Sotsiologiyaa

O’zbekiston Respublikasida nikoh va oila munosabatlarini rivojlantirish va mustahkamlash yo’lidagi sotsial tadbirlar
1997 yil 5 dekabr` kuni O’zbekiston Respublikasi Konstitutsiyasi qabul qilinganligining 5 yilligiga bag’ishlab o’tkazilgan tantanali yig’ilishda mamlakatimiz rahbari Islom Karimov ma`ruza qilib, 1998 yilni “Oila yili” deb e`lon qilgan edilar.”Hammamizga ayon bo`lishi tabiiyki, oila sog`lom ekan – jamiyat mustahkam, jamiyat mustahkam ekan – mamlakat barqarordir” <sup>35</sup>.
Bu yig’ilishda Prezidentimiz oilaning har bir inson hayoti va umuman, jamiyat hamda davlat taraqqiyotida tutgan o’rnini atroflicha sharxlab, ajoyib fikrlarni aytdilar va jamiyat oldiga shunday masalani qo’ydilar: «… Oilaga e`tiborimizni tubdan o’zgartirish, oilalarni avvalo ijtimoiy jihatdan himoyalash, e`zozlash, qo’llab-quvvatlash - bugungi kunimiz uchun va ertangi istiqbolimiz uchun naqadar muhim va dolzarb ekanligini yaxshi tushunishimiz va anglashimiz darkor»<sup>36</sup>. Shu munosabat bilan ko’p o’tmay 1997 yil 9 dekabrda Prezidentimizning oila masalasiga bag’ishlangan maxsus farmoyishi e`lon qilindi. Farmoyishda “Oila yili” bilan bog’liklikda Davlat dasturini ishlab chiqish uchun Respublika Komissiyasi tuzildi va uning tarkibidagi ishchi guruhlarni tashkil etish vazifasi qo’yildi. Dasturning asosiy yo’nalishlari belgilab berildi. 1998 yil yanvar` oyida oila manfaatlarini ta`minlash borasidagi tadbirlar, davlat Dasturi tayyorlandi hamda O’zbekiston Respublikasi Vazirlar Mahkamasining 1998 yil 27 yanvardagi qaroriga asosan tasdiqlandi.”Agar ushbu masalalarning tarixiga nazar tashlaydigan bo`lsak, bu yo’dagi daslabki salmoqli qadamlarimiz 1998 yilni mamlakatimizda “Oila yili” deb elon qilish bilan boshlanganining o’zi xam, o’ylaymanki, ko’p narsani anglatadi.Shu manoda oilani uning boqiy qadriyatlarini ulug’lab mamlakatimizda”El-yurt tayanchi”degan muazzam yodgorlik barpo etganimiz ko’pchilikning ko’nglidagi ish bo’lganini taqiqlash joiz”<sup>37</sup> Davlat Dasturi kompleks tusda bo’lib, u 150 dan ko’proq tadbirlarni o’z ichiga oldi, dasturda belgilangan tadbirlarni amalga oshirish uchun esa barcha manbalar bo’yicha 144,8 mlrd. so’m mablag’ ajratilib, uning deyarli yarmi davlat byudjetidan berildi.
Oliy Majlisning XI sessiyasida qabul qilingan Oila Kodeksining oilaviy munosabatlarida erkak va ayolning teng huquqlilik printsiplari mustahkamlandi. Kodeksda oiladagi mulk, bola tarbiyasi va boshqa jihatlar yangi zamon talablari asosida talqin etilgan. SHu bilan bir qatorda O’zbekiston Respublikasi Vazirlar Mahkamasining Respublika «Oila» ilmiy-amaliy Markazini tashkil etish to’g’risida»gi 1998 yil 2 fevral` qarori oila manfaatlarini takomillashtirish yo’lida qo’yilgan yangi salmokli qadamdir. Bu qarorga binoan O’zbekiston respublikasi Xotin-qizlar qo’mitasida Respublika “Oila – ilmiy-amaliy Markazi” tashkil etildi. Markaz oila muammolarini o’rganish bo’yicha laboratoriyaga ega bo’ldi. Bunday markazning vujudga kelishi ko’p jihatdan ahamiyatlidir. Birinchidan, oila – jamiyatning negizidir, demak oila muammolarini o’rganish va hal qilish bilan uzluksiz, hamisha shug’ullanadigan, bu borada o’z taklif-mulohazalarini ishlab chiqib, vaqti-vaqti bilan davlat va jamiyat oldiga qo’yadigan muassasaga ehtiyoj katta. Ikkinchidan, hayot, jamiyat hamisha rivojlanishda, taraqqiyotda ekan, demak oila muammolari ham o’zgarib, yangilanib boraveradi va ular to’g’risida butun jamiyat va davlat boshqaruvi o’z vaqtida aniq tasavvurga ega bo’lib boradi.
«Oila» markazi avvalo oilaning ravnaqi bilan bog’liq muammolar majmuasini atroflicha ilmiy o’rganish va uslubiy tavsiyalar tayyorlashni o’zining asosiy vazifalaridan biri deb biladi. Bunday muammolar esa oz emas. SHu bilan birga «Oila» markazi faqat ilmiy ahamiyatga ega bo’lgan muammolar bilangina shug’illanib qolmay, qarorda ko’rsatilganidek, u keng amaliy faoliyat bilan ham mashg’ul bo’ladi. YA`ni, oilani rivojlantirish, uni takomillashtirish, oila a`zolari salomatligining tibbiy-biologik asoslarini ilmiy o’rganish bilan bir qatorda bu muammolarni hal qilish yuzasidan amaliy tadbirlar majmuasini ham bajaradi. YAna, yoshlarni oilaviy hayotga tayyorlashni yaxshilash maqsadida Nikoh uylari va salomatlik markazlarida maxsus o’quv - tarbiyaviy kurslarni tashkil etish ko’zda tutilgan bo’lib, bugungi kunda bu maskanlar muvaffaqiyatli faoliyat ko’rsatmoqdalar. SHuningdek, oilaning huquqiy sovodxonligini yaxshilash va himoyalash – hozirgi kunda eng muhim vazifalar qatoridan o’rin olgan. Markaz 1998 yillning «Oila yili» deb e`lon qilinganligi munosabati bilan belgilangan tadbirlar tufayli Davlat dasturining bajarilish manitoringini olib borayotganligi katta ahamiyatga egadir.
Oila ilmiy-amaliy markazining faoliyati davlat va jamiyat taraqqiyoti manfaatlariga yo’naltirilgandir. O’zbekiston Respublikasi Vazirlar Mahkamasining «Oila» ilmiy-amaliy markazini tashkil etish to’g’risida»gi qarori va uning bugungi kundagi faoliyati butun mohiyat e`tibori bilan jamiyat taraqqiyotida, ma`naviy barkamol va jismonan sog’lom avlodni tarbiyalashda oilaning o’rni muhim ekanligini yana bir marta tasdiqlaydi va uning ravnaqiga xizmat qilmoqda.
Hukumatimiz tomonidan oilani, oila-nikoh munosabatlarini mustahkamlash va rivojlantirishga qaratilgan bir qator tadbirlar o’tkazilib kelinmoqda.

1. 
   1999 yil “Ayollar yili” deb e`lon qilindi.
   
2. 
   2000 yil – “Sog’lom avlod yili” deb e`lon qilindi.
   
3. 
   2000 yil 15 fevralda Vazirlar Mahkamasining “Sog’lom avlod davlat dasturi to’g’risid” qarori qabul qilindi. U 6 yo’nalishdan iborat.
   
4. 
   2001 yil – “Onalar va bolalar” yili bo’ldi.
   
5. 
   2001 yil 5 fevralda Vazirlar Mahkamasi “Ona va bola” davlat dasturi to’g’risida” qaror qabul qildi.
   
6. 
   2002 yil – “Qariyalarni qadrlash yili” deb e`lon qilindi.
   
7. 
   2003 yil – “Obod mahalla yili”.
   
8. 
   2004 yil – “Mehr va muruvvat yili”.
   
9. 
   2005 yil – “Sihat-salomatlik yili”.
   
10. 
    2006 yil – “Homiylar va shifokorlar yili”.
    
11. 
    2007 yil – “Ijtimoiy himoya yili”.
    
12. 
    2008 yil – “YOshlar yili”.
    
13. 
    2009 yil - “Qishloq taraqqiyoti va farovonligi yili”.
    
14. 
    2010 yil – Barkamol avlod yili.
    
15. 
    2011 yil – Kichik biznes va xususiy tadbirkorlik yili.
    

16. 2012 yil
17. 2013yil
18. 2014 yil “ Sog’lom bola” yili
Ma`lumki, oilaning avlod qoldirish funktsiyasi nafaqat oila mustahkamligini saqlashda, balki jamiyat hayotida ham juda muhim rol o’ynaydi.
Ko’p bolali oilalar hozirga kelib, ma`lum ijtimoiy - iqtisodiy omillar ta`siri ostida borgan sari kamayib ketmoqda. Bu holat yaqin kelajakda o’zbek millatining rivojlanishi va ravnaqi darajasiga o’z ta`sirini ko’rsatmay qolmaydi, albatta. Jamiyat, har qanday davlatning ijtimoiy tanazzulga yuz tutishi eng avvalo undagi oilaning barbot bo’lishi, buzilishining ko’payishiga ko’p jihatdan bog’liqdir. SHuning uchun oilaviy ajralishlarni, qo’ydi-chiqdilarni keltirib-chiqaruvchi tub sabablarni aniqlash, o’rganish va ularning oldini olish uchun ilmiy - amaliy tavsiyalar ishlab chiqish oila sotsiologiyasining asosiy vazifalaridan biri hisoblanadi.
Respublika bo’yicha nikohlar umumiy sonining o’sishi bilan ajralishlar sonining ham o’sayotganligi tashvishlidir. Oilaviy ajralishlarning asosiy sabablari nimalarda? Ajralishlarning tarafdori ko’proq kim? Erkaklarmi yoki ayollarmi? Qaysi birlari ko’prok aybdor? – degan savollar yuzasidan olib borilgan sotsiologik tadqiqotlar natijalariga ko’ra oilaviy ajralishlarning 70% da ayollarning, faqat 30% da erkaklarning da`vogarligi asosida sodir bo’lmoqda. 41,4% ajralishlarning asosiy aybdori erkaklar, 26,8% ayollar, 4,5% har ikki tomonning o’zaro kelisha olmaganligi sababli, 7,3% esa kelin bilan qaynona o’rtasida kelishmovchilik sabab bo’lganligi oqibatida buzilmoqda. Hozirgi vaqtda asosan ko’proq quyidagi omillar oilaviy ajralishlarga sababchi bo’lmoqda:
1. Er o’z oilasini moddiy va ma`naviy jihatdan qo’llab-quvvatlay olmasligi.
2. Erlik burchini, oila boshlig’i sifatidagi mas`uliyatli vazifasini bajarmayotganligi tufayli. Erning spirtli ichimlik, narkotik moddalarni iste`mol qilishi va natijada sog’lom oilaviy muhitning buzilishi oqibatida.
3. Ayollarning o’z eriga nisbatan qo’pol munosabatlarda bo’lishi, erni er o’rnida ko’rmasligi, mensimasligi va oilada ayollik (xotinlik) burchini his qilmasligi natijasida.
4. Er-xotin o’rtasida o’zaro hurmatning yo’qligi, xarakterlarining to’g’ri kelmasligi, oddiy muomala madaniyatining yo’qligi.
5. Qaynona-kelin munosabatlaridagi kelishmovchiliklar.
6. Yosh yigit-qizlarning bo’lg’usi oilaga har jihatdan tayyor emasliklari va hokazolar.
Olib borilgan sotsiologik tadqiqotlarga ko’ra, oilaviy hayotda o’zlarini baxtli deb hisoblagan ayollar bular: ish joyida muvaffaqiyatga erishgan, har tomonlama qiziqishga va qobiliyatga ega bo’lgan, mustaqil, tashqi ko’rinishidan kelishgan va go’zal bo’lgan ayollar emas, balki – jiddiy, yumshoq ko’ngil, mehribon, o’z oilasiga jonkuyar, chekinuvchan, bir gapdan qoladigan ayollar ekan. E`tibor berilsa, haqiqiy oilaviy baxtga erishish omillari axloqiy munosabatlarga borib taqalishi ma`lum bo’ldi.
Ayrim mualliflarning fikricha, oila qurish yoshidagi har bir erkakka 5 nafar ayol to’g’ri kelishi va bu holat esa ko’p xotinlikka ruxsat berishga asos bo’lishini ta`kidlaydi. Ammo statistik ma`lumotlar esa bu fikrlarni tasdiqlamaydi. Agar 1989 yilda respublikamizda 5481,8 ming erkak va 5820,8 ming ayol (1 ga 1,06) istiqomat qilgan bo’lsa, 1997 yilda 6562,7 erkak va 6873,3 ming ayol (1 ga 1,0) yashagan. SHundan ham ko’rinadiki, sezilarsiz bo’lgan farq yil sayin kamayib bormoqda.
Oilalarni mustahkamlash, nikohni bekor qilish holatlarining oldini olishda milliy urf-odatlar va an`analar, shuningdek, mahallalardagi yarashtiruv komissiyalarining imkoniyatlaridan etarli darajada foydalanilmayotganligi oqibatida nikohni bekor qilish darajasi yuqoriligicha qolmoqda. Bu ko’rsatkich Toshkent viloyatida quyidagicha: 2002 yilda viloyat bo’yicha 14648 ta nikoh qayd etilib, shundan 2857 tasi bekor qilingan. 4025 ta holatda nikohsiz farzand tug’ilib, otalik belgilangan. Andijon viloyati misolida “Oila kodeksi”ning “Er-xotinning mulkiy huquq va majburiyatlariga taalluqli qoidalari” moddasi o’rganilganda nikohi bekor qilingan er-xotinlarning yoshlari tahlil etilib, bu ko’rsatkich asosan 20-25 yoshgacha 16,1, 30-35 yoshgacha 31,3%ni tashkil etayotganligi, nikoh shartnomasini tuzishda xatoliklarga yo’l qo’yilayotganligi aniqlangan³⁸.
Aholining turmush sharoiti va tibbiy xizmat ko’rsatish sifatini izchillik bilan yaxshilash natijasida mamlkatimizda umumiy o’lim ko’rsatkichi keyingi 10 yilda qariyb 20 foizga kamaydi. Go’daklar o’limi ko’rsatkichi esa yangi tug’ilgan har 1000 nafar chaqaloqqa nisbatan 23 tadan 13 taga tushdi va birgina 2007 yilning o’zida 11 foizga kamaydi³⁹.
Agar 1991 yilda onalar o’limi bilan bog’liq ko’rsatkich har 100 ming nafar ayolga nisbatan 65 tani tashkil etgan bo’lsa, 2007 yilda bu (ko’rsatkich) raqami 24 taga tushdi, go’daklar o’limi esa ilgari 1000 nafar chaqaloqqa 35 tadan to’g’ri kelgan bo’lsa, hozirgi kunda 14 taga tushdi.