T a’ r i f. Berilgan to’g’ri chiziqni uni kesuvchi boshqa bir to’g’ri chiziq (aylnish o’qlari) atrofida aylantirish natijasida hosil qilingan sirt doiraviy konus deyiladi.
Bunda aylanayotgan to’g’ri chiziq o’zining istalgan holatida konusning yasovchisi deb, to’g’ri chiziqning aylanish o’qi bilan kesishish nuqtasi esa konusning uchi deb ataladi. Konus uning uchi ajratib turadigan ikkita pallaga ega. Aylana, ellips, giperbola va parabolani doiraviy konusning uchidan o’tmaydigan tekislikning kesmalari sifatida hosil qilinadi. Shuning uchun bu egri chiziqlar konus kesimlar deyiladi. Agar tekislik konus o’qiga perpendikulyar bo’lsa, kesimda aylana hosil bo’ladi. Agar tekislik o’qqa perpendikulyar bo’lmay, konusning faqat bitta pallasini kessa va uning yasovchilaridan bittasiga ham parallel bo’lmasa, kesmada ellips hosil bo’ladi.
Agar tekislik konus yasovchilaridan biriga parallel ravishda uning pallalaridan birini kessa, kesimda parabola hosil bo’ladi. Agar tekislik konusning ikkala pallasini kessa, kesimda parabola hosil bo’ladi. (17 – chizma).
17 – c h i z m a.
3. Ikkinchi tartibli egri chiziqlarning fan va texnikada qo’llanishi.
Ikkinchi tartibli egri chiziqlarning fan va texnikada qo’llanishiga misollar keltiramiz:
1. Ellipsning ikkita urinmasi o’zaro parallel bo’lsa, urinish nuqtalarini tutashtiruvchi kesma ellips markazidan, ya’ni nuqtadan o’tadi. Fizikadan ma’lumki, nurning sirtga tushish burchagi qaytish burchagiga teng. Shuning uchun, ellipsning fokuslaridan biriga yorug’lik manbaini joylashtirsak, barcha nurlar ellips chizig’idan qaytib ikkinchi fokusda yig’iladi. Bu hodisani akustik va optik tajribalarda kuzatish mumkin. AQSh da ellips shaklda qurilgan katta xona mavjud bo’lib, uning nuqtasida gaplashayotgan ikki kishining suhbatini nuqtada bemalol eshitish mumkin.
