RaviNİt b əzələdaxili yeridilmə üçün məhlul ravinit b beynəlxalq patentləşdirilməmiş adı
Yüklə 21,84 Kb. Pdf görüntüsü
|
- Bu səhifədəki naviqasiya:
- Təsviri
- İstifadəsinə gostərişlər
- Hamiləlik və laktasiya dövründə istifadəsi
- Doza həddinin aşılması
- Saxlanma şəraiti
- Qeydiyyat vəsiqəsinin sahibi və iradları qəbul edən təşkilat
|
Dərman vasitəsinin istifadəsi üzrə təlimat (xəstələr üçün)
RAVINIT B
Tərkibi Təsiredici maddə: 1 ml məhlulun tərkibində 50 mq piridoksin hidroxlorid, 50 mq tiamin hidroxlorid, 0,5 mq sianokobalomin, 10 mq lidokain hidroxlorid vardır. Köməkçi maddələr: benzil spirit, natrium polifosfat, kalium heksasianoferrat, natrium hidroksid, inyeksiya üçün su.
Qırmızı rəngli, xarakterik qoxulu şəffaf məhlul.
Polivitamin dərman vasitəsi. АТC kodu: A11EX Farmakoloji xüsusiyyətləri Farmakodinamikası Kombinə olunmuş preparatdır. B qrupu neyrotrop vitaminləri (tiamin, piridoksin, sianokobalamin) sinirlərin və hərəki aparatın iltihabi və degenerativ xəstəliklərinə yaxşı təsir göstərir. Onlar hipovitaminoz hallarını aradan qaldırmaq üçün deyil, böyük dozalarda analgetik təsirə malikdir, qan axınının güclənməsinə səbəb olur və sinir sisteminin fəaliyyətini və qanyaranma (sianikobalamin (Vitamin B12)) prosesini normallaşdırır. Tiamin (vitamin B1), piridoksin (vit. B6) və sianokobalamin (vit. B12) zülal, karbohidrat və yağ mübadiləsini nizamlayır, onların normallaşmasına səbəb olur, hərəki, hissi və vegetativ sinirlərin funksiyasını yaxşılaşdırır. Lidokain – yerli anesteziyaedici vasitədir. Farmakokinetikası Əzələ daxili yeridilmədən sonra tiamin inyeksiya yerindən tez absorbsiya olunur və qana keçir (birinci gün 50 mq dozada yeridilməsindən 15 dəqiqə sonra 484 nq/ml) və orqanizmdə qeyri-bərabər şəkildə paylanır (15% leykositlərin, 75% eritrositlərin və 10% qan plazmasının tərkibində). Tiamin hematoensefalik və plasentar baryerlərdən keçir, süddə aşkar edilir. Tiamin alfa-fazada 0,15 saat, beta-fazada 1 saat və son fazada 2 gün müddətinə böyrəklər vasitəsilə xaric olunur. Əsas metabolitləri bunlardır: tiaminkarbon turşusu, piramin və bəzi naməlum metabolitlər. Bütün vitaminlərdan tiamin orqanizmdə az miqdarda saxlanır. Yetkin insan orqanizmi 30 mq-a yaxın tiamin saxlayır – 80% tiamin pirofosfat, 10% tiamin trifosfat və qalan hissəsi tiamin monofosfat şəklində. Əzələdaxili yeridilmədən sonra piridoksin inyeksiya yerindən tez absorbsiya olunur və 5-ci vəziyyətdə CH 2 OH qrupunun fosforlaşmasından sonra koferment rolunu oynayaraq orqanizmdə paylanır. Vitaminin 80%-i qan plazmasının zülalları ilə birləşir. Piridoksin bütün orqanizm üzrə paylanır, plasentaya nüfuz edir, süddə aşkar edilir. Qaraciyərdə toplanır və 4-piridoksin turşusuna qədər oksidləşir ki, o da maksimum 2-5 saatdan sonra böyrəklərlə xaric olunur.
Sinir sisteminin müxtəlif mənşəli xəstəliklərinin kompleks müalicəsində: ● nevritlər və polinevritlər, o cümlədən retrobulbar nevrit; ● nevralgiya, o cümlədən üçlü sinirin və qabırğaarası sinirlərin; ● periferik parezlər, o cümlədən üz sinirinin; ● ağrı sindromu (kökcük, mialgiya); ● pleksopatiya, qanqlionitlər; ● neyropatiyalar və polineyropatiyalar (diabeti, alkoqol və s.); ● gecə əzələ qıcolmaları, xüsusilə böyük yaş həddi olan pasiyentlərdə; ● onurğa osteoxondrozunun nevroloji təzahürləri (radikulopatiya, lyumboişalgiya, əzələ-tonus sindromu).
● preparatın komponentlərinə qarşı yüksək həssaslıq; ● kəskin ürək çatışmazlığı, dekompensasiya mərhələsində xroniki ürək çatışmazlığı; ● tromboz və tromboemboliya; ● 18 yaşa qədər uşaqlar (istifadəsinin effekivtliyi və təhlükəsizliyi təyin edilməyib).
Hamiləlik və laktasiya dövründə istifadəsi Hamiləlik və laktasiya dövründə preparatın istifadəsi məsləhət görülmür. Digər dərman vasitələri ilə qarşılıqlı təsiri Tiamin tərkibində sulfitlər olan məhlullarda tamamilə parçalanır. Digər vitaminlər Tiaminin parçalanma məhsullarının təsirindən inaktivləşir. Tiamin oksidləşdirici və reduksiyaedici maddələrlə uyuşmur: civə-xlorid, -yodid, -karbonat, -asetat, tannin turşusu, dəmir-ammonium-sitrat, eləcə də fenobarbital, riboflavin, benzilpenisillin, dekstroza və metabisulfit. Mis ionları, pH-ın rolu (3,0-dan çox) Tiaminin parçalanmasını sürətləndirir. Piridoksin onun effektini azaldan levodopa, sikloserin, D-penisillamin, epinefrin, norepinefrin, sulfonamid ilə birgə təyin edilmir. Sianokobalamin askorbin turşusu ilə, ağır metal duzları ilə uyuşmur. Preparatın tərkibində lidokain olduğu nəzərə alınsa, norepinefrin və epinefrinin əlavə istifadəsi zamanı ürəkdə əlavə təsirlərin güclənməsi mümkündür. Yerli anesteziyaedici vasitələrin doza həddinin aşılması zamanı əlavə olaraq epinefrin və norepinefrin istifadə etmək olmaz. İstifadə qaydası və dozası Preparatı əzələ daxilinə dərinə yeritmək məsləhət görülür. Xəstəliyin simptomlarından asılı olaraq müalicənin müddəti həkim tərəfindən fərdi təyin edilir. Ağrı sindromu zamanı 5-10 gün müddətində hər gün 2 ml (1 ampul), daha sonra 2 həftə ərzində həftədə 2-3 dəfə 2 ml (1 ampul) təyin edilir. Dəstəkləyici müalicə üçün B qrupu vitaminlərinin peroral formalarının qəbulu tövsiyə olunur.
Allergik reaksiyalar (qaşınma şəklində dəri reaksiyaları, övrə), yüksək tərləmə, taxikardiya, civzə səpgilərinin yaranması mümkündür, nəfəsalmanın çətinləşməsi, angionevrotik ödem, anafilaktik şok. Preparat sürətlə yeridildiyi hallarda sistemli xoşagəlməz reaksiyalar (başgicəllənmə, başağrısı, aritmiya, qıcolmalar) meydana gələ bilər, bu hallar eləcə də doza həddinin aşılması səbəbindən ola bilər. Əgər təlimatda göstərilən əlavə təsirlər güclənərsə və ya Siz təlimatda göstərilməyən digər əlavə təsirlər müşahidə edərsinizsə, həkimə müraciət etməniz məsləhət görülür.
Simptomlar: preparatın əlavə təsirlərinin artması. Müalicəsi: simptomatik müalicə.
Əzələ daxili yeridilmə üçün məhlul. 2 ml-lik preparat işıq keçirməyən neytral şüşə ampulda. 5 ampul polivinilxlorid və ya polietilentereftalat konturlu plastik qablaşdırmada (altlıq). 5 ampul polivinilxlorid və ya polietilentereftalat və laklı çap olunmuş alüminium folqada və ya qablaşdırma materiallı konturlu-yuvalı qablaşdırmada. 1, 2, 4 konturlu plastik qablaşdırma (altlıq) və ya konturlu-yuvalı qablaşdırma içlik vərəqə ilə birgə karton qutuya qablaşdırılır. 5, 10, 20 ampul içlik vərəqə ilə birgə bölücü taxması olan karton qutuya qablaşdırılır.
15°C-dən yüksək olmayan temperaturda, qaranlıq və uşaqların əli çatmayan yerdə saxlamaq lazımdır.
2 il.
Yararlılıq müddəti bitdikdən sonra istifadə etmək olmaz. Aptekdən buraxılma şərti Resept əsasında buraxılır.
FDM «Armavir bioloji fabriki» Hüquqi ünvan / İstehsal sahəsinin ünvanı Rusiya, 352212, Krasnodar vilayəti, Novokubansk rayonu, Proqress q., Meçnikov küçəsi, ev 11. Qeydiyyat vəsiqəsinin sahibi və iradları qəbul edən təşkilat «Binergiya» QSC, Rusiya Rusiya, 143910, Moskva vilayəti, Balaşixa ş., Krupeşina k., ev 1. Tel.: 8-495-580-55-02 Faks: 8-495-580-55-03 Yüklə 21,84 Kb. Dostları ilə paylaş:
|