Reje: dnk nın` du`zilisi Ribonuklein kislotalar

 

---

9-Tema:Fermentlerdіń qásiyetlerі. Fermentlerdіń klassifikatsiyası. 
 
Jobası:
 
1.Kofermentlerdin` ximiyalıq quramı, funktsiyası. 
2. Kofermentlerdin` klassifikatsiyası. 
3. Fermentlerdin` tiykarg`ı qa`siyetleri. 
4. Fermentlerdin` spetsifikligi. 
5. Fermentlerdin` klassifikatsiyası.
6. Fermentlerdin` kletkada jaylasıwı 
7.Jan`a klassifikatsiya haqqında
8.Oksdoreduktazalar ha`m transferazalar, olardın` funktsiyaları. 
9.Gidrolazalar, izomerazalar, olardın` funktsiyalvrı . 
10.Liazalar, ligazalar ,olardın` funktsiyaları. 
1.Kofermentlerdin` ximiyalıq quramı, funktsiyası.
Kofermentler eki kompanentli fermentlerdin` aktiv orayları esaplanadı. Ha`zirgi waqıtta 
anıqlang`an 2500 ge jaqın fermentlerdin` 800 i o`zlerinin` katalitikalıq funktsiyaların belok 
ta`biyatına iye bolmag`an kofermentler arqalı a`melge asıradı. Bunday fermentler qatarına 
ko`pshilik oksireduktazalar ha`m transferazalar, barlıq ligazalar,ayırım izomerazalar kiredi. 
Kofermentlerdin` ximiyalıq ta`biyatı ha`r qıylı. Kofermentler kishi molekulyar massag`a 
iye bolg`an organikalıq zatlar esaplanadı. Kofermentler tu`rli xil funktsiyalardı atqaradı. 
Ma`selen, oksidleniw qaytarılıw reaktsiyalarda koferment sıpatında lipoat kislota, glutation ha`m 
temirporfirinler, fosfolipidlerdin` biosintezinde tsitidindifasfatxolin ha`m basqalar. Bulardan 
basqa ko`p g`ana vitaminler kofermentler funktsiyasın atqaradı. 
Kofermentlerdi fermentativ reaktsiyadag`ı funktsiyalarına qaray to`mendegi toparlarg`a 
bo`liwge boladı: 
1. Vodorod ha`m elektron tasıwshı kofermentler- bul toparg`a oksidoreduktaza klasına 
kiriwshi fermentlerde kofermentlik funktsiyalardı atqaradı. Bularg`a; nikotinamidli kofermentler, 
flavinli kofermentler, lipoat kislota ha`m glutation kiredi. 
2. Toparlardı ko`shiretug`ın kofermentler- bular qatarına transferaza klası menen 
baylanıslı bolg`an adenozintrifasfat, uglevodlardın` fasfatları,atsetilleytug`ın kofermentler 
tetragidrofolat kislota ha`m piridoksal` fosfatlar kiredi. 
3. Sintezleytug`ın, izomerleytug`ın ha`m uglerod baylanısların u`ziwshi kofermentler –
bul toparg`a liazalar, izomerazalar.ha`m liazalar klasına tiyisli fermentler menen baylanıslı 
bolg`an biotin ha`m kobamid kofermentler kiredi.Olar arasında en` ko`p tarqalg`an nukleotid 
formadag`ı birikpeler, kobamid fermentler ha`m metalloporfirinler esaplanadı.