Samarqand veterinariya meditsina

Oldini olish. Salmonelyozning oldini olish uchun sog’lom xo’jaliklarga qo’zg’atuvchining kasal hayvonlar va salmonella tashuvchilar hamda ozuqalar bilan kirishiga yo’l qo’ymaslik choralarini ko’rish kerak.
Parrandachilik xo’jaliklarida salmonelyoz kasalligi chiqsa, cheklash o’rnatiladi. Kasal va gumon qilinganlari o’ldirilib, o’laksalari kuydiriladi. Ba’zan nosog’lom tovuqxonadagi hamma tovuqlar o’ldiriladi. Zararlangan deb gumon qilingan parrandalar izolyasiya qilinadi, qolganlari emlanadi. Kasallik keng tarqalganda, emlanishdan oldin shoshilinch profilaktika o’tkaziladi, sog’lom parrandalarga gruppavoy antibiotiklar va sulfanilamidlar beriladi. Hamma kasal parrandalar olingach, binolar tozalanib, dezinfeksiya, deratizasiya va yakunlovchi dezinfeksiya o’tkazilib, uning sifati bakteriologik tekshirilgach cheklash bekor qilinadi. Salmonelyoz bo’yicha nosog’lom bo’lgan xo’jaliklarida qattiq cheklash tadbirlari o’tkaziladi. binolar va kataklar dezinfeksiya qilinadi. Hamma sog’lom quyonlar muskuli orasiga bir marta 1 kg tirik og’irligiga 20 ml dan terramisin yoki 8-10 soat oralatib 2 marta biomisin yuboriladi va 24 soat o’tgach, 45 kundan katta yoshdagi quyonlar 7 kun oralatib pasterellyozga qarshi formal vaksina bilan 2 marta emlanadi. Xo’jaliqda 14 kundan keyin cheklash bekor qilinadi.