Sanli texnologiyalar ministrligi

FTP. (File Transfer Protokol - fayllardı uzatıw protokolı ). Ekinshi kompyuterlerdiń faylları hám programmaları menen islewdi támiyinleytuǵın programma hám protokol usı termin menen ataladı.
Gopher. Bul sóz inglizshe sóz bolıp “qazıw” degen mánisti ańlatadı. Gopher - bul FTP ǵa salıstırǵanda jetilisken izlew hám informaciyalardı shıǵarıp alıw quralları menen támiyinleytuǵın protokol hám programmalar kiredi. Gopher protokolı zamanagóy navigator - programmalarında qollanıladı.
E - mail. Bul elektron pochtanıń inglizshe belgileniwi bolıp, ol arqalı - hámme kontinentlerde jasawshı insanlar bir-biri menen elektron (maǵlıwmatlar ) xabarlar hám fayllar almasa aladı.
Usenet. Usenet sisteması - telekonferenciyalar, jańalıqlar toparı. Elektron pochtadan ayrıqsha túrde, Usenet tutınıwshı xabarların individual adres boyınsha emes, abonentler toparına (telekonferenciyalarǵa) jiberedi. Sol konferenciya qatnasıwshıları qandayda bir bir sorawdı sheshiwde teń huqıqlı. Hár bir konferenciya óz adresine iye hám qandayda bir temaǵa tiyisli (pánge, mádeniyatqa, sportqa hám basqalar ) boladı. Sol menen birge talqılaw etiletuǵın sorawlar hár qıylı bolıwı múmkin. Birpara maǵlıwmatlarǵa kóre, 10000 nan artıq telekonferenciyalar internette bar.²
Bayanat boyınsha juwmaq
XXI ásirde informaciya texnologiyaları tez pát penen rawajlana basladı. Nátiyjede ol ómirimizge sonday tezlikte kirip keldi, ajıralmas bólegimizge aylanıp úlgerdi. Ásirese, tálim sistemasında IKT tarawınıń payda bolıwına alıp keldi. Meniń bul bayanatımda sol tarawdıń ayrım atamaların atap óttim hám olar tuwralı maǵlıwmatlar jazdım. Bul maǵlıwmatlardan ózińizge kerekli hám paydalı túsiniklerdi alasız degen úmittemen.

Paydalanılǵan ádebiyatlar :

1. 
   Alimov R. X. , Xayitmatov O’. T. , Xakimov A. F. , Yulchieva G. T. , Azamatov O. X. , Otajanov U. A. “Axborot tizimlari” O’quv qo’llanma - T.: TDIU. 2013. 228 bet.
   
2. 
   Seytnazarov.Í LEKKSIYA TEKSTLERI(Qaraqalpaq terminologiyasınıń áhmiyetli máseleler qánigelik kursınan). – Nókis, 2008. 56 bet.
   

1^ Seytnazarov.Í LEKKSIYA TEKSTLERI(Qaraqalpaq terminologiyasınıń áhmiyetli máseleler qánigelik kursınan). – Nókis, 2008. 56 bet.

2^ Alimov R. X. , Xayitmatov O’. T. , Xakimov A. F. , Yulchieva G. T. , Azamatov O. X. , Otajanov U. A. “Axborot tizimlari” O’quv qo’llanma - T.: TDIU. 2013. 228 bet.