Samarqand davlat universiteti psixologiya va ijtimoiy fanlar fakulteti ijtimoiy fanlar kafedrasi

Avstriyada 1945 yildan boshlab nogiron bolalarni
differensial o’qitish tizimi tashkil etilgan bo’lib, bu ta’lim tizimida barcha turdagi nuqsonli bolalar o’qitila boshladi. Ammo 1980 yilga kelib maxsus ehtiyojli bolalarning ota-onalari demokratiya huquqlari uchun kurashib, farzandlarini umumta’lim muassasalarida o’qitilishini talab qilib chiqdilar.
Folker Ruttening ma’lumotlariga qaraganda "Ayni paytda ixtisoslashtirilgan ta’lim sohasida ishlovchi pedagoglar maxsus ehtiyojli bolalarga segregasiya ya’ni, maxsus ta’lim berishning afzalliklarini shubha ostiga qo’ya boshladilar. 1983 yilda Avstriya Ta’lim vazirligi inklyuziv ta’lim tizimining modelini tuzish yuzasidan tajriba loyihasi to’g’risida qaror qabul qildi. Bu ta’lim modeli to’rtta turga ajratildi:

• 
  Inklyuziv sinflar-umumta’lim maktablariga bittadan to’rttagacha maxsus ehtiyojli o’quvchilar qabul qilinadi. Bitta maxsus ehtiyojli o’quvchi ikkita sog’lom boladek hisoblanib, sinfdagi bolalarning umumiy soni qisqartiriladi. Sinfda ikkita o’qituvchi ishlab ulardan biri maxsus tayyorgarlikka ega bo’lib, bolalar bilan haftasiga 4 soatdan 6 soatgacha korreksion mashg’ulotlar olib boradi. Maxsus ehtiyojli bolalar individual dasturlar asosida o’qitiladi.
  
• 
  Hamkorlik qiluvchi sinflar-ixtisoslashtirilgan va umumta’lim maktablarining sinf o’qituvchilari tomonidan belgilangan hamkorlikni amaldga oshiradilr.
  

• 
  Kichik komplektli maxsus sinflar- umumta’lim maktablarining sinflarida 6-11 ta maxsus ehtiyojli o’quvchi jamlanadi hamda maxsus o’quv reja va dasturlar asosida o’qitiladi.
  
• 
  Yordamchi o’qituvchilar oddiy sinfga 4 ta va undan ko’p maxsus ehtiyojli o’quvchilar jamlanadi hamda maxsus tashxis qilish va korreksion metodikalarni qo’llay oladigan o’qituvchi lavozimi
  

joriy etiladi".
1991 yilda pedagogik tajriba-sinov va maktablarni rivojlantirish markazlari tomonidan inklyuziv sinf modeli eng samarali deb topildi. 1993 yilda esa Avstriya xukumati maxsus ehtiyojli bolalar ota-onalarining maxsus yoki umumiy ta’limni tanlash hukuqini tasdiqlovchi qonunni qabul qildi.
Angliya va Uelsda barcha o’quvchilarning ta’limga ehtiyojlarini qondirish uchun sinf bilan ishlaydigan o’qituvchi mas’uldir. Ta’lim to’g’risidagi aktga binoan (1996) barcha umumta’lim maktablarida shtatli xodimlar ichidan maxsus ta’lim masalalari bo’yicha koordinator (SENCO)
tayinlanadi. Uning vazifasiga quyidagilar kiradi:

• 
  Maktabda maxsus ta’lim jarayonini kundalik boshqarish;
  
• 
  Fan o’qituvchilari o’rtasidagi aloqalarni qo’llab-quvvatlash va ularga maslahat berish;
  
• 
  O’quvchilarni zarur yordam bilan ta’minlashni muvofiqlashtirish;
  
• 
  Psixologik va boshqa xizmatlar (tibbiy, ijtimoiy) va tashkilotlar (masalan, jamoat uyushmalari) bilan birga tashqi tashkilotlar bilan aloqalarni amalga oshirish;
  
• 
  Maxsus ta’limga muhtoj bola bilan bevosita ishlash;
  
• 
  O’quvchilar rivojlanishini monitoring qilish;
  
• 
  Ota-onalar bilan aloqalarni qo’llab-quvvatlash;
  
• 
  O’qituvchilar malakasini oshirish.
  

Maktablar yordam ko’rsatish xizmatlari tomonidan uzoq muddatli yordam olishlar ham mumkin. Ular jo’natadigan maslahatchi o’qituvchi nafaqat o’qituvchilarga ta’lim strategiyasi va ta’limning qo’shimcha materiallarini tavsiya qilishi, balki o’quvchilar bilan bevosita ishlashi ham mumkin. Butun mamlakat bo’yicha yordamning ko’p turlari «Local Educational Authorities» (LEA) ta’limni boshqarishning mahalliy organlari tomonidan ko’rsatilishi mumkin. Ularning barisining tarkibida o’lchamlari, tuzilmasi va maxsus nuqsonlarning turiga ko’ra tafovutlanadigan maxsus ta’limga muhtoj o’quvchilarga ko’maklashish xizmatlari mavjud. Odatda, (LEA) orqali maktablar integrasiyalashgan ta’limni tashkil qilish uchun zarur bo’lgan moliya yordami oladi.Mazkur mablag’lardan qanday foydalanish to’g’risidagi qarorni maktabning o’zi mustaqil qabul qiladi. O’ta og’ir nuqsonlar mavjud bolalarga yordamni ta’minlash uchun mablag’lar davlat byudjetidan markazlashtirilgan holda ajratiladi (Qirollikning turli hududlarida bu summalar jiddiy farq qilishi mumkin). (LEA)ning imkoniyatlari joylarda har xil bo’lgani sababli Milliy ma’ruzani tayyorlash paytida moliyaviy xarakterga ega bo’lgan muammolar paydo bo’ldi.

1979 yilda Germaniyada ta’lim to’g’riyeidagi majlis qatnashchilari tomonidan maxsus ehtiyojli bolalarni integrasiya ta’lim tizimida o’qitish konsepsiyasi ishlab chiqildi. Bu konsepsiyada integrasiyaning xilma xilligi va uning mazmun-mohiyati yoritib berildi. BL.Puzanov va Yu.A.Kostenkova (1999 yil)larning yozishlarichi, 80 yillarga kelib Germaniya ta’lim npimida integrasiyalashning yangicha talqini o’kuv mayetrialini Ukuvchilar imkoniyatlariga moslashtirish ishlari amalga oshirila ioshladi.

Ta’lim qonunchiligi va ta’lim tizimini boshqarish asosan Yer hokimiyatlari mas’uliyati ostidadir, va shu sababli hududlar bo’yicha muhit o’zaro farq qilishi mumkin. Oddiy o’quv yurtlariga integrasiyalashgan maxsus ta’limga muhtoj
o’quvchilarga yordam berishning shakllari ham har xil. Barcha Yerlar uchun “Maxsus ta’limni tashkil qilishga oid tavsiyalarni” (1972 yil, mart) asosiy hujjat deb hisoblash mumkin. Keyingi 20 yil mobaynida nogironlarning ijtimoiy va ta’lim integrasiyasi an’analari kuchaydi; bu esa umumta’lim maktablariga integrasiyalashgan maxsus ta’limga muhtoj o’quvchilarni qo’llab-quvvatlashni yaxshilashga olib keldi.
Hozirgi kunda ta’lim tizimi ichida qo’llab-quvvatlashning turli shakllari mavjud: o’qituvchi va ota-onalarga to’g’ri maslahat berishni ko’zda tutuvchi oldini oluvchi choralar; erta aralashish paytidagi fanlararo hamkorlik. Birgalikda ta’lim/ darslar. Yordam maxsus pedagog yoki boshqa professional tomonidan sinfda yoki uning tashqarisida to’liq yoki qisman ish kuni davomida (bolaning individual ehtiyojlari yoki maktab tashkilish muhitiga bog’liq ravishda)
ta’minlanadi. “Kooperativ shakllar”- maxsus va oddiy maktablar o’rtasida o’quvchilarga birga faoliyat olib borish
imkoniyatini ta’minlovchi yaqin pedogogik hamkorlikdir. “Kooperativ shakllar” integrasiyalashgan ta’limga jalb qilingan o’quv yurtlarining barcha bolalari va pedagoglarining o’quv faoliyati, butun maktab hayotini boyitish imkonini
beradi. Asosiy vazifasi integrasiyalashgan ta’lim muhitida asosiy o’qituvchi tomonidan olib boriladigan ishni kuchaytirishdan iborat bo’lgan maktab fan o’qituvchilariga yordamga maxsus pedagoglar chaqiriladi. Yordam maxsus birlashmalar – mintaqaviy yoki “mintaqa usti” muassasalari, masalan, maxsus pedagogik markazlar (Forderzentren) singari muassasalari tomonidan ta’minlanadi. Bu markazlar ta’limni tashkil etish masalalarini yechishga yordamlashadi, yoshlarning mehnat ta’limi va kasbgacha tayyorgarligini ta’minlaydi. Bunday yordam mutaxasislar tomonidan amalga oshiriladi va hududiy jihatdan o’quvchining turar joyiga maksimal darajada yaqinlashtirilgan. Mustaqil Yerlarda Forderzentren ishi muayyan ravishda farq qilishi mumkin, ammo ularning faoliyati hamma joylarda o’quvchi bilan bevosita birgalikda ishlash doiralaridan chiqadi. Forderzentren alohida pedagoglar va umuman maktablar bilan hamkorlik qiladi.
Markaz vakillari maxsus va umumta’lim maktablari o’qituvchilariga maslahat beradi, individual o’quv rejalari tuzish va amalga oshirish, o’quv qo’llanmalari, materiallarini yaratish va h.k. da yordamlashadi.
Bir qator Yerlar ish faoliyatida “Ziyon balansi” deb ataladigan tavsiyalardan foydalanadilar. Ular umumiy dastur bo’yicha ta’lim oladigan maxsus ta’limga muhtoj o’quvchilarga tegishlidir. Gap dasturni o’zlashtirishda muammosi bo’lmagan, biroq biror jismoniy nuqson bilan bog’liq qiyinchiliklari mavjud bolalar haqida borayapti. Amalda bu alohida fan, test topshirish usuliga ko’ra mashg’ulotlardagi cheklovlarni, vazifani bajarish uchun ko’proq vaqt yoki maxsus texnik yordam berish va h.ni bildirishi mumkin. Integriyalashgan o’quvchilarga yoradam berishda mahalliy o’zini-o’zi boshqarish organlarining o’quv hokimiyatlari, resurs markazlari va ijtimoiy xizmatlar ishtirok etishi mumkin. Aniq ravishda bu turli Yerlarning qonunchiligida ko’zda tutilgan ta’minotga bog’liq bo’ladi. Integrasiya jarayoni kuchayishi munosabati bilan ta’lim shart-sharoitlari jiddiy o’zgaradi. Maktab va o’qituvchilar yanada ko’proq o’qitish va o’qishning yanada moslashuvchan shakllari konsepsiyasiga rozilik bildirayaptilar. Maktablar uchun o’quv dasturi o’qituvilarning
formal ta’lim maqsadlariga emas, balki o’quvchilarning individual rivojlanishi va maxsus ehtiyojlariga diqqatni
qaratishni rag’batlantirish uchun yaqqol ravishda o’qituvchilarga katta erkinliklar berayapti.
Integrasiyalashgan o’quvchilarga yordam ko’rsatish maxsus maktablardan keladigan korreksion pedagoglar tomonidan ta’minlanadi. Ularning o’zlari umumta’lim o’quv yurtlari pedagog va ma’muriyatiga maslahat beradi. Oddiy maktablarga chaqiriladigan maxsus maktablarning pedagoglari integrasiyalashgan o’quvchilar uchun o’quv rejalarini ishlab chiqishda o’qituvchilarga yordamlashadilar hamda biror nuqson mavjud o’quvchilar bilan yakka tartibda shug’ullanadilar. Integrasiyalashgan ta’limni tashkil etishda katta tajribaga ega bo’lgan umumta’lim maktabi shtati ham kurator sifatida jalb qilinishi mumkin. Bunday hollarda yordam individual ta’lim ehtiyojlari xarakteri to’g’risida o’qituvchilarga axborot berish va qo’shimcha o’quv materiallari berish shaklida amalga oshiriladi.
Umumta’lim maktabi byudjetni oshirish va integrasiyalashgan o’quvchilarga bevosita yordam ko’rsatish bo’yicha mas’uliyatli hisoblanadigan “yordamchi o’qituvchi” shtatini kiritish bo’yicha murojaat qilishi mukin. Yordamchi
o’qituvchi vazifalarining bajarilishi umumta’lim maktabi o’qituvchilaridan bittasining zimmasiga ham yuklatilishi
mumkin. Integrasiyalashgan ta’limga talabgorlarni saralab olish ancha jiddiy. Uni yaxshi natijalar ko’rsatishga qodir bolalarni umumiy maktabga ko’chirishni tavsiya qiladigan maxsus maktablar ta’minlaydi.
Integrasiyalashgan ta’limni tashkil etishni yordam ko’rsatishning vaqt bo’yicha qonunchilik tomonidan cheklab
qo’yilishi qiyinlashtiradi. Jalb qilinuvchi mutaxassislar xizmatlarini byudjet tomonidan kafolatli moliyalashtirish muayyan muddatga mo’ljallangan. Masalan, jismoniy nuqsonlari mavjud o’quvchilarga keluvchi pedagoglar tomonidan yordam ko’rsatilishi ikki yil bilan cheklangan. Bu vaqt o’tganidan so’ng maktab mustaqil ravishda integrasiyalashgan o’quvchilarga yordam berishni tashkil etish usulini qidirishga majbur. Shunday qilib, hatto integrasiyalashgan o’quvchilarga yordam ko’rsatishga tegishli byudjet bo’yicha mablag’ ajratilganiga qaramasdan, muayyan bosqichda umumta’lim o’quv yurti maxsus ta’limga muhtoj o’quvchilarga sifatli yordam ko’rsatishning moliyaviy muammolari bilan to’qnashadilar. Ommaviy maktab o’qituvchilarining biror nuqsoni mavjud bolalar bilan ishlashning xususiyatlari bilan tanishtiradigan qisqa muddatli kirish kurslariga qatnashishining cheklangan imkoniyati muammoning boshqa tomoni sanaladi. Milliy ma’ruzani tayyorlash paytiga kelib (1999y.) umumta’lim muassasalarining o’qituvchilari asosan maxsus maktablarning kelib ishlovchi o’qituvchilaridan zarur axborot olib turardilar. Integrasiyalashgan o’quvchilar bilan ishlaydigan o’qituvchilar malakasini oshirish nuqtai nazaridan mintaqaviy kurslarni eng samarali deb tan olinadi. Evansp.Lning ma’lumotlari (1995 yil) asosidaNiderlandiyaning 28 ta umumta’lim boshlang’ich maktablarining tarkibida nuqsonli bolalar ham o’qitilgan. Ta’limiy maslahat markazlarida maxsus ehtiyojli bolalarni umuta’lim sharoitida o’qitish va tarbiyalash yo’llari, xususiyatlari hamda bu bolalar haqida bilish va ma’lumotlar berish borasida bo’lim faoliyat yuritgan. Bu bo’limlarda o’quv materiallari va dasturlarini yangilash, integrasion ta’limning yagona g’oyasini ishlab chiqish, bu ta’lim tizimidagi muammolarning yechimini izlab topish borasida ish yuritilgan.