Fransanın dördüncü respublikasının Əlcəzair müharibəsində məğlubiyyətindən sonra de Qollun yenidən siyasətə qayıtmasına şərait yaranır. O 1 iyun 1958-ci ildə prezident Rene Koti tərəfindən, onun istəklərini nəzərə almaqla altı aylığa baş nazir vəzifəsinə təyin edilir. Bu imkandan istifadə edərək de Qoll yeni konstitusiyanın qəbul edilməsinə nail olur. Sentyabr ayında keçirilən referendumda yeni konstitusiya 83% səslə qəbul edilir. Beləliklə, beşinci respublika yaranır. Bütün koloniyalar bundan sonra Respublikanın tərkib hissəi kimi qəbul edilirdi. Həm də onlara müstəqilliklərini seçməyə imkan verilirdi. Bütün koloniyalar, Qvineyanı çıxmaq şərtilə, bu referendumda iştirak edirlər. Noyabr ayında keçirilən seçkilərdə de Qoll parlament seçkilərində qalib gəlir. 21 dekabr 1958-ci ildə o 78% səs çoxluğu ilə birbaşa prezident seçilir.
