Samarqand davlat tibbiyot universiteti buxoro davlat tibbiyot instituti

Gospital xirurgiyasi
85 Sahifa 
34 – rasm. Fallo tetradasi (kontrast modda o’ng qorinchaga 
yuborilgan). 
 
35 – rasm. O’mrov osti va o’pka arteriyasi anastomozi
(Blelok – Taussig amaliyoti). 

---

O`quv qo`llanma
86 Sahifa 
Ochiq arterial yo’l 
Ochiq arterial yo’l (боталлов проток) aortaning dastlabki bo’limini 
o’pka arteriyasi bilan biriktirib turadi. Embrional davrda ochiq arterial yo’l 
– normal fiziologik holat hisoblanib, odatda chaqaloq tug’ilganidan so’ng, 
tez orada bu yo’l obliteratsiyaga uchraydi. Bu jarayon buzilganda, u 
ochiqligicha qoladi va arterial qonni aortadan o’pka arteriyasiga o’tishi va 
shu munosabat bilan qator gemodinamik buzilishlar vujudga keladi. Katta 
qon aylanishi doirasidan kichik doiraga doimiy qonning o’tib turishi 
natijasida a’zolar va to’qimalarning qon bilan ta’minlanishi yomonlashadi, 
kichik qon aylanishi doirasida bosim ortadi, o’pka gipertenziyasi oshib 
borganda shovqin sistolik shovqinga aylanib, o’pka arteriyasi ustida juda 
yaxshi eshitiladi. 
36 – rasm. Ochiq arterial yo’l. 
Rentgenologik tekshirishda o’pka tasvirining quyuqlashuvi, o’pka 
arteriyasi va tarmoqlarining kengayishi qayd etiladi. Yurakni zondlashda 
o’pka arteriyasida bosimning ortishi, unda qonning kislorodga to’yinish 
darajasining yuqoriligi qayd qilinadi. Aortografiyada kontrast moddaning 
aortadan o’pka arteriyasiga tushishi aniqlanadi. 

---

Gospital xirurgiyasi
87 Sahifa 
Davolash faqat jarrohlik usuli: ochiq arterial yo’lni bog’lash yoki 
bog’lab, so’ng uni kesishdan iborat. 
Qorinchalararo to’siq nuqsoni 
Qorinchalararo to’siqning bitmaganligi (nuqsoni) gemodinamikaning 
buzilishiga: arterial qonning chap qorinchadan o’ng qorinchaga, so’ngra 
kichik qon aylanish doirasiga o’tishi bilan ifodalanadi.