Samarqand davlat universiteti pedagogika kafedrasi

Samarqand 2021
KIRISH


I.O’quv fanining dolzarbligi va oliy kasbiy ta’limdagi o’rni
Umumiy pedagogika fani bo‘yicha o‘quv dastur Samarqand davlat universiteti barcha bakalavriat bosqichining umumkasbiy fanlar bloki bo‘yicha ishlangan bo‘lib, Davlat ta’lim standartiga muvofiq tuzilgan. Dastur oliy ta’lim muassasalari talabalarida kasbiy pedagogik sifatlarni shakllantirishga qaratilgan.
“Umumiy pedagogika” o‘quv dasturi uchta asosiy bo‘lim, “Pedagogika nazariyasi”, “Pedagogika tarixi”, “ Pedagogik mahorat”, “Maxsus pedagogika” va “Ta’lim muassasasi menejmenti”dan iborat bo‘lib, ushbu bo‘limlardagi mazmun orqali bo‘lajak o‘qituvchi kadrlarni ilm-fan, texnika va texnologiya sohalarida erishilayotgan yutuqlar, milliy va umuminsoniy qadriyatlarga asoslangan holda tayyorlashni, o‘qituvchi sifatida pedagogik madaniyatni rivojlantirish, pedagogik jarayonni to‘g‘ri tashkil etish, boshqarish va nazorat qilish ko‘nikmalarini hosil qilishga qaratilgan.
“Pedagogika nazariyasi”dan talabalar O‘zbekiston Respublikasining ta’lim sohasidagi davlat siyosati, pedagogika fanining shakllanishi va rivojlanishi, maqsadi va vazifalari, predmeti, ilmiy-tadqiqot metodlari, shaxs rivojlanishi va unga ta’sir etuvchi omillar, didaktika (ta’lim nazariyasi), ta’lim mazmuni, ta’lim qonuniyatlari va tamoillari, o‘qitish metodlari, ta’limni tashkil etish shakllari, o’quvchilarni bilim, ko’nikma va malakalarini tashhis etish, tarbiya jarayonining mazmuni, moiyati, qonuniyatlari, tamoillari, tarbiyaning metodlari va vositalari, tarbiya turlari mazmuni, ta’lim muasssasini boshqarish va rivojlanishida nuqsoni bo’lgan bolalar (korreksion pedagogika) ta’lim-tarbiyasi yuzasidan bilim, ko’nikma va malakalarini egallashlari lozim.
“Pedagogika tarixi” kursi pedagogika fanining alohida sohasi sifatida pedagogik fikrlarning paydo bo’lishi va rivojlanishi orqali yangi, istiqbolda hal ertilishi lozim bo’lgan vazifalarni belgilaydi hamda uni hal etish strategiyalarini ko’rsatib beradi. U eng qadimgi davrlardan O’zbekiston Respublikasi mustaqilligi e’lon qilingsndan keyingi davrda pedagogi fikrlar va ta’lim tizimining rivojlanishi hamda emng qadimgi davrlardan hozirgi kungacha jahon mamlakatlarida tarbiya, ta’lim va p[edagogik fikrlar rivojiga doir masalalarni o’zida aks ettiradi.
“Pedagogik mahorat” kursida pedagogik mahorat va madaniyat, ta’lim amaliyoti va pedagogik fikrlar tarixida o’qituvchi mahorati masalasining aks etishi, pedagogik qobiliyat, o’qituvchining qobiliyati, muloqot psixologiyasi va muloqot madaniyati, pedagogik muloqot, pedagogik takt va pedagogik etika, pedagogik texnika va uni egallash yo’llari, nutq madaniyati, o’qituvchining o’quv jarayonidagi mahorati, o’qituvchining tarbiyachilik mahorati, o’qituvchi mehnatini ilmiy asosda tashkil etish, o’z-o’zini tarbiyalash va o’z ustida ishlash, ilg’or pedagogik tajribani ommmalshtirish kabi masalalar o’rganiladi.