Samarqand davlat tibbiyot universiteti buxoro davlat tibbiyot instituti
Yüklə 3,83 Mb. Pdf görüntüsü
|
- Bu səhifədəki naviqasiya:
- 24 – rasm. O’pka rezeksiyasi. a – qirrali rezeksiya, b – bilobektomiya, c – pulmonektomiya.
|
Gospital xirurgiyasi
65 Sahifa yashirin patologiyada jarrohlik amaliyoti o’tkazish masalasi individual hal qilinadi. Surunkali o’pka abstsessi O’pkada 2-3 oydan ko’proq vaqt mavjud bo’lgan nospetsifik yiringli bo’shliqning bo’lishi – o’pkaning surunkali abstsessi deyiladi. Surunkali abstsesslar paydo bo’lishiga o’pkasida o’tkir yiringli jarayonlari bo’lgan bemorlarni kasalxonaga kech yotqizish, muolaja jarayonining etarli bo’lmagani, uni statsionardan klinik jihatdan to’liq tuzalmasdan va rentgenologik tekshiruvsiz chiqarish sabab bo’ladi. Klinik manzarasi. Yiringli balg’am ajraladigan yo’tal, gipertermiya, o’rtacha ifodalangan intoksikatsiya simptomlari shular jumlasiga kiradi. Rentgenologik tekshiruvda ichki konturi aniq, nozikroq yallig’li gardishli va odatda ozroq suyuqlik sathi bo’lgan yumaloq bo’shliq ko’rinadi. Bronxografiyada bir yoki bir necha bronxlar bilan o’zaro bog’liq bo’lgan yumaloq bo’shliq aniqlanadi. Bronxoskopiyada yiringli chegaralangan endobronxit aniqlanadi. Davolash. Radikal operativ davolash – segmentektomiya, lobektomiya, pulmonektomiya (24 – rasm). Konservativ muolaja tamoyillari o’tkir jarayondagi davolash kabi, jarrohlik amaliyotiga tayyorgarlik sifatida yoki jarrohlik amaliyotiga monelik qiladigan ko’rsatmalar bo’lganda (jarayonning ikki tomonlamaligi, keksalik yoshi, qo’shilib kelgan patologiya borligi), mustaqil davolash vositasi sifatida foydalaniladi. 24 – rasm. O’pka rezeksiyasi. a – qirrali rezeksiya, b – bilobektomiya, c – pulmonektomiya. O`quv qo`llanma 66 Sahifa Bronxoektatik kasallik Bronx-o’pka sistemasining surunkali yallig’lanish kasalligi bo’lib, bronxlar devori elastik va mushak komponentlarining destruktsiyasi munosabati bilan bronxlarning kengayib ketishidan (bronxoektazi) iborat bo’lgan kasallik hisoblanadi. Uning rivojlanish mexanizmini bronx-o’pka sistemasidagi tug’ma buzilishlar, boshdan kechirilgan yallig’lanish jarayonlari, yot jismlarning ta’siri oqibatlari va shu kabilar bilan bog’laydilar. Bronxoektazlar turiga ko’ra tsilindrsimon, qopsimon va aralash turlarga bo’linadi. Atelektatik bronxoektazlar alohida guruhga ajratiladi. Bronxoektazlar ayniqsa bolalik, o’smirlik yoshida va navqiron yoshda birmuncha ko’proq uchraydi. Ko’pchilik bemorlar uzoq vaqt xasta bo’lib yuradigan kishilardir. Anamnez to’g’ri yig’ilganda to’lqinsimon kechayotgan ko’p yillik kasallikni aniqlashga muvaffaq bo’linadi. Bunda qisqa muddatli avj olish davrlari davomli remissiya davrlari bilan almashinib turadi. Vaqt o’tishi bilan tez-tez avj olishi bo’lib turadi, remissiyalar esa qisqaradi. Yüklə 3,83 Mb. Dostları ilə paylaş:
|