Kalsium (Ca) həm yaşlı orqanizm, həm də uşaqlar üçün çox vacibdir. Onun
duzları qanın, hüceyrə nüvəsinin və toxuma şirəsinin tərkibinə daxil olur, sinir-
əzələ sistemi fəaliyyətinin nizama salınmasında iştirak edirlər. Qanın laxtalanması,
ürək əzələləri üçün lazım olub, sümüyün formalaşmasında iştirak edirlər. Ən yaxşı
halda süd və süd məhsullarında olan kalsium ionları tam mənimsənilir.
Kalsiumun orqanizm üçün sutkalıq tələbatı 0,5 1 süd, yaxud 100 q pendir he-
sabına ödənilir. Dənli bitkilərdə olan kalsium çətin mənimsənilir. Bu, o səbəbdən-
dir ki, fosfor (P) və maqnezium (Mq) ilə onun miqdarı nisbəti optimal deyildir.
Tərkibində çoxlu miqdar turşəng turşusu olan məhsullar pis mənimsənilirlər. Süd-
də kalsiumun miqdarı 120 mq%, lobyada 157, pendirdə 979 mq%-dir. Yaşlı adam-
lar üçün sutkalıq norma 800 mq, hamilə qadınlar üçün 1500, uşaqlı analar üçün isə
1900 mq-dır.
