Psixiatriya ruhiy kasalliklarning kelib chiqishi, patogenezi, klinik
Yüklə 1,38 Mb. Pdf görüntüsü
|
|
Ikkinchi (narkomanik) bosqich. Bu bosqich 50 foizdan ortiq bemorlarda
26—36 yoshlar orasida rivojlanadi. Alkogolizmning ikkinchi bosqichi alkogol abstinent sindromining paydo bo‘lishi bilan tavsiflanadi. Birinchi bosqich 100 alomatlari yuqolib ketmaydi, ular kuchayishi yoki ko‘rinishi o‘zgarishi mumkin. Birinchi bosqichdan ikkinchisiga o‘tish asta-sekin bo‘ladi. Bu bosqichda alkogolga tolerantlikning yanada oshishi kuzatiladi, u eng baland darajaga etadi. Alkogol iste‘mol qilishi butunlay ichki sabablarga bog‘liq bo‘lib qoladi, bemor ichkilikdan o‘zini tiya olmay qoladi. Psixologik engib bo‘lmaydigan istak bilan bir qatorda alkogolga jismoniy qaramlik paydo bo‘ladi. Alkogol metabolizmning muhim tarkibiy qismi bo‘lib qoladi, bu ichkilik ichishni to‘xtatib qo‘yilganda yuzaga chiqadi. Bunda abstinent sindrom yoki alkogol ochligi sindromi hosil bo‘ladi. Bu somatovegetativ, nevrologik va ruhiy alomatlardan tashkil topgan alomatlar majmui deb ham yuritiladi. Bu sindrom quyidagi alomatlar bilan namoyon bo‘ladi. Umumiy tremor, til, qovoqlarning titrashi, behollik, terlash, ko‘ngil aynishi, ich qotishi, ishtaha yo‘qligi, bosh og‘rishi, vahimali tushlar ko‘rish, uyqusizlik kuzatiladi. Munosabat, vasvasa g‘oyalari bo‘lishi mumkin. Abstinent sindromining og‘ir hollarida bemor kechasi deyarli uxlamaydi, ko‘zini yumib yotganda ham shaklsiz mayda narsalarni, ba‘zan ko‘rqinchli, fantastik mahluqlarni ko‘radi. Psixosensor buzilishlar — chuqurlikka tushib ketayotganday bo‘lishi mumkin. Ba‘zi og‘ir hollarda patologik reflekslar, gallyutsinozlar va hatto tutqanoqlar kuzatilishi mumkin. Yaqin odamlarning nasihatlari, ishda intizomiy tanbeh berilishi, vrachlarning ko‘rsatmalari o‘zoqqa bormaydi. Bemorlar o‘zlariga nisbatan tanqidiy fikr yuritmaydilar, ichkilikka berilganliklarini qandaydir tashqi sabablarga: do‘stlar bilan uchrashishga, do‘stlarni kuzatishga, havoning sovuqligiga, charchoqlikka, xotin bilan urishishga, ishdagi ko‘ngilsizlikka, quvonchli voqealar, ichkilik bilan o‘tadigan marosimlar va boshqalarga bog‘lab o‘zlarini oqlashga o‘rinadilar. Harakterida maqtanchoklik, o‘rinsiz qo‘pol hazil qilish kabi o‘zgarishlar paydo bo‘ladi. Intellektning pasayishi o‘z hulqiga tanqidiy munosabatning pasayishi bilan namoyon bo‘ladi. Bu behayolik, beandishalik, o‘rinsiz qiliqlar qilish bilan yuzaga chiqadi. Bu alkogol yumori deb ataladi. Xotiraning yaqqol susayganligini kuzatish mumkin. Yuqorida bayon etilgan ruhiy o‘zgarishlarni alkogol degradatsiyasi deb ataladi. |