SUAL 43. Məktəbəqədər yaşlı uşaqların sosial - emosional inkişafı üçün mühitin yaradılması. Sosial mühit – uşağın digər uşaqlarla qarşılıqlı əlaqəsi və məktəbəqədər təhsil müəssisəsində yaranan icmadır. Onun iştirakçıları uşaq bağçasının yetirmələri, müəllimləri, onlara xidmət göstərən personal, valideyn və tərbiyəçi- müəllimin ailə üzvləridir.
Müasir dünyada sosial-emosional inkişaf problemi məktəbəqədər yaşlı uşaqların sosiallaşdırılması probleminin tərkib hissəsi kimi nəzərdən keçirilir. Ona görə də məktəbəqədər təhsil müəssisəsində sosial-emosional inkişaf üçün şərait yaradaraq şəxsiyyətin yaradıcı həyat strategiyasının əsaslarını təmin edirik.
Məktəbəqədər təhsildə sosial-emosional inkişaf aşağıdakı meyarlara əsasən tənzimlənir: • Uşaqda özü və ətrafını əhatə edən digər insanlara emosional-müsbət münasibətinin şüurlu şəkildə inkişaf etdirilməsi;
• Emosional vəziyyətlər, fikirlər, özünü və başqalarının istəklərinə nail olmaq bacarığının inkişaf etdirilməsi;
• Sosial əhəmiyyətli davranış bacarıqları və davranışlarını tənzimləmək bacarıqlarının inkişaf etdirilməsi.
Yaradıcı özünüifadə tərzi, özünü reallaşdırmaq və özünü inkişaf etdirmə qabiliyyəti kimi keyfiyyətlərin formalaşdırılması fərdi keyfiyyətlərin daha da inkişaf etdirilməsi üçün zəmin yaradır.
Nəticə etibarilə bu, öz gücünə əminlik hissinin formalaşdırılması uşağın cəmiyyətdə harmonik qarşılıqlı fəaliyyəti və həyat uğurları deməkdir.
Sosial-emosional inkişaf və tərbiyənin məqsədi məktəbəqədər yaşlı uşağın şəxsiyyətinin hərtərəfli inkişafını təmin edən rahat şəraitin yaradılmasıdır.
Aşağıda qeyd olunan fəaliyyətlər bu məqsədə nail olmağa xidmət edir: 1. Həyatın bütün vəziyyətlərində müsbət emosiyalar formalaşdırmaq;
2. Uşağın fərdi xüsusiyyətləri və onların unikallığı barədə məlumatlılığı inkişaf etdirmək (müsbət obraz - Mən);
3. İnamlı davranış (istək və tələbləri ifadə etmək, iradə göstərmək, öz qərarını vermək və seçim etmək bacarığı) və tənzimləmə bacarıqlarını inkişaf etdirmək;
4. Uşağın başqalarına müsbət münasibətini formalaşdırmaq;
5. Sosial bacarıqları inkişaf etdirmək: münaqişə vəziyyətlərinin həlli üçün müxtəlif məqbul sosial yolların həll edilməsi və assimilyasiyası, etiket və təhlükəsizlik qaydalarına diqqət yetirmək, razılıq əldə etmək və dostluq münasibətləri və yeni əlaqələr qurma bacarığı.
