Aprior informasiya – ölçmənin effektivliyini təmin edən amillərdən biridir. Aprior informasiyasız ölçmə mümkün deyil. Bu informasiya maksimum olduqda (ölçülən kəmiyyətin qiyməti məlum olduqda) ölçmə lazım deyil. Aprior informasiya ölçmələrin alına biləcək dəqiqliyini və effektivliyini müəyyən edir.
Ölçülən kəmiyyət obyektin modelinin xüsusiyyətini əks etdirən və ölçmənin köməyi ilə qiymətinin tapılması zəruri olan sabit parametrdir.
Ölçmə vasitəsi ölçmələrdə istifadə olunan normallaşdırılmış metroloji xassələrə malik texniki vasitə kimi müəyyən olunur.
