Qurilish materiallari ishlab chiqarish korxonalarining iqtisodiyoti

Mashina va uskunalar qaytimi - mahsulot xajmini mashina va uskunalar 
o‘rtacha yillik qiymatiga bo‘lish orqali aniqlanadi. 
Mashina va uskunalar sig‘imi- mashina va uskunalar o‘rtacha yillik 
qiymatini mahsulot hajmiga bo‘lish orqali aniqlanadi. 
Mehnat – har bir shaxs va umuman jamiyat ehtiyojlarini qondirish uchun zarur 
bo‘ladigan moddiy va ma’naviy ne’matlar yaratish sohasidagi maqsadga muvofiq 
faoliyatdir. 
Mehnat resurslari - bu aholining jismonan rivojlangan, aqliy qobiliyat va 
bilimlarga ega, mehnatga layoqatli qismidir.
Mehnat unumdorligi — rivojlanib boruvchi ko‘rsatkichdir.

---

144 
Mehnatga haq to‘lashning jamoa (brigada) ishbay tizimi shunday tizimki, 
unda ishchilarning maoshi ishlab chiqarish brigadasi bajargan ish hajmiga (mahsulot 
soniga) muvofiq hisoblab chiqariladi.
Muomala fondlari korxonaning tayyor mahsulot zahirasini yaratish uchun 
mo‘ljallangan pul mablag‘lari, shuningdek, aksiyadorlarning qarzlari, turli xil 
debitorlik qarzlari, bank va kassalarning hisob raqamlaridagi mablag‘lardan iborat 
bo‘ladi.
Mutaxassislik – bu ma’lum bir yoki bir necha turdagi ishlarni amalga oshirish 
uchun insonga zarur bo‘lgan bilimlar va malakalar yig‘indisi. 
Nazorat bu – faoliyatning joriy ko‘rsatkichlari va o‘rganilgan masala va 
dasturlarning mos kelish darajasini aniqlash. 
Noishlab chiqarish asosiy fondlari - korxona asosiy fondlarining ishlab 
chiqarishda bevosita ishtirok etmaydigan qismi bo‘lib, shu sababli o‘z qiymatini 
tayyor mahsulotga o‘tkazmaydi.
Normalashtirilmaydigan aylanma mablag‘lar, bu – haridorlarga berib 
yuborilgan tayyor mahsulot yoki tovarlar, hisob raqamidagi pul mablag‘laridir. 
Oddiy ishbay haq to‘lashda ishchining maoshi tayyorlangan mahsulot 
(bajarilgan ish) birligiga to‘lanadigan haq miqdoridan iborat bo‘lgan ishbay 
rastsenkaga va ana shu mahsulot miqdoriga bog‘liq bo‘ladi.