Sportda doping nazorati

Dopingga qarshi kurashish 
Milliy va xalqaro sport musobaqalari davomida nafaqat sovrindorlar, balki 
bosh xakam (yoki boshqa vakolatli vakil) ishtirokida tashlangan qurra bo‘yicha 
boshqa ishtirokchilar ham doping nazoratidan o‘tadi. Doping nazorati xonalari 
(stansiyalari) barcha sport arenalarida bo‘lishi shart. Ko‘pgina sport turlarida 
aniqlangan doping xolatlar uchun kamida 2 yil, qayta xolatlar uchun 4 yil va xatto 
umrbod diskvalifikatsiya (sport faoliyatidan chetlashtirish) jazo chorasi 
qo‘llaniladi. 
Lekin ko‘p sportchilarni bu to‘xtatmayapti. Aksincha, sportchilarning 
aksariyati dopingni musobaqadan tashqari davrda, o‘quv mashg‘ulotlar davomida 
isteʼmol qilyapti. Murabbiylar bunga oddiy xoldek yondoshib, ko‘pincha o‘z 
shogirdlarini doping isteʼmol qilishga undashyapti ham. Murabbiylar doping 
isteʼmolini qo‘llab-quvvatlashmaydi, dopingdan foydalanish yoki foydalanmaslik 
sportchining 
shaxsiy 
tanlovi 
deb 
rasmiy 
bayonotlar 
vaziyatni 
battar 
chigallashtiryapti. 

---

53 
Ayrim xollarda sportchilarga taqiqlangan preparatlarni isteʼmol qilishga 
ruxsat beriladi (terapevtik istisno tariqasida). Bunda sportchi ushbu preparatlardan 
foydalanish uning salomatligi uchun muhimligini tasdiqlashi zarur. Misol uchun, 
tibbiy xujjatlarga muvofiq, tog‘ chang‘isi va biatlonchilar o‘rtasida astma kasalligi 
tarqalgan. Xalqaro olimpiya qo‘mitasi va sport turi bo‘yicha xalqaro 
federatsiyaning ruxsatiga ko‘ra ular Butunjahon antidoping agentligining 
Taqiqlangan ro‘yxatiga kiritilgan preparatlarni isteʼmol qilishi mumkin. Mazkur 
preparatlar bosh miyaga anabolik va psixotrop taʼsir ko‘rsatib, nafas olish 
funksiyasini yaxshilash orqali mushaklarga yetib borishi uchun o‘pkalardagi 
kislorod miqdorini ko‘paytiradi.