Sanli texnologiyalar ministrligi

IKT taraw atamaları hám olardıń qollanılıwı
Házirgi kúnde qaraqalpaq tili leksikasınıń tez hám ózgeriwsheń hám aktiv qatlamın IKT terminalogiyası tarawına tiyisli leksik birlikler quraydı. IKT tarawındaǵı terminlerdi kompyuter hám kompyuterler xanasısız kóz aldımızǵa keltirip bolmaydı. Olar menen tanısıp shıǵamız.
Informaciya kólemminiń artıwı hám onı qayta islew qurallarınıń rawajlanbaǵanlıǵı insannıń ol tuwralı túsinikke iye bolıwı hám olardan paydalanıwı qıyınlasadı. Waqtımızdıń kóp bólegi informaciyanı izlewge, ajratıwǵa hám paydalanıwǵa ketedi. Informaciya fondları hár bir insanǵa xizmet etiwi ushın jańa, zamanagóy qurallar kerek boladı. Sonıń ushın XX ásir ortalarına kelip informaciyanı islew salasında kóp adamlar shuǵıllana basladı. Informaciya bilimler deregi retinde jámiyet ushın strategiyalıq resursqa aylandı. Bul resurslardan nátiyjeli paydalanıw bolsa jámiyetti informaciyalastırıw procesi menen baylanıslı.
Informaciyalastırıw procesi degende - insan iskerliginiń áhmiyetli baǵdarlarında alınǵan bilimlerden nátiyjeli paydalanıw ushın kórilgen is-ilajlar kompleksi túsiniledi.
Informaciya intellektuallıq iskerliktiń zárúrli ónimi esaplanadı. Sanaatı rawajlanǵan barlıq mámleketlerde bul ónimlerdi óz paydalanıwshılarına jetkiziwdiń «usulları hám quralları» n islep shıǵıw hám de engiziw sonday dárejede jedel alıp barılmaqta, bul informaciya sistemaları hám texnologiyaları sanaatın jaratıwda óz sawleleniwin tapqan.
Informaciya texnologiyası - informaciyanı toplaw, saqlaw, izlew, oǵan qayta islew beriw jáne onı tarqatıw ushın paydalanılatuǵın qurılmalar, usıllar hám processler kompleksi.
Informaciya texnologiyaları sanaatınıń júzege keliwi olardıń informaciya jámiyetin jaratıwdı qanday támiyinlewine baylanıslı. Informaciya texnologiyaları sanaatı informaciya ónimleri hám quralların islep shıǵaradı hám de qarıydarlarǵa jetkizedi.
Informaciya ónimleri degende áwele, dástúriy jol menen yamasa elektron texnika járdeminde alınǵan túrli bilimler tarawı, sonıń menen birge maǵlıwmat hám informaciyanıń basqa formaları túsiniledi.
Bazar múnásibetlerin qáliplestiriw boyınsha alıp barılıp atırǵan túpkilikli reformalardı ámelge asırıw, eń áwele xızmetkerlerdiń ekonomikalıq bilimine baylanıslı. Insanlarda ekonomikalıq oylawdı qáliplestirmesten turıp, tereń ózgerisler etip bolmaydı. Bul boyınsha ekonomikalıq informatikanıń strukturalıq bólegi bolǵan zamanagóy informaciya texnologiyaların qollaw dáwir talabı bolıp tabıladı.