Mashg‘ulot turi: yangi bilim beruvchi, bilimlarni mustahkamlovchi.
Mashg‘ulot uslubi: tushuntirish, suxbat, tezkor savol – javob, amaliy mustaqil ishlar bajarish, munozara, muammoli topshiriq, guruhlarda ishlash, ko‘rgazmali va boshqalar.
Mashg‘ulot metodi: guruhlarda ishlash, “kim epchil-u, kim chaqqon”, “ko‘rsam tezroq o‘rganaman” shu kabi metodlar.
Mashg‘ulot jihozi: ”Tarix” 6-sinf uchun darslik, “Qadimgi dunyo tarixi” asari, mavzuga oid ko’rgazmali qurollar, plakatlar, tarqatma materiallar o‘quv qurollari, elekron materiallar.
Mashg‘ulotning borishi: I. Tashkiliy qism: a) Salomlashish. b) Davomatni aniqlash.
II. Uyga vazifani so‘rash: a) Savol – javob o‘tqazish. b) Topshiriqlarni tekshirish.
I II. Yangi mavzu bayoni: XVI asrga qadar Sharq va G‘arb o‘rtasidagi madaniy aloqalar va savdo munosabatlari taraqqiyotida qadimgi dunyoda mashhur bo‘lgan Buyuk ipak yo‘li muhim o‘rin tutgan edi. Bu yo‘l mil. avv. II asrda vujudga kelgan. Bu yo‘lga “Ipak yo‘li” degan nom 1877-yilda nemis geografi F. Rixtgofen tomonidan berilgan. Buyuk ipak yo‘li shakllanishidan oldin O‘rta Osiyo va Qadimgi Sharq hududida savdo va madaniy ayirboshlash uchun foydalanilgan turli qadimiy yo‘llar mavjud bo‘lgan. Ipak yo‘li savdo va madaniy aloqalarni yanada rivojlantirish ga xizmat qildi. Buyuk ipak yo‘lining uzunligi 12 ming kilometrni tash kil etgan. U Sariq dengiz qirg‘og‘idan boshlanib, O‘rta Yer dengizi sohillarigacha borgan. Bu yo‘lda qadimiy shaharlar joylashgan. Sug‘diyonadan Xitoyga junli matolar, gilamlar, zeb-ziynat buyumlari va qimmatbaho toshlar; Baqtriyadan tuyalar, Farg‘onadan zotli otlar, Badaxshondan lojuvard olib borilgan; Hindistondan O‘rta Osiyo viloyatlariga paxtadan tayyorlangan matolar va chigit ortilgan karvonlar kelgan.
IV. Yangi mavzuni mustahkamlash. 1. Jahonning ko‘plab mamlakatlarini bog‘lab turuvchi karvon yo‘llari tarmog‘ini birinchi bo‘lib kim “Ipak yo‘li” deb atadi?
2. Buyuk ipak yo‘lining uzunligi qancha?
