Samarqand davlat universiteti pedagogika fakulteti pedagogika kafedrasi

Mavzuni mustahkamlash va o‘z-o‘zini nazorat qilish uchun savollar:

1. 
   BMT, YUNESKO, YUNISEF tashkilotlari haqida gapiring.
   
2. 
   YUNESKO tashabbusi bilan Parijda qaysi vatandoshlarimizning yubileyi bo‘lib o‘tdi?
   
3. 
   YUNESKOning “Buyuk ipak yo‘li”ni o‘rganish dasturi qaysi yo‘nalishlarda olib borilmoqda?
   
4. 
   Jahon tarixiy yodgorliklariga O‘zbekistondan qanday obidalar kiritilgan?
   

5- Ma’ruza:TA’LIM SOHASINI RIVOJLANTIRISH
BO‘YICHA TAJRIBALAR. MODULLI-KREDIT TIZIMI.
Reja:

1. 
   Modulli ta’lim mazmuni, maqsadi va vazifalari, tamoyillari va modul bloklari.
   
2. 
   Modulli-kredit tizimi mohiyati. Bolonya deklaratsiyasi va Yevropa yagona ta’lim muhiti.
   
3. 
   ESTS kreditlari, asosiy tamoyillari va xususiyatlari.
   
4. 
   Kreditlarni taqsimlash va ESTS o‘quv rejalariga o‘tish metodikasi.
   

Tayanch iboralar: Modulli o‘qitish, faoliyatlilik tamoyili, tizimli kvantlash usuli, qiziqtirish tamoyili muammolilik tamoyili, kognitiv-vizuallik tamoyili, kredit, modulli kredit tizimi, ECTS, USCS, UCTS, CATS, zachet kredit birligi, ERASMUS dasturi, TEMPUS dasturi, Bolonya deklaratsiyasi, ECTS tamoyillari, kreditlarni taqsimlash.
2.1. MODULLI TA’LIM MAZMUNI, MAQSAD VA VAZIFALARI,
TAMOYILLARI VA MODUL BLOKLARI.
Modulli o‘qitish-o‘qitishning istiqbolli tizimlaridan biri hisoblanadi, chunki u ta’lim oluvchilarning bilim imkoniyatlarini va ijodiy qobiliyatlarini rivojlantirish tizimiga eng yaxshi moslashgandir.
An’anaviy ta’limda o‘quv maqsadlari pedagog faoliyati orqali ifodalangan ya’ni bilim berishga yo‘naltirilgan bo‘lsa, modulli o‘qitishda ta’lim oluvchilar faoliyati orqali ifodalanib, kasbiy faoliyatga yo‘naltirilgan bo‘ladi.
Modulli o‘qitish texnologiyasining an’anaviy o‘qitishdan farqli xususiyatlarini quyidagi jadvalda keltirdik.