Pedaqogika imtahan cavabları Şagirdə münasibətə görə pedaqoji texnologiyaları fərqləndirin

11.İnkişafetdirici təlim haqqında fikirlərinizi bildirin 
İnkişafetdirici təlim təhsilin nəzəriyyə və təcrübəsində öyrənənlərin potensial 
imkanlarından istifadə etməklə onların fiziki, idrakı və mənəvi bacarıqlarının 
inkişafına əsaslanır. İnkişafetdirici təlimi nəzəriyyəsinin əsası XX əsrin 30-cu 
illərində təlim və inkişaf arasın da əlaqəni nisbəti müəyyənləşdirən L.S.Vıqotski 
tərəfindən qoyulmuşdur. İnkişafetdirici təlim texnologiyaları və metodları onun 
irəli sürdüyü fundamental müddəalar əsasında hazırlanmışdır. Təlim adətən 
biliklərin izahlı-illüstrativ şəkildə öyrənənlərə ötürülməsinin mürəkkəb, çox 
komponentli prosesidir. İnkişafetdirici təlim isə Lev Vıqotskinin tədqiqatlarına 
əsaslanan fəal-fəaliyyətli təlim növünün istifadəsini təklif edir. Bu təlim növü 
öyrənənlərin təlim prosesinə daha çox cəlb olunmasını nəzərdə tutur. Alim 
vurğulamışdır ki, yaxşı təlim inkişafı qabaqlayır və öz arxası ilə aparır. 
İnkişafetdirici təlim texnologiyası şəxsiyyətin ahəngdar inkişafını ön plana çəkir 
və uşağın potensialına daxili imkanlarına önəm verir.
İnkişafetdirici təlimin metodoloji əsasını L.Vıqotski tərəfindən irəli sürülmüş 
müddəalar təşkil edir: 
Psixi inkişafın aparıcı qüvvələri haqqında anlayış;
Yaxın inkişaf zonası” və “yeniyaş törəmələri” kateqoriyaları 

---

İnkişafın böhran dəyişikliklərin asılılığı və qeyri-müntəzəmliyi: 
Təlimin fəaliyyət xarakterli olması haqqında təsəvvür
Psixikanın əlamət vasitəsilə ifadə olunması konsepsiyası;
Şüurun sistem-məna quruluşu və inkişafı haqqında müddəa; 
İnkişafın sosial vəziyyəti haqqında müddəa. 
L.Vıqotskinin əsas ideyası təlim və inkişafın birgə, əlaqəli fəaliyyət 
göstərməsindən ibarətdir. Buna əsasən təlim inkişafı qabaqlayır, onu 
stimullaşdırır və eyni zamanda aktual inkişafa əsaslanır. Yəmi, təlim uşaq 
inkişafının dünəninə deyil, sabahına istiqamətlənməlidir. Sözügedən müddəa 
təlimin təşkili ilə yanaşı, bütün pedaqogikada da önəmli rola malikdir.