Respublika hududiga olib kirish tartibini soddalashtirish

ta’sir etuvchi modda — o‘simliklarni himoya qilish vositalarining preparativ shakli 
tarkibidagi biologik aktiv qismi; 
o‘simliklarni himoya qilish vositalari — o‘simliklarni himoya qilish uchun ishlatiladigan 
kimyoviy va biologik vositalar; 
o‘simliklarni himoya qilish vositalarining analitik standarti — o‘simliklarni himoya 
qilish vositalarining preparativ shakli tarkibidagi biologik aktiv qismi (ta’sir etuvchi modda)ning 
standart namunasi; 
o‘simliklarni himoya qilish vositalarining analogi — bitta ta’sir etuvchi modda asosida, 
xuddi shunday preparativ shaklda tayyorlangan o‘simliklarni himoya qilish vositalari; 
foydalanish reglamenti — kimyolashtirish va o‘simliklarni himoya qilish vositalarini 
qo‘llash qoidalari; 
etalon — ro‘yxatga olinadigan kimyolashtirish va o‘simliklarni himoya qilish vositalari 
samaradorligini qiyoslash varianti. 
3. Kimyolashtirish va o‘simliklarni himoya qilish vositalarini ro‘yxatga olganlik to‘g‘risida 
guvohnoma berish mazkur Nizomning 
1-ilovasida
 keltirilgan sxemaga muvofiq amalga oshiriladi. 
4. O‘zbekiston Respublikasida ishlab chiqariladigan yoki xorijiy mamlakatlardan olib 
kelinadigan kimyolashtirish va o‘simliklarni himoya qilish vositalari ro‘yxatga olinishi shart. 
Oldingi
 tahrirga qarang. 
5. Kimyolashtirish va o‘simliklarni himoya qilish vositalarini ro‘yxatga olganlik to‘g‘risida 
guvohnoma O‘simliklar karantini va himoyasi agentligining (keyingi o‘rinlarda — Agentlik) qaroriga 
asosan beriladi. 
(5-band O‘zbekiston Respublikasi Vazirlar Mahkamasining 2021 yil 15 dekabrdagi 752-sonli 
qarori 
tahririda — Qonunchilik ma’lumotlari milliy bazasi, 16.12.2021 y., 09/21/752/1166-son)
6. Kimyolashtirish va o‘simliklarni himoya qilish vositalarini ro‘yxatga olganlik to‘g‘risida 
guvohnoma besh yil muddatga beriladi. 
7. Belgilangan tartibda ro‘yxatga olinmagan kimyolashtirish va o‘simliklarni himoya qilish 
vositalarini ishlab chiqarish, olib kelish, realizatsiya qilish va qo‘llash ta’qiqlanadi.