VI. Kursun strukturu və formatı Dərslər mövzunun müəllim tərəfindən slaydlarla izahından və tələbələrlə bərabər mövzu ətrafında interaktiv (qarşılıqlı) müzakirələrdən ibarət olacaqdır.
Slaydlarda şəkil və cədvəllər, bəzən diaqramlardan istifadə ediləcək. Yalnız mövzunun başlıqları və yarım – başlıqlarının, xüsusi qeydlərin yazılı formada göstərilməsi istisna olmaqla, müəllimin mövzu ətrafında qeyd etdikləri mətn formasında slaydda öz əksini tapmayacaq.
Keçilən dərslərin tezisləri (yəni mövzunun qısa, planlı təsviri) tələbələrə mövzunu tam dolğunluluğu ilə mənimsəməyə kifayət etmir.Yüksək qiymət istəyən tələbələrin qeydlər etməsi zəruridir.
Mövzunu daha yaxşı mənimsəmək və haqqında təsəvvür yaratmaq məqsədilə bəzi dərslərdə, əyani vəsait kimi ölkələr üzrə diafilmlərin nümayişindən istifadə ediləcək.
Dərs mövzuları fənnin mövzu planında göstərilən ardıcıllıqla, mühazirə və məşğələlər şəklində keçiləcəkdir.
Hər mövzuya aid istifadə edilən ədəbiyyatın adı fənnin tematik planında mövzunun qısa şərhindən sonra nömrələrlə veriləcəkdir.
Fənnə aid dərsliyi mövcud olmayan və Azərbaycan dilində ədəbiyyatı olmayan fənlərin mövzu üzrə materialı 15 səhifəyə qədər olmalıdır..
