Shaxsning pantomimik harakatlari va jestlari mohiyati Agressiya yoki o‘ziga bo‘lgan qat’iy ishonch

SHaxsning pantomimik harakatlari va jestlari mohiyati

1. 
   Agressiya yoki o‘ziga bo‘lgan qat’iy ishonch – ikkala qo‘lni orqa tomonda, oyoqlarni elka kengligidan bir oz kengroq tutish.
   
2. 
   Mensimaslik, boshqalarga nisbatan o‘zini katta tutish – oyoqlarni elka kengligidan biroz kengroq tutib, qo‘l panjalarini birbiriga boshning orqa tomonida tutashtirish.
   
3. 
   Aybdorlik, qo‘rquv – oyoqlar bir-biriga yaqin qo‘yib, bir oyoqning tizzasini va boshni biroz egish, pastga qarash.
   
4. 
   Ishonmaslik, mensimaslik, o‘zini yuqori tutish – bosh biroz orqaga tashlab, nigohni suhbatdoshga tepadan yo‘naltirish.
   
5. 
   Qiziquvchanlik – boshni biroz chap yoki o‘ng tomonga egish.
   
6. 
   Qo‘zg‘olishga tayyor turish, olingan buyruqni darhol bajarish – stul chetiga o‘tirgan holda, tovonni biroz ko‘tarib turish.
   
7. 
   Oyoqni kerib o‘tirish – o‘ziga ishonish, mustaqil fikrga ega bo‘lish.
   
8. 
   O‘tirgan holda bir oyoq uchini eshikka qaratish – suhbatdan qoniqmaslik, chiqib ketish fikrida ekanlikni namoyon etish.
   
9. 
   O‘tirgan holda oyoqlar pastki qismining bir-biriga tegib turishi – hayajonlanish, shoshilish.
   
10. 
    Birdan turib ketish – suhbatdan sovish, bir qarorga kelish, zerikish.
    
11. 
    Tirsaklarni stolga tiragan holda qo‘lning bosh barmog‘i bilan jag‘ni tutib turish – mensimaslik, biror narsaga tanqidiy yondashish.
    
12. 
    Jag‘ni qo‘l kaftlari bilan ushlab turish – zerikish.
    
13. 
    Oyoqlarni chalishtirib, qo‘l panjalarini bir-biriga bog‘lagan holda oyoq tizzasini ushlab turish – o‘ylanish.
    
14. 
    Qo‘llarni musht qilgan holda silkitish – masalaga salbiy munosabatda bo‘lish.
    
15. 
    Qo‘lni musht qilgan holda ko‘rsatkich barmoqni tik (“begiz”) qilgan holda gapirish – asl niyatning aytilayotgan fikrlarga mutlaqo teskari ekanligi.
    
16. 
    Kaftni yozib, tik holda qo‘lini oldinga uzatish – sabr qilishni, jim turishni talab etish.
    
17. 
    Ustki kiyimning biror joyini ushlash yoki tugmalarni echish – suhbatdoshlarga nisbatan ochiq, samimiy munosabatda bo‘lish.
    
18. 
    Suhbatdoshning savollariga javob bera turib, burnini qashlash – aldash yoki ishonmaslik.
    
19. 
    Gapirayotganda boshni dam-badam qashlash – tashvishlanish, uyalish.
    
20. 
    Jag‘ni qashlash – javob berish yoki bermaslik haqida o‘ylanish.
    
21. 
    Tirnoqlarni tishlash – xijolatpazlik.
    
22. 
    Ruchka yoki ko‘zoynakni artish – javob berish oldidan o‘ylanish.
    
23. 
    Biron narsa (stol, parta, kafedra)ga suyanish – og‘ir vaziyatga tushib qolganlik va undan chiqish yo‘llarini izlash.
    
24. 
    Ustki kiyimdan nimanidir qoqish – mavjud vaziyatni yoqtirmaslik.
    
25. 
    O‘ng va chap qo‘l barmoqlari uchlarini mos holda birlashtirish – diqqatni jamlash, masalaga jiddiy yondashish.
    
26. 
    Oyoqlarni, shuningdek, qo‘llarni ko‘krak oldida chaltishtirish yoki o‘ng va chap qo‘l barmoqlarini bir-biriga bog‘lash – suhbatdoshga nisbatan yopiqlik, ehtiyotkorlik.
    
27. 
    Qo‘l kaftlarini bir-biriga ishqash, oyoq tovonlarini ko‘targan holda qimirlatib turish – asabiylik, bezovtalik, norozilik.
    
28. 
    Elkaga qoqib qo‘yish – ruhiy yaqinlik, dalda berish.
    
29. 
    Qo‘lni mahkam siqish – do‘stlik, hamkorlikni ifodalash.
    
30. 
    Qo‘l uchida salomlashish – yoqtirmaslik, yomon ko‘rish, jirkanish.
    
31. 
    Boshni silab qo‘yish – erkalatish, yoqtirish.
    
32. 
    Labni yalash – yolg‘on gapirish, qo‘rquv.
    
33. 
    Labni tishlash – hijolat bo‘lish, uyalish.
    

M.Snayderning “Muloqot jarayonida o‘z-o‘zini nazorat qilish” nomli testi asosida tinglovchilarning kommunikativlik kompetentligiga egaliklarini aniqlash.