şirkətlər: ofşor bankları, maliyyə-vasitəçi və sı- ğ orta şirkətləri. Bəzən vergi güzəştli zonalarda ana şirkətin əsas fəaliyyəti ilə məşğul olan kiçik şirkətlər yerləşdiririlir. Qız şirkətlərini açarkən ixtisaslaşmış müəssisələrin xidmətlərindən istifadə etmək məqsədəuyğundur. Müştərilərin tapşırığı ilə şirkətin qeydiy- yatını və idarə edilməsi işini sərəncamında zəruri informasiyaları və tex- nologiyaları bilən ixtisaslı kadrlar olan maliyyə, yaxud katiblik şirkətləri həyata keçirirlər. Dünya praktikasında bütün ölkələr vergiqoyma və kommersiya fəa- liyyətinə, qız şirkətlərinin yaradılmasına çəkilən xərclərin həcminə görə üç böyük qrupa bölünürlər. Birinci qrupa daxil olan sənayecə inkişaf etmiş ən iri ölkələrdə (ABŞ, Almaniya, Yaponiya, Böyük Britaniya, Fransa, İtaliya) gəlir vergisi xalis gəlirin 40-50 faizini təşkil edir. Təsərrüfat subyektlərinin fəaliyyəti ciddi şəkildə nizamlanır, şirkətdaxili əməliyyatları və vergidən ya- yınmaq məqsədilə xarici şirkətlərdən istifadəni məhdudlaşdıran xüsusi hü- quqi normalar mövcuddur. Bu ölkələrin qanunlarında səhmdar cəmiyyətləri üçün minimum nizamnamə kapitalı böyük həcmdə müəyyən edilir. Məsələn, Almaniyada - 100 min marka, Fransada - 500 min frank. İkinci və üçüncü qruplara daxil olan ölkələr vergi güzəştli zona kimi nəzərdən keçirilir. İkinci qrup ölkələrdə gəlir vergisi kifayət qədər yüksək səviyyədə olduqda aşa- ğ ıdakı hallarda xüsusi vergi güzəştləri sistemi tətbiq olunur: a) Şirkətin müəyyən tip fəaliyyəti, o cümlədən holdinq, maliyyə və ticarət fəaliyyəti; Бизнесин тяшкили вя идаря едилмяси 99
b) Pul köçürmələri və gəlirlərin vətənə qaytarılması mexanizmi. Bu ölkələrdə dividendlərin ölkədən çıxarılmasından və öz vətəninə qaytarılmasından, bank faizlərindən və gəlirin bir neçə başqa növündən tu- tulan vergilər adətən aşağı salınır. Bu qrup ölkələr liberal valyuta və gömrük rejimləri ilə fərqlənirlər. Üçüncü qrupa hüquqi şəxslərin qeydiyyatının son dərəcə sadələş- dirildiyi və gəlir vergisinin əhəmiyyətli dərəcədə aşağı salındığı (və ya heç olmadığı) törəmə şirkətlər və ya inzibati ərazilər - “vergi limanları” daxildir. Bir qayda olaraq bunlar Avropanın keçmişdə koloniya olmuş cırtdan ölkələridir və ya inkişaf etmiş ölkələrdən ayrılmış özünüidarəetmə ərazilə- ridir. Anoloji şərait xarici investisiyaları cəlb etmək üçün yaradılmış “azad iqtisadi zonalarda”, həmçinin “vergi limanı” əlamətlərinə malik olan inzibati törəmələrdə, ştatlarda və dairələrdə də mövcuddur. “Vergi limanlarına” tipik misal kimi Avropada Lixtenşteyn, Malta, Andorra, Monako kimi cırtdan dövlətləri göstərmək olar. Böyük sayda “vergi limanları” üçüncü ölkələrdə, məsələn, Panama, Kosta-Rika və başqa ölkələrdə yerləşir. Ş irkətlərin “vergi limanlarında” yerləşdirilməsinin vacib üstünlük- lərinə qeydiyyat prosedurlarının ucuzluğu və sadəliyi aiddir. Yeni şirkət bir neçə gün ərzində açıla bilər. “Vergi limanlarının” xarici investorlar üçün cəlbedici aşağıdakı xüsusiyyətləri vardır: 1. Gəlir vergisi yoxdur və ya o müxtəlif ölkələrdə ildə 150-1000 dol- lar civarında olan və gəlirin həcmindən asılı olmayan illik yığımla əvəz olu- nur. Gəlirlərin - dividendlərin, bank faizlərinin və başqa ödəmələrin - ölkədən daşınmasına vergi tutulmur. 2. Qeydiyyat proseduru maksimum sadələşdirilib: adətən nizamnamə kapitalının minimum ölçüsü təyin olunmur; şirkət sahiblərinin adı açıq- lanmır - onların adları yalnız törədilmiş cinayət faktı üzrə istintaq aparılan halda (fırıldaqçılıq, narkotiklərlə qeyri-qanuni ticarət və s.) açıqlanır. 3. Ölkədən valyuta çıxarılmasına məhdudiyyət yoxdur. Şirkət istə- nilən xarici ölkə banklarında istənilən valyuta ilə depozit aça bilər, istənilən valyutada məhdudiyyətsiz ödəmələr həyata keçirə və ala bilər. 4. Şirkətlərin idarə olunması proseduru son dərəcə sadədir. Bəzən şə rtidir - bu zaman sahibkarın vəkalətnaməsi üzrə idarəetmə işi katiblik ş irkəti tərəfindən həyata keçirilir. Bir sıra “vergi limanlarında” təqdim edən üçün səhmlər buraxmaqla sahibkarın anonimliyi təmin olunur. 5. “Vergi limanları” ölkələrinin əksəriyyətində vergi və gömrük qanunvericiliyinin pozulması cinayət sayılmır. Burada şirkətlərin uçotunun aparılması və ya vergi deklarasiyası haqqında hesabat tələb olunmur. Xarici auditorlar “vergi limanlarının” heç də hamısında yoxlamalar aparmırlar və ş irkətin hesabları ancaq sahibkarların qərarı ilə yoxlanılır. Hesabat işlərinin Бизнесин тяшкили вя идаря едилмяси 100
yeganə forması illik maliyyə hesabatıdır. Ş irkətlərin “vergi limanlarında” yerləşdirilməsi vergiqoymanın müla- yim olduğu zonalardakına və inkişaf etmiş sənaye ölkələrindəkinə nisbətən ucuz başa gəlir. Ş irkətlərin yaradılmasına və fəaliyyətlərinin dəstəklənməsinə çəkilən xərclərin artırılması mülayim vergi sistemli yurisdiksiyalarda bu şirkətlər üçün bir sıra üstünlüklərə səbəb olur. Ə gər yüksək vergiqoyma səviyyəsi olan ölkələrə vəsait qoymaq lazım gəlirsə, onda adətən kapitalın yerdəyişməsi zamanı olan liberal vergi rejimi olan ölkələrdə (Niderland, Lüksemburq, İsveç, Lixtenşteyn) holdinq şir- kətlər yaradılır.
Yüklə 4,43 Mb. Dostları ilə paylaş:
|