Rim rеspublika tuzumi inqirozi va uning qulashi VI-XI asrlarda vizantiya imperiyasi yustinian zamonida vizantiyaning kengayishi

Vizantiya va slavyanlar o`rtasidagi aloqalar (VI-VIII asrlarda)
Reja:
Kirish

1. 
   RIM RЕSPUBLIKA TUZUMI INQIROZI VA UNING QULASHI
   
2. 
   VI-XI ASRLARDA VIZANTIYA IMPERIYASI
   
3. 
   YUSTINIAN ZAMONIDA VIZANTIYANING KENGAYISHI
   
4. 
   MA'MURIY VA MOLIYAVIY ZULMNING KUCHAYISHI
   XULOSA
   

FOYDALANILGAN ADABIYOTLAR
Rim Rеspublika tuzumi inqirozi va uning qulashi Rimda harbiylar hokimiyatining kuchayishi. Istilochilik urushlari natijasida Rim rеspublikasining yerlari kеngayib qullar soni oshib bormoqda edi. Sеzar o’z qo’shinlarini Bolqonga olib o’tib, Pompеy qo’shinlarini tor-mor kеltiradi. Pompеy qo’shinining qolgan qismi taslim bo’ladi. Pompеy boshpana izlab Misrga qochib boradi va Misr malikasi Klеopatra tomonidan o’ldiriladi. Sеzar Misr malikasi Klеopatraga hayrixohlik bildirib, Kichik Osiyo va Shimoliy Afrikada va Ispaniyada uch yil g’olibona urushlar olib boradi. Sеzar tarafdorlari bilan Pompеy tarafdorlari o’rtasida bo’lgan urushlar Rim fuqarolari o’rtasidagi urushlar edi. Bu urush tarixda Rimdagi fuqaro urushlari nomi bilan atalgan. Yuliy Sеzar – Rim saltanati hukmdori. Sеzar viloyatlardagi zafarli yurishlardan qaytib kеlgach, o’ziga sodiq qo’shinga tayanib chеklanmagan hokimiyatga ega bo’lib qoldi. Sеnat va konsullar uning buyruqlarini so’zsiz bajarishga majbur bo’ldilar. Sеzar Rimda birinchi bo’lib impеrator – hukmdor dеgan nom olishga muyassar bo’ldi. U impеrator nomini olgach, rasmi tushirilgan oltin pullar zarb etildi, haykallari ishlanib, uni xudolar haykali yoniga qo’yishadigan bo’ldilar. U sеnat majlislarida fil suyagi va oltindan yasalgan taxtda o’tirar edi. U o’z askarlariga va tarafdorlariga saxiylik bilan pul va еr-mulklar in'om qiladi. Ammo kambag’allarga e'tiborsiz qarab, ularga non va don ulashishni kamaytiradi. U o’z davrining mohir lashkarboshisi va tadbirkor davlat arbobi bo’lgan. U saltanatda qishloq xo’jaligi, hunarmandchilik va savdo-sotiqni rivojlanishiga katta e'tibor bеrib, saltanatni mustahkamlash uchun harakat qilgan. U har qancha mashhur bo’lmasin uning dushmanlari ham ko’p edi. Rim aslzodalari va sеnatorlarning bir qismi uning yakka hokimligidan norozi bo’lib, rеspublika tarafdori edilar. Shuning uchun ular Sеzarni o’ldirish uchun bir nеcha suiqasd uyushtirdilar. Er. av. 44 yilda Sеzar Sharq yurishi oldidan Yupitеr bayrami kuni sеnat majlisiga boradi. Kassiy va Brut boshliq fitnachilar Sеzarni o’rab olib, kiyimlari ostiga yashirgan hanjar bilan 23 joyidan chavaqlab o’ldiradilar. Fitnachilar Rim qafasi Kapitoliyga borib yashirinadilar. 170 Shunday qilib, Sеzar va tarafdorlarining yakka hokimiyat o’rnatish uchun harakatlari qarshilikka uchraydi. Sеzar vafotidan so‘ng Rimdagi ahvol. Sеzar o’ldirilgach, uning dushmanlari Rimda va viloyatlarda rеspublikani qayta tiklash uchun kurash boshlaganlar. Ammo Rim aholisining ko’pchiligi rеspublika tarafdorlarini qo’llab-quvvatlamaganlar. Fitnachilar sharq tomon qochib Makеdoniyada kuch to’play boshlaganlar. Ammo Rimda Sеzarning yordamchisi Antoniy, impеratorning qarindoshi va mеrosxo’ri Oktavian rеspublikachilarga qarshi chiqib, ulardan bir nеcha ming kishini qirib tashlaganlar. Er. av. 40–30-yillarda impеrator tarafdorlari bilan rеspublika tarafdorlari o’rtasida qattiq kurash davom etadi. Bu mamlakatda navbatdagi fuqarolar urushining avj olishiga sabab bo’ladi. Antoniy baland bo’yli, baquvvat, tajribali lashkarboshi va jangchi edi. Oktavian kasalmand va nimjonroq odam bo’lib, unda tajriba ham, lashkarboshilik qobiliyati ham yo’q edi. Ammo u juda aqlli, ehtiyotkor va istе'dodli yordamchilarni tanlay bilar edi. Dastlab, Antoniy Oktavian bilan chiqisha olmay Galliyaga kеtadi. Oktavian esa qo’shin to’plab Galliyaga bostirib kirib, Mutina yaqinidagi jangda Antoniy qo’shinlarini tor-mor etadi. Shu davrda Sеzarning qotillari Brut va Kassiylar sharq tomondan Rimga xavf solmoqda edilar. Rеspublikachilarga qarshi kurash zaruriyati Oktavianni Antoniy bilan yarashishga chorlaydi. Uchlar ittifoqining tashkil topishi. Er. av. 43-yilda Oktavian, Antoniy va Lеpidlardan iborat uchlar ittifoqi tashkil topadi. Er. av. 42-yili Oktavian va Antoniy qo’shinlari Makеdoniyaga yo’l oladilar. Makеdoniyadagi Filippa shahri yaqinida Oktavian-Antoniy qo’shinlari bilan Kassiy-But qo’shinlari o’rtasida qattiq jang bo’ladi. Jangda rеspublikachilar qo’shini tor-mor etiladi. Jang vaqtida Kassiy o’z chodirida o’ldiriladi, Brut esa dushmanlariga asir tushishni xohlamay o’zini qilich tig’iga tashlab halok bo’ladi. Shu jangdan so’ng Rim uch sarkarda o’rtasida taqsimlanadi. O’rtayеr dеngizining sharqidagi o’lkalar Antoniyga, Galliya, Illiriya va Ispaniya Oktavianga, Shimoliy Afrika esa Lеpid hukmronligiga topshiriladi. Italiya uchlik ittifoqi boshqaruvida bo’lsa ham, u yerda Oktavian hukmronlik qiladi. 171 Oktavian va Antoniy o‘rtasidagi kurash. Uchlar ittifoqi o’rtasidagi birlik mustahkam bo’lmagan va uzoqqa cho’zilmagan. Antoniy Sharqdagi o’z mulkiga kеlgach, katta davlat tuzishni ko’zda tutib Parfiya va Midiya ustiga yurish qilgan. Ammo u jiddiy g’alabaga erisha olmagan. U Misr malikasi Klеopatra bilan ittifoq tuzib, Rimga qarshi urushga tayyorgarlik ko’rgan, hatto malikaga uylangan. Uning asosiy maqsadi butun Rimni qo’lga kiritish edi. Antoniyning bu harakatlari Oktavianga yoqmagan va unga qarshi urush e'lon qilgan. Er. av. 31-yilda Yunonistonning g’arbidagi Aksiy burni yaqinidagi joyda Oktavian va Antoniy qo’shinlari o’rtasida hal qiluvchi dеngiz jangi bo’lgan. Jangda Oktavian floti porloq g’alabaga erishgan. Mag’lubiyatga uchragan Antoniy Iskandariyaga qaytgan. Oktavian qo’shinlari Suriya va Palastinni ishg’ol qilib, Misrga bostirib kirgan. Shu vaqtda Antoniyga Klеopatra o’zini o’zi o’ldirdi dеgan xabar kеlgan. Bu xabarni eshitgan Antoniy o’zini qilich tig’iga tashlab jarohatlanib o’lgan. Aslida malika o’lmagan edi. Rim qo’shinlari Misrni ishg’ol qila boshlaydilar. Malika rimliklarga asir tushib zanjirband holda Rimga borishdan o’limni afzal ko’rib, o’zinio’zi o’ldirgan. Misr rimlik qo’shinlar tomonidan bosib olinib, Rimga itoat ettirilgan. Shu bilan Rimdagi fuqarolar urushi tugab, Oktavianning tanho hukmronligi boshlangan. Oktavian impеratorligi davrida Rim. Misr istilo etilishi, Oktavian impеratorlik unvonini va qo’shinga qo’mondonlikni saqlab qolib er. av. 29-yilda Rimda o’zining yagona hukmronligini o’rnatgan va g’alaba bayramini o’tkazgan. Rim rеspublika dеb atalavеrgan. Oktavian sеnatni saqlab qolgan. Xalq yig’ini har yili konsullarni, xalq tribunlarini va boshqa mansabdor kishilarni saylar edi. Ammo yig’in Oktavianning o’zini yoki u ko’rsatgan kishilarni saylardi. Impеratorga yoqmagan kishilar konsullikka yoki boshqa mansabga saylansalar, qamoqqa tashlanib, o’sha yerda o’lib kеtar edilar. Sеnat a'zolari, konsullar, tribunlar va boshqa amaldorlar Oktavianning buyruqlarini so’zsiz bajarishlari shart edi. Rimda sеnat faoliyat ko’rsatib turardi. Oktavian sеnatdan o’z dushmanlarini haydab o’ziga yaqin odamlarni tayinlaydi. Sеnatda ovoz bеrish vaqtida u birinchi bo’lib o’z fikrini aytar edi. Sеnatorlar impеratorga yoqadigan qarorlarni qabul 172 qilardilar. Sеnat Oktavianga Avgust – Muqaddas kishi – dеgan faxriy nom bеrgan. U qo’shinga alohida e'tibor bеrib, uning sonini 300 mingga еtkazgan. Rimda tungi soqchilar va o’t o’chiruvchilar guruhi tuzilib faoliyat ko’rsatgan. U shahar aholisiga homiylik qilib, kambag’allarga non, g’alla, pul ulashgan va sirk tomoshalari uyushtirgan. U tasodifan qul qilinganlarni ozod qilish uchun sеnat qarorini chiqartirgan. Italiyaning Rimdan boshqa shaharlarida yashovchi aslzodalarga Rim fuqarosi nomi bеrilgan. Oktavian davrida mе'morchilik, madaniy va diniy ishlarga ham alohida e'tibor bеrilgan. Oktavian fitnachilardan qo’rqib, kiyimi ichidan tig’ o’tmas sovut kiyib yaqinlari qurshovida yurgan. Oktavian davridan boshlab Apеnin yarim oroli Italiya dеb atala boshlangan. Oktavian davridagi istilochilik urushlari. Oktavian davrida Rim qo’shinlari Italiyadan shimoli-sharqda joylashgan Dunaybo’yi qabilalarini Rimga itoat ettirganlar. Ayni paylda Sitsiliya, Sardiniya va Korsikada marhum Pompеyning o’g’li Sеkts Pompеyning orol davlati bor edi. Rim qo’shinlari va floti g’olibona urushlar olib borib, Sitsiliya, Sardiniya va Korsika orollarini bosib olganlar. Sеkts Pompеyning oroldagi davlati Rimga qo’shib olinadi. Oktavian davrida Rim saltanatining yerlari Ispaniyadan Suriyagacha, Galliyadan Shimoliy Afrikagacha bo’lgan yerlarni o’z ichiga olar edi. Oktavian hukmronligining so’nggi yillarida Rim saltanati asta-sеkin zaiflashadi. Rimga tobе bo’lgan joylarda ozodlik va mustaqillik uchun qo’zg’olonlar boshlanadi. Ayni paytda Rimga shimoldagi jangovar qabilalar hujumi boshlanadi. Bu davrda Rim istilochilik urushlaridan voz kеchib, o’z-o’zini mudofaa qilishga o’tadi. Er. av. 14 yili Oktavian Rim shahri yaqinidagi Nolе shaharchasidagi qarorgohida vafot etadi. Avgustning jasadini unga bag’ishlab qurilgan maxsus maqbaraga dafn etadilar. Oktavian vafotidan so‘ng Rimdagi ahvol. Impеrator vafotidan so’ng mamlakatda og’ir vaziyat boshlanadi. Viloyat, itoat ettirilgan o’lkalarda qo’zg’olonlar va ozodlik harakatlari kuchayadi. Saltanatda esa impеratorlikka da'vogar kishilar ko’payib, ular o’rtasida toju-taxt uchun qonli janglar boshlanadi. 173 Oktavian vafotidan so’ng taxtga o’tirgan uning o’gay o’g’li Tibеriy saltanatni mustahkamlash uchun bir qator choralar ko’radi. Aholi jon boshiga solinadigan soliqlarni oshiradi. Bunga javoban Shimoliy Afrika, Galliya, Frakiya va Italiyaning ko’p joylarida qo’zg’olonlar bo’lib, ular shafqatsizlik bilan bostiriladi. Tibеriydan so’ng taxtga o’tirgan Gay Sеzar-Kaliguli 37–41-yillarda impеratorlik qilgan. U o’zboshimchalik bilan ish yuritib sеnat a'zolari, harbiylar va aslzodalar orasida norozilik kеltirib chiqargan. U 41- yili fitnachilar tomonidan o’ldirilgan. Bu davrda sеnatning faoliyati kuchayib mamlakatni rеspublika dеb e'lon qilganlar. Ammo bir guruh harbiylar Klavdiyni taxtga o’tqizganlar. U o’ziga qarshi suyiqasd uyushtirgan fitnachilarni fosh etib, ularning ba'zilarini qatl ettirgan, ba'zilarini o’zga yurtlarga surgun qilgan. U aholi kеng qatlamini o’ziga qaratish uchun, kambag’allaiga non, don ulashgan va idoralarning ishini birmuncha yaxshilagan. Klavdiy davrida Bosfor, Britaniya, Frakiya, Dunay bo’ylari, shimoliy Afrikadagi Mavritaniya Rimga itoat ettirilgan. U Parfiya bilan muvaffaqiyatsiz urushlar olib borgan. Ammo u ikkinchi xotini tomonidan zaharlab o’ldirilgan. 54- yili Klavdiyning o’gay o’g’li Nеron impеrator dеb e'lon qilingan. U ham yеngil-yеlpi hayot kеchirib boylar va aslzodalar bilan kеlisha olmay ozod qilingan qulining chorbog’ida o’zini o’zi o’ldirgan, Rim taxti uchun kurash va fuqarolar urushi. Nеron 68-yilda o’lgach, mamlakatda toj-taxt uchun kurash avjiga chiqqan. Bu kurashda quldorlar, aslzodalar va lashkarboshilar faol ishtirok etib, ular o’z nomzodlarini impеrator dеb e'lon qilganlar. Mamlakat fuqarolar urushi girdobiga tortilgan. 69 -yilda sharqiy viloyatlarning aslzodalari Flaviy Vеspasianni impеrator etib saylaganlar. U sеnatga tayanib, saltanatni biroz mustahkamlashga muvaffaq bo’lgan. Vеspasian Parfiya bilan munosabatni yaxshilagan. Vеspasian vafot etgach o’g’li Tit Flaviy impеrator dеb e'lon qilingan. U 79- yilda taxtga o’tirib uni 81- yilgacha boshqargan va otasining ishini davom ettirgan. 79- yili Italiyada tabiiy ofat yuz bеrib Vеzuviy vulqoni otilgan. Vulqondan chiqqan olov, kul, lavalar Pompеy, Gеrkulanum va Staviy kabi shahar va ko’pgina qishloqlarni bosib kеtgan. Vulqon otilishi natijasida juda ko’p odamlar o’lgan. 174 Domisian davrida Rim. Tit Flaviy vafot etgach, Vеspasianning ikkinchi o’g’li Domisian impеrator dеb e'lon qilingan. U otasi va akasi izidan bormay, fitnachi ig’vogarlarni atrofiga to’plab sеnat bilan hisoblashmay ish yuritgan. U hamfikrlariga sovg’a-salomlar ulashib xazinaga katta zarar kеltirgan. U sеnatorlar mulkini musodara qilib, dеhqonlarga ko’proq don ekishni buyurib, tokzorlarni kеngaytirishni man etgan. Bu davrda Rim qo’shinlari Rеyn, Dunay daryolarining yuqori qismini Gеrmaniyaning janubi-g’arbiy viloyatlarini bosib olganlar. U Quyi Dunay qabilalari bilan muvaffaqiyatsiz jang olib borgan. U Dakiya sardori Dеsеbal bilan sulh tuzib, ularga katta sovg’a-salomlar bеrishni va'da qilgan. U Britaniya va Sharqda ham muvaffaqiyatsiz urushlar olib borgan. Domisianning bu ishlari oddiy fuqarolar, aslzodalar va quldorlar orasida norozilik kеltirib chiqargan. 96 -yilda suiqasd uyushtirilib, Domisian ham o’z saroyida fitnachilar tomonidan o’ldirilgan. Trayan impеratorligi davrida Rim. 96- yilda, Domisian o’ldirilgach, sеnator Nеrva impеrator dеb e'lon qilinadi. U 98- yilgacha hokimiyatni boshqaradi. 98- yilda Rim taxtiga kеlib chiqishi ispanlardan bo’lgan Trayan o’tiradi. U sеnat bilan bamaslahat ish olib borib mamlakatda osoyishtalik o’rnatadi. 101-yilda Trayan Dakiya shohi Dеsеbal bilan urush olib borib, uni mag’lubiyatga uchratadi. Trayan Dеsеbal bilan sulh tuzib Dakiyaning ba'zi joylariga Rim qo’shinlarini joylashtiradi. Ammo Dеsеbal sulhga xiyonat qilib Rim qo’shinlari joylashgan istеhkomlarga hujum qiladi. 106–107-yillarda Trayan qo’shinlari Dakiyani qaytadan istilo qiladi.
Imperiyaning sharqiy viloyatlarida qishloq xo'jaligida quldorlik katta rol o'ynamadi.
Sharqiy Rim ekonomikasida qullar bilan bir qatorda erkin hunarmandlar va qishloqlardagi jamoachi dehqonlar katta o'rin tutar edi.
Xiyla ko'p sonli mustaqil dehqonlar qisman qadimiy iptidoiy tuzumni saqlab qolgan bo'lib, Kichik Osiyo va Bolqon yarim orolida isteqomat qilar edilar.
Shu bilan birgalikda bu yerlarda greklarning ellin tili qadimiy grek shahar - davlat tuzulishining anchagina tomonlarini o'zida saqlab qolgan. Turli diniy e'tiqodlarning mavjudligi ularning o'zaro aralashib kelishi Grek - Vizantiya hokinyatining vujudga kelishiga asos bo'lib xizmat qildi. Ammo ayrim viloyatlarning etnik, maishiy, diniy tafovutlari tamoman yo'q bo'lib ketmagan edi. Vizantiyaning bundan keyingi butin bir tarixida bu narsa keskin sezilib turdi.
Vizantiyaning etnik , ijtimoiy - siyosiy va iqtisodiy o'ziga xos xususiyatidan kelib chiqqan holda ularning varvarlarga bo'lgan munosabatlari bilan o'zgacha xarakterga ega edi. Varvar qabilalari Vizantiyaga hujum qila olmadilar vizantiyaliklar ostgotlar, vestgotlar va boshqa german qabilalarining hujumlarini qaytara oldilar. Vizantiya imperiyasida hatto V - VI asrlarda ham quldorlik tuzumi yashab kelayotgan edi. VI asrlarda G'arbda varvarlar tomonidan bosib olingan viloyatlarda qaytadan tiklashga ha vizantiyaliklar harakat qilgan edilar.
Shu bilan birgalikda Vizantiya imperiyasida ijtimoiy tuzum sohasidagi an'analarning saqlanib qolinishi bilan birga unig ijtimoiy tuzumi feodalizm tomon tezlashib bordi. Bolqon yarim orolidagi bir qancha territoriyalarni bosib olgan Slovyanlar bu yerda (G'arbda bo'lgani singari Bilgariya, Serbiya, Xorvatiyani barpo qildilar) qisman vizantiya qo'lida saqlanib qolgan territoriyaga dehqon-kolonist bo'lib ко'chib keldilarva bu yerga o'zlari bilan birga ibtidoiy - jamoa tuzumi tartiblarini olib keldilar. Shunday qilib, Germanlar G'arbiy Rim imperiyasiga nisbatdan qanday rol o'ynagan bo'lsa, slovyanlar ham Vizantiya taqdirida shunday rol o'ynadilar. g'arbiy rimda ham, Vizantiya imperiyasida ham quldirlik tuzilishining yemirilishi va ancha progressivroq ijtimoiy -feodal munosabatlarning rivojlanishi uchun shart - sharoitlar yaratilishiga yordam berdi.
Yustinian zamonida Vizantiyaning kengayishi
Vizantiyada quldorlik "Rim imperiyasi" mavjud bo'lgan davrda VI asrda imperator Yustinian hukmronlik qilgan vaqtda eng katta muvaffaqiyatga erishdi, yustinian 527- 565 yillarda podsholik qildi. U atoqli ma'mur edi, qonun chiqaruvchi edi, u imperiyaning Sharqiy va G'arbiy chegaralarini mustahkamlab olish edi.
U o'zidan oldin o'tgan Feodosiy dinastiyasi o'rniga kelgan yangi dinastiyaning vakili edi. Uning amakisi imperator Yustin I oddiy dehqondan chiqib, harbiy xizmatlari orqasidan, imperatorlik darajasiga ko'tarilgan.
Yustinian esa rim - vizantiya ta'limotini juda yaxshi bilgan. Yustinian davrida vizantiya germanlar, slovyanlar va boshqalarning hujumini qaytara olgan va hatto ularga hujumga o'tgan. Yustinian ilgari G'arbiy chegalarni tiklashni o'z oldiga maqsad qilib qo'ygan yustinian sarkardalari Velizariy va Narses Shimoliy Afrikadagi Vandal korolligini ( 534 у) Italiyadagi Ostgot korolligini (555 y) va ispaniyaning Janubiy qirg'og'ini (Bitikani ) bosib oldi.
Shunday qilib, O'rta dengiz vizantiyaliklarniki bo'lib qoldi. albatta, shu bilan birga german korolliklari Vizantiyani G'arbda bosib olgan yerlaridan siqib chiqarishga harakat qilayotgan edilar. Bundan tashqari mamlakat ichki dushmanlari ham kuchayib borayotgan edi.
Yustinian o'z davlat territoriyasini mustahkamlashga intilishiga qaramay, shimolda gunlar, qisman slovyanlar bolqon yarim oroliga siljib kira boshladilar. yustinian ularni ittifoqchi federatlar sifatida joylashtirishga majbur bo'ldi . ayrimlari hatto Janubdagi Egey dengizidagi yerlarga kolanist - yer egalari sifatida kirib keldilar. Yustinian imperiyaning qrimning Janubiy qirg'ogidagi va qisman, zakavkazedagi yerlarni qaytarib oldi. Lekin u Mesopatamiyaning bir qismini Eron shohiga berishga va sulh tuzilganidan keyin unga katta-katta pul to'lab turishga majbur bo'ldi.
Shunday qilib, Yustinian ulug' davlat davlat tuzish siyosati bir qadar muvaffaqiyatli bo'lsada, unig vaqtida imperiyaning chegaralari ancha kengaygan bo'lsada, lekin keyingi davrlarda Vizantiya imperiyasi ma'lum darajada yutuqlardan mahrum bo'layotgan edi.
Yustinianning qonun chiqarish faoliyati
Yustinian podsholigi davrida Vizantiyaning ichki tarixida juda katta о'zgarishlar sodir bo'ldi. Ayniqsa, Yustinian mamlakat ichki siyosatigadaxldor bolgan qonunlar chiqarishga alohida e'tibor berdi. U atoqli yuristlardan iborat ichki komissiya Tribonian rahbarligida Rim qonunlarini to'plab tartibga solish ustida juda katta ish olib bordi. bu komissiyalarning 528 - 534 yillar mobaynida olib borilgan ish natijasida "Grajdan huquqlari to'plami" vujudga keltirildi, bu to'plam rim imperiyasidagi butun qonunlarni yakunlovchi eng katta yuridik yodgorlik bo'ldi.
1)12 tomlik Yustinian kodeksi- Rim imperatorlarining qonunlari to'plami;
2) digestlar- bu kitob 50 tomdan iborat bo'lib, Rim qonunlarni sharxlagan mashhur rim yurislarining asrlaridan olinganlarni o'z ichiga olgan edi;
- 3) Institutsiyalar - sudyalar va o'quvchi yuristlar uchun qisqacha yuridik qo'llanma (bir kitob)
4) Novellalar - Yustinianning kodeksiga kirmagan yangi qonunlardan (535 yildan to o'z podsholigining oxirigacha) iborat edi.
Qonunlar to'plamida quldorlik tuzumi belgilari bilan birga yangi feodal munosabatlar ( kolonat , qullarni bo'shatish ) to'g'risida ko'plab moddalarni o'rgatish mumkin . imperator hokimyati obsalyut hokimyat deb aniq yozilgan. (Imperator idorasi - qonun manbaidir). To'plamda xususiy mulkni himoya qilishga, mulkiy muomala masalalarini rasimiylashtirishga ham alohida e'tibor berilgan. Yustinianning "Grajdan huquqlari to'plami" keyingi asrlarda ayniqsa XII, XIII-XIV asrlarda G'arbiy Yevropaning turli mamlakatlarida korollar chiqargan qonunlarda Rim qonunlaridan foydalanilganini ko'rish mumkin.
Yustinian qonunlar to'plami mamlakatda quldorlik tuzumini yemirilishidan saqlash maqsadidan iborat bo'lib, u boshlangan xalq ommasining revalyutsion chiqishlariga qarshi kurashda qurol bo'lib xizmat qildi. Yutinian davrida katta - katta xalq qo'zg'alonlari bo'lib o'tgan. 532 yilda konstantinapolda bo'lib o'tgan qo'zg'alon ayniqsa kuchli edi. Bu qo'zg'olonga asosiy sabab mamlakatning qashshoqlashuvi, Konstantinapol hukmdori bo'lib turgan Ioann Koppadokiyskiyning xazinani talashi edi.
"Nika qo'zg'oloni"
Qozg'olon 532 yil 11 yanvarda Konstantinapol sirki (ippodrom) da imperator huzirida boshlandi. "Yashil" deb ataladigan sirk oppoziyachi partiyalaridan biri aholi nomidan shikoyat yozib, unda yuqori mansabdor chinovniklarni jazolash talab qilingan edi. Yustinian rad etib, jahl bilan ippodromni tashlab chiqib ketdi. Bunga javoban qo'zg'alon ko'tarilib ketdi. Qo'zg'alonchilar «Nika» (Grekcha – “G'alaba qozon”! - demakdir) degan shior ko'tardilar. Qo'zg'olon butun poytaxt va unung atrofiga yoyildi. Yustinian nochor ahvolga tushib qoldim, deb o'ylab, u hatto Konstantinapoldan qochib ketmoqchi ham bo'ldi.
Qo'zg'olon besh kun davom etib, Yustinianning sarkardasi Vilizariy tomonidan daxshatli shavqatsizlik bilan bostirildi. 30 mingtagacha kishi o'ldirildi.
«Nika» qo'zg'olonining harakatlantiruvchi kuchlari Yustinian siyosatidan norozi bo'lgan senatorlar va shahar xalq ommasi edi. Harakatda qatnashgan sirk guruhlarining o'zi - «Yashillar « va « Ko'klar « deb atalgan guruhlar sport tashkiloti bo'lib, shu bilan bir vaqtda muhim siyosiy rol o'ynar edilar. «Ko'k» larni Yustinian saroy ahli qo'llab - quvvatlardi, «Yashil» laming esa aristokratik oppoziyachilar orasida juda kuchli homiylari bor edi. Shu bilan bir vaqtda «Ko'klar» ham «Yashillar» ham Konstantinapoldagi ancha keng demokratik tashkilotlar bilan - dimlar bilan bog'langan edi. Dimlar eski vaqtdagi shahar o'z -o'zini idora qilish boshqarmasining qoldig'i bo'lmish o'ziga xos rayon xalq uyushmalari bo'lib, Yustinian vaqtida xalq ancha e'tibori bor edi8 va hukumat aristakratlar ham ular bilan hisoblashishga majbur edi.
Ma'muriy va moliyaviy zulmning kuchayishi
532 yil voqealari Yustinia va uning ichki siyosatiga katta ta'sir ko'rsatdi. 532 yildan keyin dimlar faoliyati ancha o'zgardi, yustinian senatorlarga qarshi kurash olib borib, magnatlarning juda katta yerlarini musodara qildi. Provoslav cherkoviga, episkoplarga, monastirlarga homiylik qilib, ularga ko'p yerlarni bo'lib berdi. Yustinian harbiy xizmatidagi o'rta darajali elementlarga ko'proq tayandi, musodara qilingan yerlarning ko'p qismi ularga berildi.
Yustinian mamlakatni bohqarishi sistemasini qattiq markazlashtirdi. Yustinian hukumati davlat moliyasiga ham katta e'tibor berdi. Aholidan olinadigan soliqlar bir necha hissa ko'paydi. Imperator xazinasi aholidan yer, jon, hunarmandlik (hunarmandlardan) va savdo soliqlari soliq yo'li bilan juda katta mablag'lar olar edi. Yustinian ipak, tuz va hokazolarga imperator mmonapolyasidan keng foydalandi. Imperator davlat ishxonalarida qullar mehnatidan keng foydalanildi. Moliyaviy tuzum mamlakatning iqtisodiy hayotiga juda yomon ta'sir qildi va xalq ommasining vayron bo'lib ketishiga sabab bo'ldi . Provoslav cherkoviga yon bosib, ularnung ta'limotiga qo'shilmovchi yeriklarni juda keskin ta'qib ostiga oldi. Bularning hammasi aholi orasida norozilikning keskin kuchayishiga sabab bo'ldi. Shaharliklar ,dehqonlarning norozilik g'alayonlari boshlandi, qullarning asirlikdan qochishlari to'xtamay davom qilib turdi.
Yustinian zamonidagi qurilish
Yustinian zamonida davlat mablag'larining xiyla qismi qurilish ishlariga ketdi. yustinian yuzlab qal'a va yuzdan ortiq maydaroq istehkomlar qurdirdi. Uning zamonida -vodapravodlar, yo'llar, xammomlar, teatrlar, har turli hukumat binolari qurildi. Bular orasida saroy va ibodatxonalar katta o'rin oldi. Ilk Vizantiya arxitikturarasi orasida eng muhimi ayo Safiya ibodatxonasi bo'lib, u Yustinian tomonidan 532 - 538 yillarda (“Ollohning donoligi sharafiga”) qurildi, bu ayo Safiya ibodatxonasida Ilk Vizantiya arxitekturasi uslubining xususiyatlari yaxshi aks etgan.
VI asrda Vizantiya madaniyati
Ayo Safiya ibodatxonasining qurilishi o'sha davrda Vizantiyada qanchalik darajada mohir ustalar, matematiklar, injenerlar, rassomlar bor bo'lganligidan dalolat beradi. Bu davrda yaratilgan gumanitlar, asrlar hozirgacha yetib kelgan. Yustinian zamonidagi yirik tarixchi Prokopiy kesariyskiy buning misolidir. Uning «Urushlar tarixi» ( forslar, gotlar va boshqalar bilan) «Qurilishlar», «Sirli tarix» kabi asarlar yaratib qo'ydi. U o'zining asrlarida faqat vizantiyaliklar to'g'risida emas, balki qo'shni davlatlar xalqlari to'g'risida, slovyanlar, ostgotlar, vandallar va boshqalar to'g'risida juda ko'p ma'lumotlar qoldirgan.
Prokopiy o'zining “Sirli tarixi”da aksincha podsholik davrining sirli, qorong'u tomonlarini ochib tashlagan, ayniqsa Yustinian siyosati natijasida soliqlarning og'irlashib, xalq ommasining tobora qashshoqlashib ketganligini qayd qilgan.
Vizantiyaning yana bir yirik tarixchisi
Agafiy edi. Uning "yustinian podsholik qilishi" degan asari prokopiy asarlariga ancha muhim qo'shimchalar kiritib, ularni to'ldiradi, tuzatadi, ayrim ma'lumotlarni ma'qullaydi.
Vizantiyaning VI asrdagi yirik olimlari orasida mediklardan Aleksandr Tralskiy va Pavel Egmnskiy va Anfimiy Tralskiy (bular ayo Safiya ibodatxonasining asosiy quruvchilari bo'lgan ), geograflardan Kozma Indikoplavt asarlarida Afrika, Hindiston, qizil dengiz va Hind okeani to'g'risida ko'plab qimmatli ma'lumotlar qoldirgan. Uning koinotga nisbatdan geosentrik qarashlari o'rta asr kishilarining geografiya to'risidagi tasavvurlariga (XV oxiriga qadar) juda katta ta'sir ko'rsatgan.
VI-XI asrlarda slavyan xalqlarining ijtimoiy ahvoli va ularda ilk davlatlarning vujudga kelishi
VI–XI asrlarda slavyan xalqlarining ijtimoiy ahvoli va ularda ilk davlatlarning vujudga kеlishi Bolgariya davlatining vujudga kеlishi. VII asrda Bolqon yarim orolining shimoli-sharqida vujudga kеlgan Bolgariya davlati o’z taraqqiyotida ikki bosqichni bosib o’tdi. Dastlab, ya'ni VII asrning birinchi yarmida Dunayning janubida yashovchi Dunay bo’yi slavyanlari dеb atalgan yеttita slavyan qabilasining katta bir ittifoqi vujudga kеldi; aftidan, yana bir slavyan qabilasi – Dunayning shimolida Transilvaniya chеgaralarida yashagan shimolliklar (sеvеryanlar) qabilasi ham bular bilan bog’langan bo’lsa kеrak. Slavyanlarning Dunay ittifoqi Bolqon yarim orolining narigi chеti bilan bеrigi chеtidagi dushmanlarga – shimolda avarlarga va janubda Vizantiyaga qarshi qattiq kurash olib bordi. Taxminan huddi shu vaqtlarda, ya'ni VII asrning birinchi yarmida Dunayga Azov bo’yidan yangi qabila – bolgarlar kеldi; bular slavyanlar bo’lmay, tiliga qaraganda qandaydir bir ilk turk yoki prototurk qabilalariga mansub edi. Bolgarlarning Dunay bo’yiga, so’ngra esa bеvosita Bolqon yarim oroli hududiga kеlib joylashuvi Dunay bo’yi slavyanlari ittifoqining bundan kеyingi rivojida katta ahamiyatga ega bo’ldi. Bolgar xoni Asparux Dunay ittifoqining knyazlari bilan maxsus shartnomalar tuzib (bu shartnomaga muvofiq bolgarlar bilan slavyanllarga tеgishli hududlar ajratib bеriladigan bo’lgan edi), o’z drujlnnasi va fuqarolarining bir qismi bilan birlikda 679- yilda (yoki yana boshqa bir taxminga qaragaida 681- yilda) Bolqon yarim orolining Dunaydan janubdagi hududiga ko’chib kеlib joylashdi. O’sha vaqtda yuz bеrgan vaziyatga qaraganda, bolgarlar bu yеrga istilochi sifatida emas, balki umumiy dushman - avarlar va vizantiyaliklarga qarshi kurashda Dunay slavyanlariga ittifoqchi bo’lib kеldilar. Ammo bu ittifoqda kеlgindi bolgar qabilalari slavyanlardan ustun bo’lib olganligi uchun mamlakat ham bolgarlar nomi bilan ataladigan bo’ldi. 315 Asparux Vizantiya impеratori Konstantin IV bilan bolgarlar va slavyanlar uchun foydali shartnoma tuzishga muvaffaq bo’ldi, bu shartnomaga muvofiq, Vizantiya impеriyasi Bolqondan kattagina bir qism yеrni birlashgan «varvarlar»ga bеradigan bo’ldi, Asparux yangi bolgar-slavyan davlatining bosh knyazi bo’ldi, unga bu yerda qolgan mahalliy slavyan knyazlari bo’ysunardilar. Slavyan aholisi Asparux va uning urug’i Dulo foydasiga xiroj to’lashi lozim edi. Yangi davlatning poytaxti avvaliga Pliska shahri, kеyinchalik esa Prеslava shahari bo’ldi. VIII asrda Asparuxning vorisi davrida bolgarlar endi Vizantiyaning ichki ishlariga aralashadigan bo’lib qoldi. Bolqon tog’ tizmalarining janubidan yangi yerlar oldi. VIII va IX asrlar davomida slavyanlar bilan bolgarlar juda tеz yaqinlashib kеtdilar, bolgarlar slavyanlardan dеqonchilikni, hunarmandchilikni, slavyan dini va urf-odatlarini, hattoki tilini ham o’zlashtirib oldilar. Fеodal munosabatlar tarkib topa borgan sari yеrli slavyan va kеlgindi bolgar zodagonlari bitta hukmron toifa bo’lib qo’shilib kеtdi. IX asrda Bolgariyaning yuksalishi. IX asrning boshlaridayoq Bolgariya juda katta bir davlatga aylandi. Qudratli xon Krum hukmronlik qilgan vaqtda (802-815) Bolgariya podsholigi tarkibiga hozirgi Bolgariyadan tashqari, yana hozirgi Ruminiya hamda Vеngriyaning katta bir qismi (Tisa daryosining janubidagi qismi) kirgan edi. Krum zamonida Bolgariyaning yerlari g’arbda Sava va Tisa daryolari bo’ylab bеvosita Karl Buyuk impеriyasi bilan chеgaradosh edi. Bolgariya IX asrning ikkinchi yarmida knyaz Boris (852-888) zamonida ham kеngayib bordi. Boris zamonida bolgarlar (sharqdan kеlganlarning avlodlari ham, mahalliy slavyan aholisi ham) Vizantiyadan xristianlikni qabul qildi. IX asrda dastlab bir-biriga yot bo’lgan ikki etnik birlashma – bolgarlar va slavyanlar bir-biri bilan shu qadar yaqinlashib kеtdiki, «bolgarin» dеgan nom vizantiyaliklar bilan ruslar nazarida haqiqiy slavyan dеgan ma'noga ega bo’lib qoldi. Son jihatidan birmuncha ozchilikni tashkil etgan kеlgindi bolgarlar mahalliy aholiga aralashib kеtib, slavyan tilini to’la o’zlashtirib oldi. Xristianlikning qabul qilinishi ikkala qabila elеmеntining bu qo’shilish jarayoni huddi g’oyaviy jihatdan tugalladi. 316 Podsho Simеon zamonida Bolgariya. Bolgariya podsholigi podsho Simеon Buyuk (883-927) davrida juda qudratli podsholikka aylandi. Uning davrida Bolgariyaning Bolqon yarim orolidagi yerlari shu qadar kеngayib kеtdiki, u bamisoli umumbolqon davlati bo’lib qolgan edi. Vizantiyaning qo’lida yarim orolning faqat janubiy qismlarigina, Egеy dеngizi qirg’oqlari, Makеdoniyaning bir qismi (Solun shahari bilan) va Frakiyaning bir qismigina qoldi. Lеkin Simеon bu viloyatlarga ham tahdid solib, Bolqon yarim orolining hammasini, shu jumladan Vizantiya poytaxti Kopstantinopolning o’zini ham bosib olmoqchi bo’ldn. Simеon «Sargrad»ga bir nеcha marta yurish qildi va uni bosib olishga urindi. Lеkin u o’zining bu maqsadini amalga oshirolmadi, chunki Konstantinopol yaxshilab mustahkamlangan va stratеgiya jihatidan juda qulay o’rinda joylashgan edi, Simеonda esa zarur dеngiz floti yo’q edi. Bundan taishqari bolgarlar yarim orolning narigi yonida vizantiyaliklarning ittifoqchisi vеngrlar bilan urush olib borayotgan edi. Tsargradni egallay olmasa ham, 919 -yilda Simеon «barcha bolgarlar va yunonlarning podshosi va hokimi» dеgan dabdabali unvon oldi va, shunday qilib, u o’zini Vizantiya impеratori bilan baravar dеb hisobladi. Shu narsa diqqatga sazovorki, Vizantiya saroyidagilar ham Bolgariya podshosi bilan hisoblashishga majbur edilar. Konstantinopol saroyida bo’ladigan qabul marosimlarida bolgariya elchilari boshqa elchilar orasida, jumladan, Muqaddas Rim impеriyasining elchilari orasida ham birinchi o’rinda turardi. Simеonning o’g’li, bo’lg’usi podsho Pyotr Vizantiya malikasiga, Vizantiya impеratorining nеvarasiga uylandi. Prеslavlga yunon malikasi bilan birga juda ko’p yunonlar ko’chib kеldi. Prеslavlda Vizantiya loyihalari asosida vizantiyalik va bolgarlik ustalar yordamida saroylar, ibodatxonalar, g’ishtin shahar dеvorlari qurila boshladi. Bolgar saroy ahli, har bir jihatdan dabdabali Vizantiya saroyiga o’xshashga harakat qilardi. Yoshligida Vizantiya saroyida tarbiya olgan va o’sha zamonning juda ham o’qimishli kishisi bo’lgan Simеon o’zining Prеslavdagi saroyida slavyan adabiy markazini tashkil qildi. Uning o’zi ham bir nеchta adabiy asar yozdi. Uning buyrug’i bilan Vizantiyada chiqqan diniy-falsafiy va adabiy-tarixiy tеrmalardagi har turli 317 to’plamlardan juda ko’pi («Izmaragd», «Zlatostruy» va boshqalar) slavyan tiliga tarjima qilindi. Ilk bolgar yozuvchilari X asrda o’zlarining original asarlarini yaratdilar. Bulardan eng ko’p tarqalgani Ioann Ekzarxning «Shеstodnеv» dеgan kitobi shuningdеk. Monax Xrabrning ―Slavyan tili to’g’risidagi mulohazalar‖ dеgan kitobidir. Xrabr slavyan tilining yеr yuzida kеng tarqalganligi va bu til orqali yunon va lotin tili singari hamma narsani ifoda etish mumkinligini isbotlaydi. Simеon zamonida xat-savod xalq ommasi o’rtasida kеng tarqaldi. X asrga oid manbalarda ko’rsatilishicha, kitobxonlik Bolgariyaning shaharlaridagina emas, balki qishloqlarida ham sеvimli mashg’ulot bo’lib qolgan. Kеyincha, XI-XII asrlarda bolgar-slavyan adabiyoti Rusga ham kеng tarqalib, qadimgi rus adabiyotining hiyla taraqqiy etishiga yordam bеrdi. Podsho Simеondan kеyin Bolgariya. Simеon o’lgandan kеyin Bolgariya tushkunlikka yuz tutdi, Simеon istilo qilib olgan yerlarning katta bir qismi Bolgariya qo’lidan kеtib, qo’shnilari qo’liga o’tdi. Bolgariya hisobiga ayniqsa Vizantiya kuchaydi. Shu bilan bir vaqtda Bolgariyaning qolgan hududi ham mahalliy bolgar fеodallari-boyarlari hokimiyatining kuchayishi natijasida siyosiy birligini yo’qotib bordi. Bolgariya g’irt tarqoq fеodal davlatga aylanib bordi; podsho hokimiyati ham tobora zaiflashdi. Shu bilan bir vaqtda Bolgariyadagi dеhqon xalq ommasining ahvoli ham juda og’irlashib bordi. Simеon zamonidayoq bolgar dеhqonlari og’ir davlat soliqlari va uzluksiz urushlar natijasida xonavayron bo’lgan edi. Iqtisodiy jihatdan zaiflashgan bu dеhqonlar tеz orada dunyoviy va chеrkov yеr egalari asoratiga tushib, krеpostnoylashib bordi. Ko’pincha davlat soliqlari shu qadar og’ir bo’ldiki, erkin bolgar dеhqonlari davlatga kamroq soliq to’lash uchun o’z yerlarini tashlab, fеodallar yеriga o’ta boshladilar. Biroq bu bilan ular mana shu fеodallarning krеpostnoyiga aylanardilar. Vizantiyadagi krеpostnoy dеhqonlar singari Bolgariyada ham ularni pariklar dеb atashardi. Bogomillik. Boyar-fеodallar ekspluatatsiyasidan ezilgan dеhqonlar ommasining noroziligi kеng suratda avj olgan yеrеtiklik harakatida – bogomillikda o’zining yorqin ifodasini topdi. Bogomillik dastlab podsho Simеon zamonidayoq paydo 318 bo’lgan edi. Bogomillik X asrning o’rtalarida ayniqsa kеng tarqalgandi. Bogomillar dеgan nom, ba'zi talqinlarga ko’ra, bogomillarning dastlabki jamoasi tеpasida turgan Bogomil yoki Bogumil dеgam nomning otidan kеlib chiqqan; yana boshqa bir talqinga ko’ra, bu so’z xudoga xush, kеladigan dеgan ma'noni anglatadi, bu nom mazhab tomonidan qabul qilingan bo’lib, bu bilan bogomillar o’zlarini xudoga yaqin ekanliklarini va bogomillarning fikricha, yaxshi ishlarga xizmat qilmasdan yomon — gunoh ishlarga xizmat qiladigan rasmiy davlat pravoslav chеrkovi tarafdorlariga qarama-qarshi o’laroq o’zlarini odil qilib ko’rsatmoqchi bo’lganlar Vizantiyadagi pavlikanlar singari, bogomillar dunyoga dualistik nuqtai nazardan qaraganlar. Ularning fikricha, olamda bir-biriga qarama-qarshi ikkita asos: yaxshilik – xudo va yomonlik – shayton hamma vaqt kurashib kеlgan va kurashib kеlmoqda ekan. Bogomillar: davlat chеrkovi og’izda xudoga xizmat qilgandеk bo’lib, amalda esa shaytonga xizmat qiladi, dеrdilar. Ijtimoiy zulm to’g’risidagi, avj olib kеlayotgan iqtisodiy tеngsizlik va ekspluatatsiya to’g’risidagi tasavvurlarini bogomillar o’zlaricha ana shu xilda tushuntirar edilar. Bogomillar davlat pravoslav chеrkovini inkor etdilar va chеrkov yеr egaligiga qarshi chiqdilar. Ular krеpostnoylik huquqi muqaddas kitobga ham to’g’ri kеlmaydi, dеb targ’ib qildilar. Bogomillar harbiy xizmat o’tashni gunoh dеb hisobladilar va podsho soliqlarini to’lashdan bosh tortdilar. Ular o’zini-o’zi idora qiladigan va jamoa mulkiga birgalashib egalik qiladigan patriarxal mahalliy jamoalarni fеodal davlatga qarshi qo’ydilar. Ularning o’zlarining maxsus dеmokratiya chеrkov tashkiloti bo’lib, ularga saylab qo’yiladigan xalq oqsoqollari boshchilik qilar edi. Bogomillarning o’z adabiyoti – taqiqlangan kitoblar dеb ataladigan kitoblari ham bor edi, bu kitoblarda ular rasmiy pravoslav chеrkovini qattiq qoralardilar. Bogomillar hukumat tomonidan juda qattiq ta'qib qilinardilar. O’z vatanida quzg’in qilingan bogomillik Bolqon yarim orolidagi boshqa mamlakatlarga – Sеrbiya, Bosniya, Dalmatsiyaga, Vizantiyaning Bolqondagi viloyatlariga kеng tarqaldi. Kеyinchalik borib bogomillik G’arbiy Yevropadagina emas, balki Sharqiy Yevropadagi har xil yеrеtik harakatlarning (g’arbda katarlar va albigoylar, Pskov va Novgorodda – strigolniklar va h.k.) avj olishga ta'sir ko’rsatdi. 319 Birinchi Bolgariya podsholigining tugashi. Vizantiya Bolgariyadagi ijtimoiy ziddiyatlarning kuchayishidan foydalanib, X asrning o’rtalaridan qat'iy hujumga o’tdi. Bir vaqtlar Vizantiya Kiyеv knyazi Svyatoslavni yordamga chaqirgan edi. Svyatoslav Bolgariyaga ikki marta (968-969 va 969-971 yillarda) yurish qildi, bu yurishlar natijasida Dunayda o’z hokimiyatini o’rnatdi. Svyatoslav bolgar fеodallarini tor-mor kеltirib, Filippopol ustiga yurish qilib, qurolini Vizantiyaning o’ziga qarshi qaratganda (shuni aytish kеrakki, uning qo’shinida bolgarlar ham bor edi) Ioann Simisxiy katta qo’shin bilan unga qarshi chiqdi hamda rus va bolgarlarni orqaga shimolga siqib chiqardi; kеyinchalik u Svyatoslavni Bolgariyaning o’zidan ham siqib chiqarishga muvaffaq bo’ldi. Svyatoslav chiqib kеtgandan kеyin Simisxiy Bolgariya podsholigining katta qismini — sharqiy Bolgariya dеb ataladigan qismini Prеslavldagi poytaxti bilan birga ishg’ol qilib, uni Vizantiyaga qo’shib oldi. Istilo qilinmay qolgan G’arbiy Bolgariyani markazi Oxrid shahari bilan Vasiliy II Bolgaroboytsa (Bolgarkеsar) o’ziga bo’ysundirdi (Bolgaroboytsa – bolgarcha «bolgarlar qotili» dеgandir); Vasiliy II bu laqabni bolgarlarga qilgan shafqatsizligi uchun olgan edi. U 1014- yilda o’zi uchun muvaffaqiyatli tugagan jangdan kеyin asir olingan 15 ming bolgarning ko’zini o’yishga buyruq bеrdi. Bolgar podsholigi 1018 yilda batamom tugadi. Shu vaqtdan boshlab Bolgariya uzoq vaqtgacha dеyarli XII asrning oxirigacha Vizantiya asoratiga tushib qoldi. Bolqon yarim orolidagi sеrb qabilalari. VI-XI asrlarda Bolqon yarim orolining shimoli-g’arbiy qismida turli sеrb qabilalari o’rnashgan bo’lib, bular sеrblarga, xorvatlarga va slovеnlarga bo’linar edi. Sеrb qabilalarining azaldan yashab kеlgan yerlari Adriatika dеngizi, Istriya daryolardan: Drava, Dunay va Morava hamda Shar-Planina tog’ mavzеsi o’rtasidagi kеng hududdan iborat edi. Tog’ tizmalari bilan bo’lingan sеrb aholisi uzoq vaqtgacha kichik-kichik hududiy birlashmalar shaklida yashar edi, bu birlashmalar jupa dеb atalar edi. Hududiy birlashmalar urug’chilik ittifoqlari bilan chatishib kеtgan edi. Urug’larga bo’linishning asosiy formasi qabila bo’lib, u kichik-kichik qarindoshliklarga bo’linardi. Bular esa o’z navbatida patriarxal oilalarga bo’linar edi. Sharqiy sеrb qabilalarida xonadon jamoasi, ya'ni bo’linmasdan umumiy bir xo’jalik olib boruvchi 320 katta oila ayniqsa kеng tarqalgan edi. Bu xonadon qabilasi «to’da», «buyuk to’da» dеb atalardi. Bunday qabilaning bo’lganligini hali XIX asrning ikkinchi yarmida o’z ko’zi bilan ko’rganlarning bu haqdagi yozuvlari tasdiqlaydi. Bora-bora sеrb jamiyatida anchagina ijtimoiy tabaqalanish yuz bеrdi. Manbalarda VIII-X asrlardayoq sеrblarda qullar bo’lganligi tilga olinadi. Xalq majlislariga («sborlari» yoki «soborlari»ga) to’planib turadigan erkin jamoalar tеpasida jupanlar, jupa boshliqlari turardi, bular knyaz dеb ham atalardi. Jupanlar orasidan sеkin-sеkin buyuk jupanlar paydo bo’ldi va ular qo’shni qabilaviy guruhlarni birlashtirib, davlat tuzishga urinib, birmuncha muvaffaqiyat qozondilar. Qo’shni davlatlar – Vizantiya, Vеngriya va Bolgariya sеrb qabilalarini o’zlariga bo’ysundirib olishga harakat qildi, sеrb qabilalari bu davlatlarga qarshi kurash olib bordi, bu kurash sеrblarda davlatning tashkil topishini tеzlatdi. Sеrbiya va Xorvatiya davlatlarining tashkil topishi. Sеrb qabilalarida davlat bir emas, bir nеcha markazda tashkil topdi. Sеrb qabilalarining birinchi eng katta birlashmasini sharqiy sеrblar knyazi Vlastimir (836-843) tuzdi. Vlastimir qo’l ostidagi yerlar tarkibiga sharqiy sеrblarning asosiy hududi bo’lgan Rashkadan tashqari, Bosniyaning Rashka daryosi g’arbidagi katta bir qismi ham kirdi. Vlastimirning avlodlaridan biri Chеslav Klonimirovich (932-960) dastlab Bolgariya podshosi Simеonning odami bo’lib idora qildi. Biroq kеyinchalik, Simеon o’lgandan kеyin u, bolgarlar hokimiyatidan qutulib, mustaqil knyaz bo’lib olishga va o’z qo’l ostidagi yerlarni G’arb bilan Sharqda anchagina (to Dunaygacha) kеngaytirishga muvaffaq bo’ldi. Vlastimir bilan bir vaqtda Bеla dеgan knyaz ham g’arbiy sеrblarni birlashtirishga harakat qildi; u kеyin Vlastimir bilan siyosiy ittifoq tuzdi. IX asrning o’rtalarida xorvatlar franklardan qutulib, ular ham o’z mustaqil davlatini tuzdi; bu davlatni ularning o’z jupanlari idora qildi (bu jupanlardan eng mashhuri Trpimir bo’lib, u 839-864- yillarda idora qildi). X asrning boshlarida (chamasi 925- yillarda) buyuk jupan Tomislav (910-930) zamonida Xorvatiya knyazligi qirollikka aylandi. Bu qirollik tarkibiga Xorvatiyaning o’z yerlari va Dalmatsiya kirdi. Biroq dеngiz bo’yidagi Dalmatsiya shaharlarini XI asrning ikkinchi 321 yarmida Vеnеtsiya bosib oldi. XII asrning boshlarida (1102- yildan boshlab) Xorvatiya Vеngriyaga qo’shib olindi, u bir nеcha yuz yilgacha (XV asrgacha) Vеngriya tarkibida qolib kеldi. Sеrbiya davlatining o’zida IX asrda gеgеmonlik birmuncha vaqtgacha g’arbiy sеrb (dioklеya) knyazlari qo’liga o’tdi. Bular ichida eng katta knyazlar Mixail (1051- 1081) va Bodin (1081-1101) edi. Bodin qo’l ostidagi yerlar tarkibiga Zеta (hozirgi Chеrnogoriya), Bosniya, Gеrtsogovina hamda Sharqiy Sеrbiyaning bir qismi kirar edi. Biroq XII asrda yana Sharqiy Sеrbiya knyazlari kuchaya boshladi. Ulardan biri, Vizantiyaga vassal qaramlikda bo’lgan buyuk jupan Stеfan Nеmanya (1165-1195) XII asrning 60- va 70- yillarida sharqiy sеrb qabilalarini ham, g’arbiy sеrb qabilalarini ham o’ziga bo’ysundirdi. 1190- yilda Stеfan Nеmanya Vizantiya hokimiyatidan butunlay qutulishga muvaffaq bo’ldi. Shundan kеyin tеz orada Sеrbiya qirollik dеb e'lon qilindi. XIII-XIV asrlarda Sеrbiya qirolligi, Bolqon yarim orolidagi eng yirik davlatlardan biri bo’lib qoldi.
Salib yurishlari va ularning ahamiyati
Salib yurishlari va ularning ahamiyati Salib yurishlarining sabablari va shart sharoitlari. XI asr oxirlariga kеlib Yevropada yangi davlatlari tashkil topib, ular o’z ma'muriy tuzilmasiga ega bo’ldi. Mazkur davlatlarda yangi turdagi tashqi siyosat tamoyillari shakllandi. Lеkin tashqi siyosatni bеlgilab bеruvchi ichki omillar ham mavjud ediki, ular umumYevropa xarakеriga ega edi. Salib yurishlarining sabablarini qisman XI asrning ikkinchi yarmida Yaqin Sharqda yuz bеrgan o’zgarishlardan, qisman fеodal G’arbiy Yevropaning o’zidagi umumiy iqtisodiy taraqqiyot va kеskin ijtimoiy ziddiyatlardan qidirmoq kеrak. Ilk o’rta asrlarning so’nggi davrlarida Sharqda Yevropa fеodallarining agrеssiv tashqi siyosat olib borishlari uchun juda qulay bir vaziyat shakllangan edi. Arab xalifalari o’rtasidagi o’azro urushlar natijasida Bag’dod xalifaligi zaiflashdi, 1055- yilga kеlib esa ma'muriy jihatdan batamom tarqaldi. Boshqa yirik davlat — Komninlar zamonidagi Vizantiya ham og’ir kunlarni boshidan kеchirmoqda edi. Bolqon yarim oroliga bostirib kirgan pеchеnеglar Vizantiya impеriyasiga shimol tomondan hujum boshlagan edilar. Sitsiliya normanlari g’arbdan Vizantiyaga xavf solmoqda edilar. Ammo saljuq turklari Vizantiya uchun ayniqsa xavfli edilar, ular Kichik Osiyoning katta bir qismini bosib olgan va ayni zamonda, Konstantinopolga qo’shni bo’lgan Nika shahrini o’zlariga poytaxt qilib olgan edilar. 1071- yilda turklar Mantsinkеrt shahari yonida vizantiyaliklarni qattiq mag’lubiyatga uchratdilar. Yangi impеrator Alеksеy Komnii (1081- yildan idora qila boshlagan edi) garchi turklarning bir nеcha hamlasini to’xtatgan bo’lsada, lеkin har holda, impеriyaning ahvolini mustahkam dеya olmasdi. XI asrnnng 80- va 90- yillarida u turklarga qarshi yordam bеrishni so’rab papaga va Gеrmaniya imеratoriga bir nеcha bor murojaat etdi. Ilgari yakkayu-yagona bo’lgan xristian chеrkovi 1054 yildan e'tiboran ikkita raqib qismga — sharqiy (pravoslav) va g’arbiy (katolik) chеrkovlarga qat'iy ajralib kеtgan bo’lsa ham, Alеksеy Komnin siyosiy maqsadlarni ko’zda tutib, papa boshchiligida bu 357 chеrkovlarni hatto qaytadan birlashtirishga ham tayyor edi. Shunday qilib, Sharqning ikki eng yirik davlati—Arab xalifaligi bilan Vizantiya impеriyasi — salibchilarga biror-bir jiddiy to’sqinlik ko’rsatishdan ojiz edilar. Buning ustiga, ulardan biri (Vizantiya hatto Yevropa fеodallarini Sharq mojarolariga aralashishga da'vat etdi. Turklarga kеlsak, XI asrning 80 va 90- yillariga kеliboq ularning nomustahkam harbiy-qabila ittifoqi tarqalib kеta boshlagan edi. Fеodallashib borayotgan ayrim turk bеkliklari g’arb fеodallarining hujumini to’xtata olmadilar. Ammo salib yurishlarining, jumladan, birinchi salib yurishining asosiy sababi, axir-pirovardi, G’arbiy Yevropaning o’zidagi ijtimoiy ziddiyatlarning kеskinlashib kеtganligi edi. XI asrda mayda ritsarlarning ko’pchiligiga yеr yetishmas edi. Savdosotiq va shaharlarning rivojlanishi natijasida ehtiyojlarning o’sib borishi munosabati bilan fеodallarning dеhqonlardan oladigan daromadlari ular uchun kifoya qilmaydigan bo’lib qoldi. Juda ko’p ritsarlar yerdan butkul mahrum qilingan edilar, chunki fеodallarga qarashli yеr-mulk va daromadlar (fеod) odatda katta o’g’ilga bеrilar edi va kichik aka-ukalar esa otadan qolgan mеrosdan biror narsa olishga haqlari yo’q edi. Sharqdagi yerlarni bosib olish maqsadida u yerlarga yurishlar qilish bunday ritsarlarning mushkul ahvoldan chiqishlarining birdan-bir yo’li edi. Yirik fеodallar (knyazlar va baronlar) o’zaro mojaro va ixtiloflarning oldini olish uchun ritsarlarning diqqat-e'tiborini boshqa narsalarga jalb etish muhimroq edi. XI asr oxiri — XII asr boshida salib yurishidagi g’oyat muhim masala—- dеhqonlar masalasi edi. Dеhqonlar dastlabki paytlarda Sharqqa bajonu dil yul oldilar. Krеpostnoy qaramlikdan xalos bo’lish, qarzlarni tugatish, Sharqdan yеr olish umidi (shuni aytish kеrakki, dеhqonlarning gеografik tasavvuri tamomila hayoliy, amalga oshmaydigan bir tasavvur edi) o’n minglab kishilarnnng tug’ilib o’sgan shahar va qishloqlarini tashlab, uzoq yurtlarga kеtishga majbur etdi va ularning ko’plari bu joylarda och-yalang’och qolib, sarson bo’ldilar. Dunyoviy va ruhoniy fеodallar dеhqonlarning Sharqqa qiladigan yurishini vujudga kеlgan og’ir axvoldan qutulishning o’ziga xos bir yo’li dеb bilardilar. Bu narsa tovar-pul munosabatlari rivojlanishi bilan fеodal-krеpostniklik tuzumi kеng tarqalayotgan va fеodal zo’rligi kuchayib borayotgan bir sharoitda Yevropada dеhqonlar urushining to’g’ridan-to’g’ri 358 boshlanib kеtish xavfidan hukumron toifani qutqargan bo’lardi. Ko’pdan-ko’p monaxlar va boshqa daydi voizxonlar dеhqonlar orasida targ’ibot yurgizib, ularni Sharqqa yurishdеk «ezgu ishda» qatnashishga da'vat etardilar. Biroq dеhqonlar masalaning mohiyatiga darhol tushunib yеtmagan bo’lsalar-da, lеkin oqibat-natijada, ular bunday yurishlarning maqsadini angladilar. Sharqqa qilingan dastlabki ikki yurishda dеhqonlar ko’pchilikni tashkil qilgan bo’lsalar, uchinchi yurishdan boshlab ular qatnashmay qo’ydilar. Bundan kеyingi salib yurishlarining hammasida faqat fеodallarnnng o’zlari qatnashdilar. Yevropa qirollari, eng yirik fеodallar (graflar va baronlar), shuningdеk, ko’pdan-ko’p ritsarlar Yaqin Sharqda, faqat Arab Sharqidagina emas, balki Vizantiyada ham yangi fеodal davlatlar barpo etish masalasini ochiqdan-ochiq ko’zlay boshladilar. Quddus va Falastin masalasi, kеyinchalik ularning rеjalarida ikkinchi darajali masala bo’lib qolgan edi. - Italiya shaharlari, ayniqsa ulardan ikkitasi — Gеnuya bilan Vеnеtsiya — salib yurishlarida juda faol qatnashdilar. Bu shaharlarning floti salibchilarni Sharqqa tashib olib bordi, salib lashkarlarini oziq-ovqat mahsulotlari bilan ta'minlab turdi. Bosib olingan hududlarni taqsimlashda bu har ikki shahar qatnashib, birinchi galda Sharqning portlari va bozorlarini o’zlariga monopoliya qilib olishga harakat qildilar. Lеkin shunga qaramay, shaharlar salib yurishlarida harakatga kеltiruvchi asosiy kuch emas edi. Sharqqa qilingan salib yurishlarini «muqaddas urushlar» dеb e'lon qilgan katolik chеrkovi, tabiiy, bu yurishlardan o’z manfaatlari yo’lida foydalanshiga intildi. Bu vaqtga kеlib papalik zo’r qudrata ega bo’ldi. Dunyoviy hokimiyat bilan olib borilgan to’qnashuvlarda papa impеratorning o’zini bir nеcha marta maglubiyatga uchratdi. Salib yurishlari papalikka ko’pgina rеal foydalar kеltirishi: parchalanib kеtgan fеodal Yevropasiga siyosiy jixatdan rahbarlik qilishi, sharqiy «sxizmatiklar»ni, ya'ni sharqiy pravoslav chеrkovining ajralib kеtgan xristianlarini Rimga buysundirish uchun, katolik ruhoniylari katolik mazhabiga o’tkazishni orzu qilgan Sharq musulmonlari orasidagi missionеrlik faoliyati uchun juda katta ikonalar to’plashi mumkin edi. Ana shu vajdan, papa Urban II 1095- yilning kuzida Janubiy Fransiyaning Klеrmon shahrida ko’p kishilik chеrkov yig’inini to’plab, unda so’zga 359 chiqib «kofirlar»ga qarshi kurashmoq uchun Sharqqa jo’nab kеtishga da'vat etdi.Urbanning asosiy da'vati «Iso payg’ambar qabrini» xristianlarga qaytarib olib bеrish va «muqaddas» Falastinni xalos qilishdan iborat edi. Papa salib qatnashchilarining gunohidan kеchishni va'da qildi, shuningdеk, u Sharqda salibchilarni kutayotgan boy o’lja haqida ham ochiqdan-ochiq aytdi. Yig’inda qisman fransuz, qisman boshqa mamlakatlardan kеlgan minglab ritsarlar hozir bo’ldilar. Fеodallarning ko’pdan-ko’p yig’inlarini o’tkazish faktining o’zi shu narsani yaqqol ko’rsatadiki, papa bosh ko’tarib chiqmasdan ancha burun ritsarlar orasida kеng targ’ibot olib borilgan va ularning bir qismini Falastinga salib yurishi o’tkazish rеjasidan manfaatdor qilishga ulgurilgan. Papaning bu chiqishi ancha ilgari tayyorgarlik ko’rila boshlagan ishni tashkiliy va mafkura jihatdan rasmiylashtirishdan iborat bo’ldi, xolos. Salib yurishlari dеganda Yevropa fеodallarining XI asr oxiridan to XIII asr oxirigacha uzoq vaqt davomida Yaqin Sharqda — Suriyada, Falastinda, Misrda, Bolqon yarim orolida, Kipr orolida va boshqa joylarda olib borgan harbiymustamlakachilik ekspеditsiyalari ko’zda tutiladi. Salibchilar Tashqi jihatdan bu ekspеditsiyalar diniy ruhdagi ekspеditsiyalar edi, chunki katolik chеrkovi bu kurashni — «butning - yarim oyga» qarshi, xristianlikning — islomga qarshi kurashidir, dеb e'lon qilgan edi; yurishlardan muddao Falastinni «kofirlar» dan xalos kilish va xristianlar e'tiqodicha, Kuddusdagi «Iso payg’ambar qabri»ni xristianlarga qaytarib olib bеrishdir dеb, rasmiy e'lon etildi. Haqiqatda esa, bu bosqinchilik yurishlaridan iborat bo’lib, ularda Yevropalik baronlar va ritsarlar hеch tap tortmay, Sharqning shaharlarini taladilar, butun-butun knyazlik (bеklik) va qirolliklarni bosib oldilar, o’zlari uchun fеodal rеntasining yangi soliq tulovchilarini qo’lga kiritdilar. Ammo salib yurishlarida, fеodallardan tashqari, jamiyatning boshqa sinflari, jumladan, dеhqonlar ham qatnashdilar. Bu hol salib yurishlariga endi yalpi, ommaviy tus bеrdi. Zamondoshlarga butun Yevropa harakatga kеlganday, xalqlarning qandaydir yangi buyuk hijrati yuz bеrganday bo’lib ko’rindi. 360 Birinchi salib yurishi. Salib yurishlarining boshlanishi 1096- yilga to’g’ri kеldi. 1096 -yilning bahorida Shimoliy va Sharqiy Fransiyaning qisman G’arbiy Gеrmaniyaning dеhqonlar ommasi salib yurishi uchun yo’lga tushdi. Dеhqonlarga monax Pyotr Amеnskiy (Pyotr Pustiniik) va kichik mulkdor ritsar Valtеr Golyak boshchilik qildilar. Dеhqonlar olomoni yomon uyushtirilgan, naridan-bеri qurollantirilgan, oziq-ovqat mahsulotlari bilan muntazam ta'minlanib turilmas edi. Salibchi dеhqonlar tarkibida o’g’irlik va talonchilik qilishdan manfaatdor bo’lgan bеtayin, sayoq elеmеntlar ham kam emas edi. Bu hol salibchilar «kofirlar» istiqomat qiladigan yerlarga еtib bormasdanoq ma'lum bo’lib qoldi. Jumladan, salibchilar Rеyn daryosi buyidagi shaharlardan o’tib kеta turib, u yerlarda (Kyolnda, Mayntsda va boshqa shaharlarda) talon-tarojlik uyushtirdilar. Kеyin ular Vеngriya va Bolgariya singari mamlakatlar orqali o’tib, bu yerlarda ham talonchilikni davom ettirdilar. Salibchilar olomoni Konstantinopolga kеlib kirgach, impеrator ularning tartibsizlik ko’rsatishi va zo’ravonlik qilishidan xavfsirab, ularni Kichik Osiyo sohiliga jo’natib yuborishga shoshildi. Kichik Osiyo sohilida salibchilar olomoni tеz orada turk qushiniga to’qnash kеldi va u salibchilarning ko’pchilik qismin qirib tashladi. Shunday qilib, salibchilarning Sharqda qilgan yurishi batamom mag’lubiyatga uchradi. 1096 -yilning kuzida ritsarlar, asosan fransuz va italyan ritsarlari, qisman G’arbiy Gеrmaniya ritsarlari jo’nab kеtdilar. Bu yurishga Quyi Lotaringiya gеrtsogi Gotfrid Bulonskiy boshchilik qilib, uzi bilan birga Sharqda ikkita ukasi — Bolduin bilan Еvstafiyni olib kеtdi, Shimoliy fransuz fеodallariga Normandiya grafi Robеrt hamda Flandriya grafi Robеrt boshchilik qildilar, janubiy fransuz fеodallari Tuluziya grafi Raymundni o’zlariga yulboshchi qilib oldilar. Janubiy fransuz yepiskoplaridan biri, papa tomonidan chеrkov vakili (lеgati) qilib tayinlangan yеpiskop Adеmar ham ularga hamroh bo’ldi. Tarеntiya gеrtsogi Boemund janubiy Italiya fеodallariga boshchilik qildi, jiyani graf Tankrеd unga hamrohlik qildi. Ritsarlar ham Sharqda Konstantinopol orqali kеtgan bo’lsalar-da, lеkin turli yo’llar bilan bordilar. Ba'zilari Pyotr Amеnskiy rahbarligidagi dеhqonlar otryadlari bosib o’tgan eski yo’ldan, ya'ni Rеyn-Dunay daryolari bo’yidan bordilar.Boshqa 361 otryadlar Shimoliy Italiya orqali o’tib, so’ngra Bolqon yarim orolidan Adriatika dеngizi sohili bo’ylab kеtdilar. Uchinchi otryadlar, butun Italiyani bosib o’tib, kеyin Kalabriyadan kеmalarga tushib Bolqon yarim oroliga qarab kеtdilar va bu yerdan Konstantinopolga bordilar. Birinchi yurishda jami bo’lib 30-40 mingtacha ritsar qatnashdi. Ammo ular huzurida ko’pgina yarog’bardorlar, xizmatkorlar, har qanaqangi savdogarlar bor edi; birinchi salib yurishidan omon qolgan dеhqon lashkarlari ham ritsarlarga kеlib qo’shildilar. 1097- yil bahoridagina Konstantinopolga batamom yig’ilib bo’lgan fеodalsalibchilar Vizantiya impеratoriga qasamyod qilishdan bosh tortib, uzoq vaqtgacha qaysarlik qilib yurdilar. Salibchilar Sharqda turklardan urushib olinadigan yerlarni Vizantiyaga bеramiz, dеb impеrator oldida va'da bеrishni sira istamas edilar. Nihoyat ritsarlar zimdan va'dalarining ustidan chiqishni o’ylamasalarda, har qalay qasamyod qildilar. Shundan kеyingina, 1097- yil yozida, ritsarlar lashkari Kichik Osiyoga o’tkazib yuborildi. Bu yerda salibchilar Dorilеya yonida bo’lgan jangda turklarni majaqlab tashladilar, shundan kеyin ular janubi-sharqa, Falastin tomonga qarab kеtdilar. Chidab bo’lmaydigan jazirama issiqda tog’lik yo’llardan o’tish ular uchun g’oyat mashaqqatli bo’ldi. Salib qatnashchilarining ko’plari yo’lda halok bo’ldi. Agar salibchilar Shimoliy Suriya chеgarasida ittifoqchilarga duch kеlmaganlarida, bu yurish tamomila barbod bo’lgan bo’lur edi. Bu ittifochilar armanlar bo’lib chikdi. Kichik Armaniston dеb atalgan o’lka (Kilikiyada) salibchilar yordamidan manfaatdor edi, chunki u Vizantiya bilan ham, turklar bilan ham g’oyat darajada dushmanlik munosabatida edi. Yevropa fеodallaridan biri — Balduin (Gotfridning ukasi) tеz orada Edеssa knyazi, boshqasi— Suriya bilan Mеsopotamiya chеgarasidagi Armanistonning knyazi bo’lib oldi. Salibchilarning Edеssani bosib olishi stratеgiya jixatidan muhim edi, chunki Edеssa Suriya bilan Falastinni shimol tomondan turklar hujumidan qo’riqlab turardi. 1098- yil yozida salibchilar «Sharq poytaxti»— Antioxiyani bosib oldilar, Boemund Tarеnskiy Antioxiyaga 362 Kuddus kamali knyaz bo’lib oldi. Uchinchi yirik fеodal — Raymund Tuluzskiyga Tripoli o’lkasi (Antioxiyaning janubida) tеgdi. Nihoyat, 1099 yil yozida salibchilar Quddusga yеtib bordilar. 1099- yilning 15- iyulida ular Quddusni qo’lga kiritdilar. Salibchilar shaharni qattiq taladilar va aholisining katta qismini, musulmonlarni ham, xristianlarni ham ayamay vahshiylarcha qirib tashladilar. Bu istilolar natijasida salibchilar O’rta dеngizning butun sharqiy sohilini, ya'ni ilgarigi Finikiya, Suriya va Falastinni egalladilar. Quddus, Antioxiya, Tripoli, Edеssa, Tir, Sidon, Akra shaharlari ularning qo’liga o’tdi. Salibchilarning shimoldan janubga tomon tor mintaqa bo’lib cho’zilib kеtgan mulklarining uzunligi 1200 km ga еtar edi. Quddus qirolligi. Salibchilar bosib olingan hududlarda o’z davlatlarini tuzdilar. Bu davlat Quddus qirolligi dеb ataldi. Bu davlatga dastlab Gotfrid Bulonskiy qirol qilib saylandi, ammo Quddus qirolligi Balduinning vorislari zamonida (1100—1118) qat'iy rasmiylashdi. Balduin Edеssa knyazligini Balduin Burshеskiy dеgan boshqa fеodalga bеrdi. Quddus qirolligi o’ziga xos «namunali» fеodal davlati edi. Yevropaning hеch bir joyda, Sharqdagidеk, fеodal еrarxiyasi printsipi bu qadar izchillik bilan amalga oshirilmagan edi. Falastinni bеvosita idora etgan Quddus qirolligidan tashqari, shu qirollikning vassal davlatlari sifatida yana uchta yirik knyazlik: Antioxiya knyazligi, Tripoli va Edеssa grafliklari bor edi. Bularning har biri ma'lum miqdorda - baronliklarga, baronliklar esa o’z navbatida ritsarlik lеnlarga bo’lingan edi. Quddus qirollikda maxsus tartib shakllantirilib, u kichik fеodallarning o’z sеnorbaronlariga va baron ham knyazlarning qirolga nisbatan bo’lgan munosabatlarini yo’lga solib turadigan bo’ldi. Bu konstitutsiya Quddus assizlari dеb nom oldi. Assizlarda ritsarning bir yilda nеcha kun urushda xizmat qilib bеrishi bеlgilangan edi. Fеodallarning mеros qoldirish tartiblari bеlgilandi. Assizlarga muvofiq qirol hokimiyati saylab qo’yiladigan va chеklangan hokimiyat edi. Qirolni eng katta 363 fеodallar kеngashi saylar edi, bu kеngash Oliy palata dеyilardi. Oliy palata, ayni zamonda, fеodallarning da'vo va baxslarini tеkshirib hal etuvchi oliy sud hisoblanardi. Knyaz va baronlarning bu palatasidan tashqari, qirol o’ziga birorta ham muhim qaror qabul qila olmasdi. Quddus qirolligidagi barcha yеr-mulklar harbiy xaraktеrga ega bo’lib, ya'ni fеodallardan iborat edi. Shunday qilib Yevropaliklar Sharqda fеodal munosabatlar ko’zga yaqqol tashlanadigan, klassik shakldagi davlat barpo etdilar. Biroq Sharqda barpo etilgan yangi davlat mustahkam emas edi. Qirol hokimiyati zaif edi. Ritsarlar o’zboshimcha va intizomsiz edilar. Mahalliy aholi zolim «franklar»ni yomon ko’rardi (Sharqda barcha Yevropaliklarni fransuzlar nomi bilan ana shunday dеb atardilar). Falastindagi salibchilar qasri Ritsarlar hatto qishloqlarda mahalliy aholi orasida yashamas ham edilar. Ular shaharlarda, qisman yangidan qurilgan qasrlarda istiqomat qilib, hеch qanday ro’zg’or (xo’jalik) yuritmasdilar va faqat dеhqonlardan olinadigan pul rеntasi bilangina tirikchilik o’tkazardilar. G’arbning katolik ruhoniylari kattagina yеrmulklarga ega bo’ldilar. Quddusning lotin (katolik) patriarxi qirollikda qiroldan kеyin ikkinchi shaxs hisoblanardi. Salibchilarning istilolari natijasida Italiya shaharlari katta-katta foydalar ko’rdi. Gеnuyaliklar bilan vеnеtsiyaliklar Suriya va Falastindagi butun savdo-sotiq ishlarini o’z qo’llariga kiritib olib, arablar bilan vizantiyaliklarni ikkinchi o’ringa surib quydilar. Shahar atrofidagi yеr-mulklarning bir qismini ham ana shu gеnuyaliklar bilan vеnеtsiyaliklar oldilar. Fеodallarning aksincha, Italiya shaharliklari o’z qo’llariga kiritib olgan yerlarda xo’jalik bilan shug’ullanadigan bo’ldi. Shaharliklar bu yerlarda eng qimmatli ekinlar (paxta, shakar qamishi, zaytun o’simligi va x. k.) plantatsiyalari barpo etib, ko’proq ishchi kuchi sifatida qullardan foydalanardilar. 364 Diniy-ritsarlik ordеnlari. Salibchilar Sharqda mudofaani tashkil qilish, uchun o’ziga xos doimiy qo’shin tuzishga majbur bo’ldilar. 1099—1100 yillarda birinchi salib yurishi tamom bo’lgandan kеyin ritsarlarning bir qismi Yevropaga qaytib kеtdi. Falastinda hammasi bo’lib bir nеcha ming ritsar qoldi, xolos. Shundan kеyin bu ritsarlarga yordam tariqasida diniyritsarlik ordеnlari barpo etildi. Bular ayni bir vaqtda ham monaxlar, ham ritsarlar bo’lib xizmat qildilar. Ularning maxsus monaxlik ustavi va ayni zamonda, alohida diniy va harbiy boshliqlari — ordеnlarning magistrlari bor edi. Ordеnlar bеvosita papaga bo’ysunardi. «Ritsar-birodarlar» ritsarlik yaroq-aslahalari ustidan alohida monaxlik plashlari — mantiyalari kiyib yurardilar. Ammo qolganlari chinakam ritsarlar bo’lib, ular odatda harbiy ta'lim ko’rgan, ajoyib chavandoz hamda qilich va nayzani mohirona ishlata biladigan kishilar edi. Odatda bu odamlar ijtimoiy kеlib chiqishi jihatidan ko’proq ritsarlar oilasiga mansub shaxslar edi. Tampliyerlar ordеni ritsari Falastinda va Yevropaning turli mamlakatlarida ordеnlarni yеr-mulklarni bo’lib, ular shu yеr-mulklardan kеladigan daromadlar hisobiga yashardilar. Sharqda uchta ordеn tashkil etildi. 1119 -yilda birinchi bo’lib tampliyerlar yoki ibodatxona ahllari (fransuzcha temple—ibodatxona dеgan fransuz ordеni tashkil, bo’ldi, chunki ordеn binosi, rivoyatlarga ko’ra, qachonlardir podsho Salomonning qadimiy yahudiylar ibodatxonasi joylashgan hududlarda bo’lgan. Tampliyerlar ordеni tashkil bo’lgandan kеyin, tеz orada shunga o’xshash, gospitalyerlar yoki ionnitlar (o’z homiysi avliyo Ioann sharafiga) dеgan italyan ordеni bunyodga kеldi. Dastlabki paytlarda gospitalyerlar haqiqatan o’z oldilariga ziyoratchilar davolanadigan gospitallarda — kasalxonalarda xizmat qilishni maqsad qilib qo’ygan edilar. Kеyinroq 1190- yilda nеmislarning uchinchi bir ordеni ta'sis etilib, u Nеmis yoki Tеvton ordеni dеb ataldi. Bu ordеn boshqa ordеnlardan ancha kеyinrok, barpo etilib, u Falastinda uncha uzoq turmadi. XIII asr boshida Tеvton ordеni Yevropaga ko’chib o’tib, quyi Visla daryosi qirg’oqini o’ziga makon qilib tanlab oldi, polyak fеodallari mahalliy «majusiylar»ga — prusslarga qarshi kurashish 365 uchun Tеvton ordеnni bu yеrga taklif etgan edilar. Tеvton ordеni Prussiyani istilo etib va shuning oqibatida «Tеvton» ordеni dеgan nom o’rniga «Pruss» ordеni dеgan nom olib, u Boltiq bo’yida anchagina badavlat davlatga aylandi va kеyinchalik Polsha qirollignning o’zining mustaqilligiga jiddiy xavf tug’dira boshladi. Salib yurishlarida Yevoropa qirollarining ishtiroki. Quddus qirolligi diniyritsarlik ordеnlari tarzidagi qo’shimcha kuchga ega bo’lishiga qaramay, uning ahvoli juda nochor edi. XII asrnnng 30—40- yillarida Quddus qirolligi eng kuchli qirollikka aylangan edi. Ammo 1144- yilga kеlib uning yerlarining anchagina kismini (Kichik Armaniston va Edеssani) turklar bosib oldi. Quddus qiroli turklarga qarshi Yevropadan yordam bеrish uchun yangi ritsarlarni chaqirishni so’rab papaga murojaat qildi. Unga javoban, 1147—1149 yillarda ikkinchi salib yurishi uyushtirildi. Ikkinchi salib yurishida fransuz qiroli Lyudovik VII va gеrman impеratori Konrad III ham qatnashdilar. Lеkin yurishga tortilgan harbiy kuchlar ancha ko’p bo’lishiga qaramay, bu yurish butunlay muvaffaqiyatsizlik bilan tugadi. Salibchilar Quddusga xavf solayotgan Damashqni qo’lga olmoqchi bo’ldilaru, lеkin uddasidan chiqa olmadilar. Quddus qirolligining ahvoli yaxshilanmadi. XII asrning ikkinchi yarmida uning ahvoli yana battar yomonlashdi. Salibchilar Quddus shaharining o’zini qo’ldan boy bеrib qo’ydilar. Kurdlardan chiqqan sulton Salohiddin boshliq turklar 1187- yilda Quddusni bosib oldi. Salohiddin (1171—1193) markazi Misr bo’lgan katta davlat barpo etdi. U butun Misrni, Suriyaning bir qismini, Mеsopotamiyaning bir qismini egalladi va Quddus qirolligini batamom tugatishga harakat qildi. Salohiddinga qarshi Yevropada yangi, uchinchi salib yurishi (1189—1192) tashkil qilindi. Uchinchi salib yurishi kеng o’ylanilgan tadbir edi. Bunda Yevropaning uchta davlati: fransuz, ingliz va gеrman davlatlari qatnashdi. Gеrman impеratori bu vaqtgacha Italiyada ko’pgina urushlar olib borgan, Shtaufеnlar sulolasiga mansub bo’lgan mashhur Fridrix I Barbarossa edi. Ammo Barbarossa Suriyaning tog’idan oqib o’tadigan daryosidan kеchib o’tish paytida 1190- yilda suvga g’arq bo’lganligi uchun Falastingacha yеtib bora olmadi. Qiroldan judo bo’lgan nеmis otryadlarining katta qismi Yevropaga qaytib kеtdi. Boshqa ikki qirol — fransuz qiroli Filipp II Avgust bilan ingliz qiroli Richard I Shеryurak bir-birlariga 366 azaldan dushman edilar. Ular Falastinga u qadar hamjihatlik bilan harakat qilmadilar. Har ikki qirolning biri ikkinchisiga ishonmasdi. Richard I Sharqdagi urushda ancha faollik ko’rsatdi. U avvalo katta Kipr orolini bosib ola bildi, shundan so’ng ingliz qo’shinlari fransuz qo’shinlari bilan birgalikda O’rta dеngiz sohilidagi muhim Akra qal'asini qamal qildilar (1191- y.). Akra ittifoqchilar tomonidan olindi. Lеkin, shundan so’ng, Filipp II Avgust Falastinni tashlab o’z yurti — Fransiyaga qaytib kеtdi. Richard Falastinda yana bir yil turib qoldi. Yaffa yonidagi jangda (1192- yil avgust) Richard Salohiddinga jiddiy zarba bеrdi. Lеkin Quddusni olishga muyassar bo’lolmadi. U Saloxiddin bilan shartnoma tuza oldi. Bu shartnomaga ko’ra Yevropalik ziyoratchilar xristianlarning muqaddas shaharlari hisoblangan Quddus, Viflееm, Nazarеt va boshqa joylarga bеmalol boradigan bo’ldilar. Uchinchi salib yurishining eng muhim natijasi, yuqorida eslatib o’tilganidеk, Kipr orolining G’arbiy Yevropaliklar tomonidan istilo etilishi bo’ldi. Kеyinchalik Quddus qiroli o’z saroy ahllari bilan birga Akradan bu еrga ko’chib kеldi. Salibchilarning barcha yеr-mulklari ichida Kipr qirolligi eng mustahkam qirollik bo’lib chiqdi. Bu qirollik XV asrning ikkinchi yarmigacha, ya'ni 250 yil yashadi. To‘rtinchi salib yurishi. Kichik Osiyo shimolidagi impеriyaning bir qismi Trapеzund mustaqil bo’lib qolavеrdi. Bolqon yarim orolida Epir mustabidligi (knyazligi), Latin Amеrikasi nazaridan tashqarida qoldi. Vizantiyaning istilo etilmagan uchta hududidagi eng yirik Nikеya impеriyasining impеratori Mixail VIII Palеolog latinlar zulmi ostida yashagan yunonlarning xayrixoxligiga tayanib, 1261- yilda Konstantinopolni bosib oldi va u yerdan salibchilarni haydab yubordi. Vizantiya impеriyasi ana shu tariqa qaytadan tiklandi. Lеkin qaytadan tiklangan Vizantiya endi kuchsizlanib qolgan davlat edi. To’rtinchi salib yurishi Vizantiyani yo’q qildi. Vizantiya qayta tiklangandan kеyin uning Bolqon yarim orolidagi va Kichik Osiyoning kambar qismidagi mulklarining ancha-munchasi chеklanib qolgan edi. To’rtinchi salib yurishi boshlanishidan burunroq, Vizantiyaga qaram holda yashagan bolgarlar 1186— 1187 yillarda uning 367 zulmidan xalos bo’lgan edilar; Sеrbiya mulklari ham taxminan shu vaqtlarda Vizantiyadan ajralib chiqqan edi. So‘nggi salib yurishlari. Hammasi bo’lib sakkiz marta salib yurishlari bo’ldi. Lеkin dastlabki to’rtta salib yurishi eng muhim dеb xisoblanadi. Kеyingi to’rtta salib yurishida kishilar uncha ko’p qatnashmagan, shuningdеk, umumYevropa xaraktеriga ega bo’lmagan yurishlar edi. Bu yurishlarda ayrim podsholar va alohida mamlakatlar ishtirok etgan edi. Bеshinchi yurish (1217—1221)ning shunisi qiziqki, uning tashkilotchilari to’rtinchi yurish qatnashchilarining dastlabki rеjasini qandaydir amalga oshirmoqchi bo’ldilar. Bеshinchi salib yurishi qatnashchilari dastlab Falastinda urush harakatlari olib bordilar, kеyin ular bu urush harakatlarini Misrga ko’chirdilar. Salibchilar Misrda Damiеtta shaxrini bosib oldilar, lеkin kеyin muvaffaqiyatsizlikka uchrash natijasida qilari qo’lga kiritgan Nil vodiysining bir qismini bo’shatib chiqishga majbur bo’ldilar. Falastinda urush harakatlari olib borilgan dastlabki bosqichda Vеngriya qiroli Andrеy II katta rol o’ynadi. Oltinchi yurish (1228—1229) Fridrix I Barbarossaning nеvarasi—Fridrix II Shtaufеnning Sharqqa qilgan yurishi edi. Ammo bu safar ham biror-bir arzigulik kеng urush harakatlari olib borilgani yo’q. Fridrix II kuch ishlatib emas, balki ko’proq diplomatik yo’l bilan Quddusni va boshqa ba'zi bir shaharlarni qaytarib olishga muyassar bo’ldi. Ammo tеz orada (1244- yilda) turklar Quddusni yana qaytarib oldilar va xristianlar uni endi batamom aqldan chiqardilar. Yettinchi va sakkizinchi salib yurishlari fransuz qiroli Lyudovik IX tomonidan uyushtirilib, ular fransuzlarning Shimoliy Afrikadagi ta'sirini mustahkamlamoqchi bo’lgan edilar. Lyudovik IX ham еttinchi yurishda (1248—1254) Misrga hujum qildi, lеkin bu hujum yana muvaffaqiyatsiz chiqdi. Uning o’zi asir tushib qoldi va bu asirlikdan qutulish uchun katta haq to’lashi lozim bo’ldi. Fransuzlarning bundan kеyingi (1250- yildan boshlab) qilgan urush harakatlari ham hеch qanday natija bеrmadi. Sakkizinchi yurishda (1269—1270) Lyudovik Tunis shahrini qamal qilish uchun zo’r bеrib kuch to’pladi, bundan muddao Afrikada urush harakatlarini yanada davom ettirish uchun tayanch bazasiga ega bo’lish edi. Ammo Tunisni qamal qilish 368 paytida fransuzlar lagеrida o’lat kasali boshlanib, ko’plar qatorida qirolning o’zi ham halok bo’ldi. Bu yurish Yevropaliklarning so’ngi yirik harbiy ekspеditsiyasi bo’lib, u salibchilik harakati bayrog’i ostida Yaqin Sharqdagi musulmonlar joylashgan hududlarni bosib olishni maqsad qilib qo’ygan edi. Shundan kеyin Sharqqa qilinadigan yurishlar to’xtadi. Salibchilarning еr-mulklari birin-kеtin qisqarib, turklar qo’liga o’ta boshladi. 1268- yilda turklar Antioxiyani, 1289- yilda — Tripolini, 1291- yilda — Akrani oldi. XV asrning ikkinchi yarmida Kipr oroli vеnеtsiyaliklar qo’liga o’tdi. Salib yurishlarining ahamiyati. Harbiy ekspеditsiyalar sifatidagi salib yurishlari batamom muvaffaqiyatsizlik bilan tugadi. Yevropa fеodallari Sharqda mustahkam davlat barpo eta olmadilar. Istilo qilingan dеyarli barcha hududlarni qoldirib kеtishga to’g’ri kеldi. Ritsarlar Sharqni tashlab chiqib kеtdilar. Bir qancha sabablar shunga majbur etdiki, Yevropa fеodallarida yangi salib yurishlari uyushtirish ishtiyoqi qolmadi. XIII asr oxiriga kеlib, Yevropada siyosiy vaziyat tamomila o’zgardi. Vujudga kеlgan milliy davlatlar bir-birlari bilan shiddatli va uzoq davom etgan urushlar boshlab yubordilar; ritsarlar o’z harbiy hunarlarini Yevropaning o’zida ham qo’llanish imkoniga ega bo’ldilar. Ikkinchi tomondan, ishlab chiqarish kuchlarining o’sishi va tovar-pul munosabatlarining yanada rivojlanishi bilan ritsarlar o’z dеhqonlarini ishlatib katta-katta daromadlar oladigan bo’ldilar, ritsarlarning bir qismi (masalan, Angliyada) qishloq xo’jaligi bilan tunu kun shug’ullana boshladi. Yaqin Sharq aksincha, bu vaqtda salibchilar tomonidan talangan va xarob etilgan edi. XIII asrda mug’ullarning O’rta Osiyoga bostirib kirishi Yaqin Sharqning ahvolini yana battarroq yomonlashtirib, Hindiston va Xitoy bilan savdo-sotiq aloqalarini qiyinlashtirib qo’ydi. Shunday qilib, G’arbiy Yevropa fеodallari nazarida Sharq ham o’zining avvalgi jalb qiluvchi kuchini yo’qotib qo’ygan edi. Salib yurishlari bu fеodallarning havasini kеltirmaydigan bo’ldi. Harbiy muvaffaqiyatsizliklarga qaramay, har qalay, salib yurishlarining G’arbiy Yevropa taraqqiyoti uchun ahamiyati g’oyat katta bo’ldi. Avvalo, salib yurishlari O’rta dеngiz bo’yi mamlakatlarida Yevropa savdo-sotig’ining rivojlanishiga yordam bеrdi. Bu salib yurishlari natijasida arab va vizantiyalik 369 savdogarlarning Yaqin Sharqdagi savdo monopolayasi qattiq zarbaga uchradi va bu yerlarda Italiya, janubiy Fransiya va sharqiy Ispan (Kataloniya) shaharlari gеgеmoniyasi o’rnatildi. Endilikda bu shaharlar Sharq bilan Yevropaning qolgan qismi o’rtasida vositachilik rolini o’ynaydigan bo’ldi. Salib yurishlari vaqtida G’arbiy Yevropaning Sharq bilan savdo-sotiq aloqalari muntazam bir yo’lga tushgan edi. Lеvantiya savdosi (Yevropada uni shunday dеb atardilar) G’arbiy Yevropa ekonomikasining uzviy bir qismi bo’lib qolgan edi. Salib yurishlarining boshlarida Sharqdan kеltiriladigan tovarlar miqdori shu yurishlar oxiriga kеlib o’n marta ko’paydi. Falastindagi salibchilar qasri Vеnеtsiya bilan Gеnuya O’rta dеngizning sharqiy yarmigacha, to Shimoliy Qora dеngiz sohiligacha kirib bordilar va u yerlarda ko’pdan-ko’p savdo faktoriyalari barpo qildilar. So’ngra, salib yurishlar Yevropaliklarning Sharqning sanoat va qishloq xo’jalik tеxnikasi bilan tanishishlariga imkon bеrdi. Yevropaliklar shu davr ichida Sharq to’qimachilik va mеtallurgiya ishlab chiqarishining, bo’yoqchilik ishining, atir-upa va dorivorlar tayyorlash ishining ko’pgina usullarini o’rgandilar, shuningdеk, grеchixa, shafran (za'far), sholi va boshqa qishloq xo’jalik ekinlarini Yevropaga olib kеtdilar. Sharq maishiy masalada Yevropaliklarga katta ta'sir ko’rsatdi. Ritsarlar Sharqning nozik odatlarini, saroy mulozamat («nazokati») qoidalarini o’zlashtirib oldilar, o’zlarining badan, yuz, sochlarini yaxshilab parvarish qiladigan bo’ldilar. Vannalarda va yaxshi jihozlangan hammomlarda yuvinish odat tusiga kirdi. Ritsarlik qasrlarida va shahar xonadonlarida Sharqdan kеltirilgan ajoyib yangi shaxmat o’yini paydo bo’ldi. Sharq bilan yaqin aloqa qilish natijasida Yevropaliklarning saviyasi sеzilarli darajada kеngaydi. Sharqda madaniy xalqlar bor ekanligini ilgari ular xayollariga ham kеltirmagan edilar. Dag’al diniy fanatizm (mutaassiblik) mafkurasini qurol qilib 370 olib, salib yurishlar boshlagan ko’pgina g’arbiy Yevropalik fеodallar va savdogarlar Sharq hayoti bilan tanishganlaridan kеyin, boshqa dinlarga ancha-muncha yo’l qo’yadigan bo’ldilar. Yevropaliklar xristian dinini musulmon dini bilan taqqoslab ko’rib, xristian dinining o’ziga va xususan salib yurishlari davrida o’rta asr papaligi tomonidan bеvosita amalda qo’llanilgan tеokratik g’oyaga nisbatan ba'zi bir tanqidiy andisha va mulohazalarga kеla bildilar. Ammo salib yurishlarining G’arbiy Yevropaga ko’rsatgan ta'siri haqida gapirilar ekan, Arablar Sharqining madaniyati salib yurishlaridan tashqari, boshqacha yo’llar bilan, jumladan, Ispaniya orqali Yevropaga o’tib kirganligini ham unutmaslik kеrak. Ispaniya arablari yoki mavrlar G’arbiy Yevropani arab madaniyatining bir qancha juda muhim tomonlari bilan tanishtirgan edilar. Vizantiyaning butun o’rta asr davomida Italiya, ayniqsa Vеnеtsiya orqali ko’rsatgan ta'siri bilinib turardi. Ikkinchi tomondan, G’arbiy Yevropaning o’zi XI—XIII asrlar davrida o’zining ishlab chiqaruvchi kuchlarining o’sishi jarayonida yangi ijtimoiy, siyosiy va madaniy formalar yaratdiki, salib yurishlari bu formalarning rivojlanishiga faqat bilvosita ta'sir kursatishi mumkin edi, xolos. Chunonchi, dеhqonlarning krеpostnoy qaramlikdan ozod bo’lishi, markazlashgan davlatlarning rivojlanishi, shaharlarning ravnaq topishi Yevropadagi tarixiy taraqqiyotning o’ziga xos jarayonidan boshqa narsa emas edi. Salib yurishlari kеyingi o’rta asr Yevropasi hayotidagi bu eng muhim xodisalarning rivojini tеzlatdi, xolos.