Pedaqogika imtahan cavabları Şagirdə münasibətə görə pedaqoji texnologiyaları fərqləndirin

özünüdərk, özünüələalma, özünənəzarət, özünüstimullaşdırma daxildir. 
Özünüdərk özünüanlama, özünütəhlil, özünəqiymət, özünümüqayisəetməni 
nəzərdə tutur. Özünüələalmaya özünəinam, özünənəzarət, özünəəmr, 
özünətəlqin, özünümöhkəmləndirmə, özünəetiraf, özünüməcburetmə aiddir. 
Özünüstimullaşdırmaya özünütəsdiq, özünümükafat, özünücəza, özünütəşkil 
anlayışları daxildir. 
Şəxsiyyətin xarakterində gedən gizli və uzunmüddətli proseslər həm pedaqoqu, 
həm də tərbiyəolunanı müxtəlif, gözlənilməz faktlar qarşısında qoyur. Bu 
səbəbdən də bəzən müəyyən keyfiyyətləri və vərdişləri – təkrar tərbiyə 
(yenidəntərbiyə) etmək lazım gəlir. Sosial cəhətdən təqdir olunmayan 
davranışdan, şəxsiyyətin mənfi keyfiyyətlərindən və hər hansı hüquqa zidd 
hərəkətlərindən söhbət getdikdə mütləq yenidəntərbiyəyə müraciət 
olunmalıdır. 

---

48.Tərbiyənin qanunauyğunluqlarını tutuşdurun 
Bu anlayış tərbiyə prosesində mühüm əlaqədə olan və sabit, təkrarlanan 
cəhətləri nəzərdə tutur. Onların reallaşdırılması şəxsiyyətin inkişafı və 
formalaşmasında 
səmərəli 
nəticəyə 
gətirib 
çıxarır. 
Tərbiyənin 
qanunauyğunluqlarına aşağıdakılar aiddir: 
Tərbiyənin məqsəd, məzmun və metodlarının vəhdəti 
Tərbiyənin şagirdlərin müsbət keyfiyyətlərinə əsaslanması 
Tərbiyənin həyatla, ictimai təcrübə ilə əlaqəsi 
Tərbiyədə məktəblə ailənin birgə fəaliyyəti 
Tərbiyə prosesində özünütərbiyənin həyata keçirilməsi 
Tərbiyə prosesində ünsiyyət və fəaliyyətin təşkilinin müvəffəqiyyətə təsiri 
Tərbiyə prosesində münasibətlərin müvəffəqiyyətə təsiri 
1)Tərbiyənin məqsəd, məzmun və metodlarının vəhdəti. Təlimin məqsəd, 
məzmun və metodları bir-biri ilə sıx əlaqədədir. Bu səbəbdən komponentlərin 
birinin dəyişməsi digərlərinə də təsir göstərir. Təlimin səmərəsi tərbiyə 
metodlarının seçimindən asılıdır. Tərbiyə prosesində məzmun və metodların 
seçimi məqsədlərin reallaşmasına zəmin yaratmalıdır. Məsələn, pedaqoq 
şagirdlərində vətənpərvərlik hissinin formalaşdırılması və inkişaf etdirilməsi 
məqsədini qoyursa, məzmun və metodlar da vətənpərvərliklə bağlı olmalıdır. 
Tərbiyənin məqsəd, məzmun və metodlarının vəhdətində qanunauyğunluq 
tərbiyə prosesində müəllim tərbiyənin məqsəd, məzmun və metodlarının 
vəhdətini nəzərə alırsa, şagirdlərin tərbiyəvi fəaliyyətinin, davranışının keyfiyyəti 
yüksələr.