«Ayələrimizi yalan hesab edənləri haradan olduğunu özləri də bilmədən tədricən məhvə yaxınlaşdıra-cağıq». (əl-Əraf 182). «Kafirlərə edilmiş xəbərdarlığı unutduqları zaman (küfürlərini daha da artırmaq məqsədilə)hər şeyin (bütün nemətlərin) qapıların onların üzünə açdıq. Kafirlər özlərinə verilən (dünya) nemətlərinə sevindikləri vaxt onları qəflətən yaxaladıq və onlar (hər şeydən) məhrum oldular».(əl-Ənam 44). «Biz onları bilmədikləri yerdən dərəcə-dərəcə əzaba yaxınlaşdıracağıq». (Nun 44). Bu bir İSTİDRACDIR – dərəcə-dərəcə əzaba yaxınlaşmaq. İnsanlar Allahın Rəsullarının əmrlərini zay etdikdə, qadağalarını etdikləri zamn ruzidə boluq, bədəndə sağlamlıq, malda, pulda artım, bolluq qapıları açılar. Bununla sevinib qəflətdə olduqları və bu çirkin halları ilə sevindikləri zaman Allah onları əzabı ilə yaxalayar. Təbəri «Cəmiul Bəyan» 5/193-194, İbn Kəsir 2/132. . Peyğəmbər – sallallahu aleyhi və səlləm – buyurdu: «Sizin üçün ən çox qorxduğum şey Allahın yerin bütün bərəkətlərini (dünya nemətlərini və şirinliklərinin) qapılarını sizlərə açmasıdır». Buxari «Riqaq» 81, Müslim «Zəkat» 12. Allah hiyləyə qarşılıq verənlərin ən xeyirlisidir.
