R. D. Dusmuratov, A. S. Boltayev moliyaviy tahlil
Yüklə 5,36 Mb. Pdf görüntüsü
|
|
16.1-jadval
“NAMUNA” mas’uliyati cheklangan jamiyatda asosiy vositalar bilan qurollanish darajasining tahlili № Ko‘rsatkichlar Hisobot yili O‘zgarishi (+;-) Reja Haqiqatda 1 Asosiy ishlab chiqarishdagi asosiy vositalarning o‘rtacha yillik qiymati, ming so‘m 166118 179800 +13682 2 Ishlab chiqarishda band bo‘lgan xodimlar soni, kishi 160 165 +5 3 Asosiy vositalar bilan qurollanish darajasi, so‘m 1038237 1089670 +51433 16.1 – jadval ma’lumotlaridan ko‘rinib turibdiki, “NAMUNA” mas’uliyati cheklangan jamiyatida asosiy vositalar bilan qurollanish darajasi rejaga nisbatan haqiqatda 51433 so‘mga oshgan. Bunday o‘zgarishni ijobiy holat sifatida baholash mumkin. Asosiy vositalar bilan qurollanish darajasining o‘zgarishiga asosiy ishlab chiqarishdagi asosiy vositalarning o‘rtacha yillik qiymatining va ishlab chiqarishda band bo‘lgan xodimlar sonining o‘zgarishi ta’sir ko‘rsatgan bo‘lib, ularning ta’sir darajalarini “Qayta hisoblash” usuli orqali hisob-kitob qilish mumkin. Buning uchun avvalo qayta hisoblangan ko‘rsatkichni aniqlab olish lozim. Uni aniqlash uchun haqiqatdagi asosiy vositalar o‘rtacha yillik qiymatini rejadagi ishlab chiqarishda band bo‘lgan xodimlar soniga bo‘lish kerak: AQ q = AVI : IX = 179800 : 160 = 1123750 Endi, asosiy vositalar bilan qurollanish darajasining o‘zgarishiga omillar ta’sirini aniqlaymiz. Ya’ni, birinchi omil asosiy ishlab chiqarishdagi asosiy vositalar o‘rtacha yillik qiymati o‘zgarishining asosiy vositalar bilan qurollanish 367 darajasiga ta’sirini aniqlash uchun qayta hisoblangan ko‘rsatkichdan rejadagi ko‘rsatkichni chegirib tashlash lozim: 1123750 – 1038237 = +85513 so‘m Demak, asosiy vositalar o‘rtacha yillik qiymatining rejaga nisbatan haqiqatda 13682 ming so‘mga ko‘payishi asosiy vositalar bilan qurollanish darajasini 85513 so‘mga ortishiga ta’sir ko‘rsatgan. Ikkinchi omil, asosiy ishlab chiqarishda band bo‘lgan xodimlar sonining asosiy vositalar bilan qurollanish darajasiga ta’sirini topish uchun haqiqatdagi ko‘rsatkichdan qayta hisoblangan ko‘rsatkichni chegirish zarur: 1089670 – 1123750 = - 34080 so‘m Hisob-kitoblarga ko‘ra, rejadagi asosiy ishlab chiqarishda band bo‘lgan xodimlar soniga nisbatan haqiqatda 5 nafarga ko‘payishi, asosiy vositalar bilan qurollanish darajasini 34080 so‘mga kamaytirgan. Mazkur omillarning ta’siri natijasida asosiy vositalar bilan qurollanish darajasi 51433 so‘mga ko‘paygan. Yüklə 5,36 Mb. Dostları ilə paylaş:
|