Sərraf Şiruyə
196
ƏRİDİR
Bir ala gözlünün vüsal həsrəti,
Cismidə canımı yaman əridir.
Gün keçir, ay keçir vədə yetişmir,
Məni bir qaşları kaman əridir.
Aldı əllərimdən vüsal camımı,
Qoymadı doyunca alam kamımı.
Polad iradəmi, dağ inamımı,
Sitəm ocağında zaman əridir.
Sərraf Şiruyənin artdı firqəti,
Beləymiş taleyin yəqin qisməti.
Gecə də, gündüz də eşqin həsrəti,
Əridir könlümü, pünhan əridir.
Dostları ilə paylaş: 
