Academic research in educational sciences

---

ACADEMIC RESEARCH IN EDUCATIONAL SCIENCES 
VOLUME 2 | ISSUE 9 | 2021 
ISSN: 2181-1385 
Scientific Journal Impact Factor (SJIF) 2021: 5.723 
Directory Indexing of International Research Journals-CiteFactor 2020-21: 0.89 
DOI: 10.24412/2181-1385-2021-9-159-163 
Academic Research, Uzbekistan 159 www.ares.uz 
BOSHLANG‘ICH SINFLARDA SIFAT SO‘Z TURKUMINI O‘QITISHDA 
MUAMMOLI TA’LIM TEXNOLOGIYALARI 
 
Sayfutdinova Durdona 
Andijon davlat universiteti o‘qituvchisi 
 
ANNOTATSIYА 
Maqolada zamonaviy ta'lim berish jarayonida Ona tili fanining “Sifat so‘z 
turkumi” ni o‘qitishda muammoli ta’lim texnologiyalaridan foydalanishning metodik 
asosi yoritilgan. Mazkur maqola umumta’lim maktablarining ona tili darslarida 
foydalanish uchun manba bo‘lib xizmat qiladi 
Kalit so’zlar: pedagogik, ta’lim, boshlang‘ich sinf, ta’lim texnologiyalari. 
 
KIRISH 
Yangi pedagogik bilimlar ko‘lami Ta'lim to‘g‘risida”gi Qonun talablari asosida 
kengayib bormoqda, tadqiqot yo‘nalishlari erkin shaxsni shakllantirish muammolariga 
qaratilyapti. Bugungi kunda ta'lim-tarbiya jarayonida ta'limning turli o‘qitish 
metodlaridan unumli foydalanish muhim ahamiyatga ega. 
Ona tili darslari innovatsion texnologiya asosida tashkil qilinganda, asosan, 
o‘quvchilarda hamkorlikda ishlash ko‘nikmasi shakllanadi, umumiy vazifalar 
yechimini topishda bir-birlariga ko‘mak beradilar, o‘quvchilarda ijodiy va mustaqil 
fikrlash malakalari tarkib topadi, o‘quvchilar o‘z ishlari natijasiga, o‘qishga, ta’lim 
olishga shaxsan mas’ullikni his qiladilar.
Ayni paytda har qanday o‘quv maskanlarida muammoli o‘qitish texnologiyasi 
samarador hisoblanadi. Uning vazifasi faol bilish jarayoniga undash va tafakkurda 
ilmiy-tadqiqot uslubini shakllantirish bo‘lib u ijodiy, faol shaxs tarbiyasi maqsadlariga 
mos keladi.