Dodaqların vəziyyətinə görə saitlərin ahəngi. Dodaqların vəziyyətinə görə saitlərin ahəngi də iki cür olur: dodaq və damaq ahəngi. Dodaq ahənginə görə sözdə və sözə qoşulan şəkilçidəki saitlərin hamısı dodaqlanan olmalıdır; məsələn: odur, uzunçuluq, özümüz və s. Damaq ahənginə görə sözdə və sözə bitişdirilən şəkilçidəki saitlərin hamısı dodaqlanmayan sait olmalıdır; məsələn: gəmiçi, genişlik, gənclər və s.
Azərbaycan dilindəki söz və şəkilçilər saitlərin ahənginə görə üç növə ayrılır:
ancaq dil ahənginə tabe olanlar: adam, qələm, adamlar, qələmlər və s.
dil və dodaq ahənginə tabe olanlar: dinlədi, oxudu, düşündü, incəlik və s.
saitlərin ahənginə tabe olmayanlar: dayımgil, tarixi, vətəndaş və s.