Sh. Pozilova pedagogik dasturiy vositalar
Yüklə 3,72 Mb. Pdf görüntüsü
|
|
Nazorat savollari:
1. Axborot texnologiyalarning hozirgi kunda tutgan oʻrni haqidagi fikringiz? 2. Zamonaviy axborot texnologiyalarining taʻlim jarayonida ishlatiladigan texnik vositalariga misol keltiring. 3. Pedagogik dasturiy vosita oʻzi nima? 4. Pedagogik dasturiy vositalar dastavval qanday atamalar bilan yuritilgan? 5. Pedagogik dasturiy vositalarni ishlab chiqishga qoʻyiladigan talablar? 6. Pedagogik dasturiy vositalarning taʻlimda tutgan oʻrni va ahamiyati. 7. Virtual borliq tushunchasini fanga kim kiritgan? 8. Virtual borliq atamasi qaysi tushunchalar bilan uzviy bogʻliq? 29 1.2. Pedagogik dasturiy vositalarni yaratish bosqichlari va ularga qoʻyiladigan talablar Pedagogik dasturiy vositalar – kompyuter texnologiyalari yordamida oʻquv jarayonini qisman yoki toʻliq avtomatlashtirish uchun moʻljallangan didaktik vosita hisoblanadi. Ular taʻlim jarayonini samaradorligini oshirishning istiqbolli shakllaridan biri hisoblanib, zamonaviy texnologiyalarning oʻqitish vositasi sifatida ishlatiladi. Pedagogik dasturiy vositalar tarkibiga: oʻquv fani boʻyicha aniq didaktik maqsadlarga erishishga yoʻnaltirilgan dasturiy mahsulot (dasturlar majmuasi), texnik va metodik taʻminot, qoʻshimcha va yordamchi vositalar kiradi. Pedagogik dasturiy vositalarni yaratish bir nechta bosqichda amalga oshiriladi: Birinchi bosqichda pedagogik loyihalashtirish amalga oshiriladi. Bunda maqsad, pedagogik vazifalar aniqlashtiriladi, didaktik imkoniyatlardan kelib chiqib oʻqitishning mazmuni va tuzilmasi tahlil qilinadi. Ikkinchi bosqichda metodik loyihalashtirish bajariladi. Mazkur bosqichda ilmiy nazariy maʻlumotlarni oʻquv materiallariga aylantirish, oʻquv matnlari, illyustratsiyalar, grafik maʻlumotlar shakllantiriladi. Oʻqitishning maqsadi, metodi va vazifalariga mos oʻquv materiallarining shakllari ishlab chiqiladi, elektron oʻquv materiallaridan lokal, tarmoq, masofaviy taʻlim kabi foydalanish sohalari aniqlashtiriladi. Uchinchi bosqichda pedagogik dasturiy vositalarni shakllantirish uchun zarur dasturiy vositalar yaratiladi yoki tanlanadi. Bunda foydalanuvchi va kompyuter oʻrtasidagi muloqot metodlari, dasturiy vosita qobigʻi va muhiti qiyosiy tahlil qilinadi. Toʻrtinchi bosqichda pedagogik dasturiy vositalar tarkibiga pedagogik texnologiyalar elementlari kiritiladi. Oʻquv jarayonida pedagogik dasturiy vositalardan foydalanish metodikalari loyihalashtiriladi. Foydalanuvchi va 30 kompyuter oʻrtasidagi muloqot ssenariysi yaratiladi, teskari aloqa, bilimlar diagnostikasi, oʻqitish natijalarini taqdim etish shakllari ishlab chiqiladi. Beshinchi bosqichda berilgan pedagogik xossalarga ega pedagogik dasturiy vositalar ishlab chiqiladi. Makur jarayonda pedagogik dasturiy vositalarning boshqaruv elementlari yaratiladi, fan boʻyicha maʻlumotlar bazasi shakllantiriladi. Oltinchi bosqichda yaratilgan pedagogik dasturiy vositalar oʻquv jarayoniga tatbiq etiladi, ularning dasturiy va metodik tarkibiy qismlariga zarur oʻzgartirish va tuzatishlar kiritiladi. Pedagogik dasturiy vositalarning joriy etilishi natijalari tahlil qilinadi, pedagogik imkoniyatlari aniqlashtiriladi. Barcha pedagogik dasturiy vositalarni ikki guruhga ajratish mumkin: anʻanaviy pedagogik texnologiyalarni qoʻllab-quvvatlovchi vositalar; “Oʻqituvchi-kompyuter-oʻquvchi” uch elementli pedagogik tizim texnologiyalari. Birinchi guruh pedagogik dasturiy vositalarga qoʻyiladigan tizim talablari pedagogning samarali oʻquv-tarbiya jarayonini tashkil etish bilan bogʻliq vazifalaridan kelib chiqadi. Pedagogik dasturiy vositalarni yaratish texnologiyasini amalga oshirish maqsadida ularning anʻanaviy vositalardan ustunligini tasdiqlovchi qator ijobiy omillar mavjud. Mazkur omillar didaktik, psixologik, iqtisodiy, fiziologik guruhlarga ajratiladi. Pedagogik dasturiy vositalarga qoʻyiladigan didaktik talablarga quyidagilar kiradi: ilmiylik; tushunarli, qatʻiy va tizimli bayon etilishi bilan birgalikda pedagogika, psixologiya, informatika, ergonomikaning asosiy tamoyillarini, zamonaviy fanning fundamental asoslarini hisobga olib, oʻquv faoliyati mazmunini qurish imkoniyatini taʻminlash; uzluksizlik va yaxlitlik (ilgari oʻrganilgan bilimlarning mantiqiy oqibati hamda toʻldiruvchisi hisoblanadi); izchillik; 31 muammolilik; koʻrgazmalilik; faollashtiruvchi (oʻqitish mustaqilligi hamda faollik xususiyatining mavjudligi); oʻqitish natijalarini oʻzlashtirish mustahkamligi; muloqotning interfaolligi; tarbiyalash; rivojlantirish; amaliyotning yaxlit birligi. Metodik talablarga quyidagilar kiradi: aniq oʻquv fanining oʻziga xos xususiyatlarini hisobga olish; maʻlum bir fanning oʻziga xosligini hisobga olish; axborotning zamonaviy metodlar bilan oʻzaro bogʻliqligi, oʻzaro aloqadorligi, turli-tumanligi. Psixologik talablarga idrok etish (verbal-mantiqiy, sensor-perseptiv), tafakkur(tushunchaviy-nazariy, koʻrgazmali-amaliy), diqqati (qatʻiyligi, boshqa narsa yoki obʻektga qaratilishi), motivatsiya (ishlashning faol shakllari, yuqori darajada koʻrgazmalilik, oʻz vaqtida qayta aloqa yordamida talabalarning yuqori darajadagi motivatsiyalarini doimiy ravishda ragʻbatlantirish), xotira, tasavvur, yosh va individual psixologik xususiyatlarni hisobga olish(egallagan bilim, koʻnikma va malakalarini hisobga olib, oʻquv fani mazmuni hamda oʻquv masalalari murakkablik darajasining talabalarning yosh imkoniyatlari va individual xususiyatlariga mos kelishi, oʻquv materialini oʻzlashtirishda ortiqcha his-hayajonli, asabiy, aqliy yuklamalardan taʻsirlanishdan himoyalash) kiradi. Texnik talablarga zamonaviy universal shaxsiy kompyuterlar, tashqi qurilmalari, test oʻtkaziladigan manbalar kiradi. Tarmoq talablariga «mijoz-server» arxitekturasi, Internet-navigatorlar, tarmoq operatsion tizimlari, telekommunikatsiya, boshqaruv vositalari (oʻqitish jarayonini individual va jamoaviy ishlari, tashqi qayta aloqa) kiradi. 32 Estetik talablarga quyidagilar kiradi: tartiblilik va ifodalilik (elementlari, joylashishi, oʻlchami, rangi), bezashning funksional vazifasi va ergonomik talablarga mosligi. Maxsus talablarga quyidagilar kiradi: interfaollik, maqsadga yoʻnalganlik, mustaqillik va moslashuvchanlik, audiolashtirish, koʻrgazmalilik, kirish nazorati, intellektual rivojlanish, differensiatsiyalash(tabaqalashtirish), kreativlik, ochiqlik, qayta aloqa, funksionallik, ishonchlilik. Ergonomik talablarga quyidagilar kiradi: doʻstonalik, foydalanuvchiga moslashish, ekran shakllarini tashkil etish. Pedagogik dasturiy vositalarni yaratishda amal qilinishi zarur boʻlgan tamoyillar (kvantlashtirish, toʻliqligi, koʻrgazmaliligi, tarmoqlashuvi, boshqarish, moslashtirish, kompyuterli taʻminot, toʻplanuvchanligi) hisobga olinib, ularni yaratish texnologiyasini loyihalashtirish quyidagi bosqichlarni oʻz ichiga oladi: 1) konsepsiyasini ishlab chiqish (fan standarti va mashgʻulot oʻtkazish metodikasiga tayanuvchi pedagogik dasturiy vositalarni yaratishning asosiy gʻoyasini ishlab chiqish, uning mazmunli qismini tuzish); 2) loyihalashtirish (ishchi namunasini, axborot bloklari va ekran shakllari andozalari toʻplamini, murojaatlar interfaolligini taʻminlovchi giperilovalar tuzilmasining tartibli sxemasini ishlab chiqish); 3) ekran shakli va axborot bloklari dizayni (aniq oʻquv jarayoni, psixologik-pedagogik xususiyatlari, ergonomik talablari, oʻquv materiallari tuzilishi va mazmuniga mos ravishda dizayn tuzilishini qurish); 4 ilova tuzilmasi elementlarini toʻldirish (tayyorlangan materiallarni ishlab chiqilgan andozalar va ekran shakllariga joylashtirish, ilovalar tizimini toʻldirish hamda foydalanuvchi bilan qayta aloqa tashkil qilish); 5) test sinovlari va sozlash (har bir ilovada aloqa ishlari toʻgʻriligini va foydalanuvchi harakatiga dasturning javobini toʻgʻriligini tekshirish); 6) oʻquv jarayoniga tatbiq etish. 33 Metodik talablar pedagogik dasturiy vositalar asosida oʻqitishga moʻljallangan oʻquv fanining oʻziga xos xususiyatlarini, uning qonuniyatlarini, izlanish metodlari, axborotga ishlov berishning zamonaviy usullarini joriy qilish imkoniyatlarini hisobga olishni koʻzda tutadi. Fanlardan yaratiladigan pedagogik dasturiy vositalar quyidagi metodik talablarga javob berishi kerak: 1. Pedagogik dasturiy vositalar oʻquv materialini taqdim etishning tushunchali, obrazli va harakatli komponentlarining oʻzaro bogʻliqligiga tayangan holda qurilishi. 2. Pedagogik dasturiy vositalar oʻquv materialini yuqori tartibli tuzilma koʻrinishida taʻminlashi. Fanlararo mantiqiy oʻzaro bogʻliqlikning hisobga olinishi. 3. Pedagogik dasturiy vositalarda taʻlim oluvchiga oʻquv materialini bosqichma-bosqich oʻzlashtirganligini turli xildagi nazoratlarni amalga oshirish asosida aniqlash imkoniyatlarining yaratilishi. Pedagogik dasturiy vositalarda oʻqitishning rivojlantiruvchi va tarbiyaviy funksiyalari bajarilishi taʻlim vazifasidagi anʻanaviy nashrlarga qoʻyiladigan didaktik talablardan tashqari, pedagogik dasturiy vositalarni yaratish va joriy qilishda zamonaviy axborot va telekommunikatsiya texnologiyalarning ustunliklaridan foydalanish kabi quyidagi oʻziga xos didaktik talablar qoʻyiladi: 1. Moslashuvchanlik talablari – pedagogik dasturiy vositalar taʻlim oluvchi individual imkoniyatlariga, yaʻni oʻqitish jarayonida oʻquv materiallari taʻlim oluvchi bilim va koʻnikmalari hamda uning psixologik xususiyatlariga moslashtirilgan boʻlishi kerak. Pedagogik dasturiy vositalar moslashuvchanligining uchta darajasi mavjud. Birinchi daraja talabalarning oʻzlariga qulay boʻlgan individual tempga mos holda oʻquv materialini oʻrganish imkoniyati hisoblanadi. Ikkinchi daraja taʻlim oluvchi holatining diagnostik tahlili boʻlib, uning natijalari asosida taʻlim berishning mazmuni va uslublari taklif etiladi. Uchinchi daraja ochiqcha yondashuvga asoslanadi, unda foydalanuvchilarning guruhlanishi koʻzda tutilmaydi va mualliflar taʻlim 34 oluvchilarning imkon boricha barcha kontingenti uchun koʻproq variantlar ishlab chiqishi tavsiya etiladi. 2. Oʻqitishning interfaol talablariga oʻqitish jarayonida taʻlim oluvchi bilan pedagogik dasturiy vositalarning oʻzaro hamkorligini taʻminlash kiradi. Pedagogik dasturiy vositalar interfaol muloqot va teskari aloqani taʻminlashi kerak. Muloqotni tashkil etishning muhim sharti boʻlib, foydalanuvchi harakatiga pedagogik dasturiy vositalarning reaksiyasi hisoblanadi. Nazorat teskari aloqa asosida amalga oshiriladi va keyingi bajariladigan ishlar yuzasidan tavsiyalar beradi, maʻlumotnoma va tushuntiruvchi axborotlar kirishtish amalga oshiriladi. 3. Pedagogik dasturiy vositalarning oʻquv axborotini taqdim qilishida kompyuter vizuallashtirish imkoniyatlarini joriy qilish talablari zamonaviy elektron vositalar imkoniyatlari oʻquv axborotini namoyish qilish sifatini tahlil qilishni koʻzda tutadi. 4. Pedagogik dasturiy vositalar bilan ishlashda taʻlim oluvchining intellektual qobiliyatini rivojlantirish talablari fikrlash va murakkab vaziyatlarda mustaqil qarorlar qabul qila olish mahorati, axborotga ishlov berish boʻyicha koʻnikmalarni shakllantirishni koʻzda tutadi. 5. Pedagogik dasturiy vositalar – oʻquv materialini namoyish qilishning tizimlilik va funksional bogʻliqlik talablariga javob berishi kerak. 6. Pedagogik dasturiy vositalar – taʻlim berishning toʻliqligi va uzluksizligini taʻminlashi lozim. 3. Pedagogik dasturiy vositalarni qoʻllash asosida talabalarning mustaqil taʻlim olish koʻnikma va malakalarini shakllantirishda talabalarning funksional va psixofiziologik imkoniyatlari inobatga olinishi shart. Pedagoglarning pedagogik dasturiy vositalar asosida imkon qadar koʻproq maʻlumotlarni yoritishga intilishi oʻquvchini ortiqcha toliqtirishga olib kelishi mumkin. Oʻz navbatida maʻlumotlarni uzatish tezligini oshirish esa maʻlumotlarni oʻzlashtirish sifatining pasayishiga, xatoliklar sonining ortib borishiga, oʻquvchining oʻzini his qilishi va sogʻligiga salbiy taʻsir qiladi. 35 Fiziologik-gigienik sohada amalga oshirilgan tadqiqotlar kompyuterda ishlashda bilim oluvchilarning aqliy ish qobiliyati oʻzlashtiriladigan maʻlumotlar hajmiga teskari proporsional ravishda oʻzgarib borishini eʻtirof etadi. Bu quyidagi sabablar bilan izohlanadi: - koʻrish organlariga tushadigan yuklamaning ortib borishi; - yangiliklarni qabul qilishda yuzaga keluvchi dastlabki ruhiy koʻtarinkilikning tinib qolishi; - yuzaga kelishi mumkin boʻlgan noaniqlik va xatoliklar tufayli salbiy hissiyotlarning yigʻilib borishi; - katta miqdordagi taʻlimiy resurslarni qabul qilish undan keyingi axborot resurslarini faol oʻzlashtirishga toʻsqinlik qilishi. Bu holat taʻlim jarayonida pedagogik dasturiy vositalarni ishlab chiqish va joriy etishda zarur didaktik, psixofiziologik hamda metodik talablarni hisobga olgan holda ishlab chiqilishi zaruratini yuzaga chiqaradi. Pedagogik dasturiy vositalarni ishlab chiqish va foydalanishga qoʻyilgan umumiy talablarni hisobga olish bilan bir qatorda, uni yaratishning muvaffaqiyatliligi va sifatiga taʻsir qiluvchi bir qator psixologik talablar ham qoʻyiladi. Quyida pedagogik dasturiy vositalarga qoʻyiladigan psixologik talablar keltirilgan: 1. Pedagogik dasturiy vositalarda oʻquv materialini namoyish qilish nafaqat verbal, balki kognitiv jarayonning sensorlik va namoyish qilish holatlariga ham mos kelishi kerak. Pedagogik dasturiy vositalar qabul qilish, diqqat, fikrlash, tasavvur qilish, xotirada saqlash kabi psixologik jarayonlar xususiyatlarini hisobga olgan holda ishlab chiqilishi kerak. 2. Pedagogik dasturiy vositalardagi oʻquv materiali taʻlim oluvchilarning yoshini, tayanch bilimlarini inobatga olib tuzilishi kerak. 3. Pedagogik dasturiy vositalar obrazli va mantiqiy fikrlashni rivojlantirishga yoʻnaltirilgan boʻlishi kerak. Pedagogik dasturiy vositalarning tuzilmasi va mazmuni oʻquv materialini chuqur oʻrganishga moʻljallangan boʻlishi bilan bir vaqtda 36 oʻrganilayotgan fanning oʻquv dasturiga mos kelishi kerak. Taʻlim tizimi uchun yaratiladigan pedagogik dasturiy vositalar quyidagi umumiy talablarni ham qanoatlantirishi kerak: - pedagogik dasturiy vositalarning mazmuni va tarkibi taʻlim standartining talablariga mos kelishi kerak; - pedagogik dasturiy vositalar oʻzida muammoli va izlanish topshiriqlarining tizimi intellektual xarakterga ega boʻlishi kerak; - pedagogik dasturiy vositalar oʻquv faoliyatining izlash, yigʻish, saqlash, tahlil, ishlov berish kabi koʻrinishlarni avtomatlashtirishni; hisoblashlarni, loyihalash va konstruksiyalashni, tajriba, eksperimentning natijalariga ishlov berishni, nazorat topshiriqlarni, axborotli ishlov berishni avtomatlashtirishni koʻzda tutishi kerak; - pedagogik dasturiy vositalar murakkab obʻektlar ( mashina, uskuna, apparat, moslama va x.q.) ishining imitatsiyasini, turli xildagi jarayonlarni real, tezlashtirilgan yoki sekinlashtirilgan vaqt masshtabida namoyish etish vositalarini tarkibida saqlashi kerak; - pedagogik dasturiy vositalari taʻlim oluvchini kelajakdagi kasbiy faoliyatiga bogʻliq holda virtual muhitda tayyorlashni amalga oshirishi kerak; - pedagogik dasturiy vositalarda barcha amalga oshiriladigan hisoblashlar vizuallashtirishning ochiq tizimiga ega boʻlishi, oʻrganiladigan oʻzgaruvchan obʻektlar yoki jarayonlarning bogʻliqligi namoyish qilinishi lozim. Pedagogik dasturiy vositalarni ishlab chiqishda mos ravishdagi auditoriya talabalarining intellektual darajasi, motivatsiyasi, funksional holati hamda ishchanlik darajasi eʻtiborga olinishi lozim. Motivatsiya tushunchasi amalga oshiriladigan faoliyatning individ uchun ahamiyat kasb etishi, unga nisbatan barqaror qiziqishni yuzaga keltirishi hamda tashqi belgilangan maqsadlarning ichki ehtiyojga aylanish jarayonini anglatadi. Demak, motivatsiyani shaxsni oʻquv jarayoniga faol kirishib ketishini taʻminlovchi ichki harakatlantiruvchi kuch sifatida eʻtirof etish mumkin. Shuni eʻtiborda tutish lozimki, shaxsning motivatsion sifatlari bilish faoliyatining 37 asosini tashkil qilib, bu jarayonda talaba mos ravishdagi taʻlimiy maqsadlarni belgilaydi, jarayonni boshqaradi va uning muvvafaqiyatlilik darajasini baholaydi. Bunda ehtiyoj mustaqil taʻlim jarayonida talaba kasbiy shakllanishining turli motivatsiyalanganlik darajalarining rivojlanishiga olib keladi. Talabaning kasbiy shakllanishi jarayonida quyidagi uchta motivatsiyalanganlik darajasini ajratib koʻrsatish mumkin: Motivatsiyaning boshlangʻich darajasi kasbiy rivojlanishga boʻlgan ehtiyoj bilan bogʻliq boʻlib, tashqi ijtimoiy va shaxsiy motivatsiyalar asosida yuzaga keladi. Motivatsiyaning oʻrtacha darajasi kasbiy bilimlarni egallash jarayonida yuzaga chiqadi va keyingi kasbiy faoliyat uchun zarur asoslarni yaratadi. Motivatsiyalanganlikning yuqori darajasi esa talabaning rivojlanish va oʻz ijodiy potensialini roʻyobga chiqarish bilan bogʻliq ehtiyojlarini oʻzida aks ettiradi. Ijodiy potensialning rivojlanib borishi talabaning oʻz-oʻzini rivojlantirishidagi ehtiyojlarni qoniqtirish uchun maqbul sharoitlarning yaratilishiga olib keladi. Pedagogik dasturiy vositalarni qoʻllashning psixofiziologik jihatdan samaradorligi talabalar mustaqil taʻlimini tashkil qilishda pedagogik dasturiy vositalarni qoʻllash katta hajmdagi oʻquv materiallarini izlab topish hamda ularni oʻzlashtirish uchun sarflanadigan vaqt miqdorini sezilarli darajada tejash, motivatsiyani rivojlantirish, bilimlarning mustahkamligini oshirish imkonini berishi bilan izohlanadi. Pedagogik dasturiy vositalarning psixofiziologik jihatdan samaradorligi birinchidan: talabalarning oʻquv materiallarini oʻzlashtirishi, tarbiyalanganlik va intellektual rivojlanganligi, ishchanlik koʻrsatkichlari, motivatsion barqarorlik darajalari bilan belgilanadi. Ikkinchidan, oʻqituvchi faoliyati bilan bogʻliq boʻlib, oʻqitish konsepsiyalari, pedagogik texnologiyalari va taʻlim vositalaridan ratsional foydalanish koʻrsatkichlari, oʻqituvchining mehnat faoliyatiga nisbatan barqaror motivatsiyasi, ish qobiliyati bilan belgilanadi. 38 Xulosa qilib aytaganda shuni aytishimiz joizki, hozirgi zamonaviy axborot texnologiyalaridan taʻlim jarayonida foydalanish ancha ustunliklarni yuzaga keltirmoqda. Pedagogik dasturiy vositalarni yaratishda koʻplab yaʻni - didaktik, metodik, psixologik, texnik, tarmoq, estetik, ergonomik va maxsus talablar qoʻyiladi. Hamda PDVlarni yaratishda foydalanuvchilarning psixofiziologik xususiyatlarini hisobga olish ham muhim ahamiyat kasb etadi. Axir bu yaratilayotgan vositalarning barchasi shaxs uchun xizmat qiladi. Taʻlimda PDVlarning ahamiyati katta. Yüklə 3,72 Mb. Dostları ilə paylaş:
|