Ayrılıq belə düşdü
163
Ey dünyanı altı gündə yaradan,
Beş gözəli xoş bir gündə yaradan.
İlham verdin tamamladım əsəri,
Ürəyimin səndən idi hünəri.
O hünərlə mən keçmişə əl atdım,
Çox illəri, əsrləri oyatdım.
Niftalını əsirlikdən gətirdim,
Nəvələri nəvələrə yetirdim.
Söhbət açdım, ərənlərdən, ərlərdən,
Xəbər verdim neçə-neçə yerlərdən.
Əzizdən, Əlidən söhbətlər açdım,
Neçə-neçə el-obalar dolaşdım.
Tanıtdırdım xalqa qəhrəmanımı,
Sən firavan etdin hər bir anımı.
Ancaq pənahdarım sən oldun, Allah,
Məni müşküllərdən sən aldın Allah.
Əlini anaya sən yetirdin, sən!
İlhamı Lenaya sən yetirdin, sən!
Axirət evinə gedənləri də,
Axır mənzillərə yetənləri də.
|
