HI_LIM və LO_LIM- ARÇ-nin çıxış kodunun minimum (0 və ya -27648) və maksimum (27648) qiymətlərinə IN girişi ilə ölçülən kəmiyyətin uyğun qiymətləri olub həqiqi (REAL) ədədlər şəklində verilir. Fərz edək ki, göstərilən ARÇ-nin 3-cü girişi ilə 0 100% həddində dəyişən səviyyə ölçülür. Yəni ARÇ-nin çıxış kodunun 0 (sıfır) qiymətinə səviyyənin 0 (sıfır), 27648 qiymətinə isə səviyyənin 100 qiyməti uyğun gəlir. Bu halda HI_LIM və LO_LIM ifadələri qarşısında uyğun olaraq 100.0 və 0.0 yazılır.
BIPOLAR–vericinin çıxış siqnalının simmetrik (-10 +10V) və ya qeyri-simmetrik (0 10V) olduğunu vermək üçündür. Simmetrik olduqda həmin ifadənin qiyməti “1”, qeyri-simmetrik olduqda isə “0” olmalıdır. Qiymətlər istənilən məntiqi kəmiyyət - diskret giriş (məs. İ12.1), diskret çıxış (məs. Q22.0), konnektor (məs. M2.2) vasitəsilə verilə bilər.
OUT – ölçülən kəmiyyətin fiziki vahidində həqiqi ədəd şəklində alınmış qiymətinin yazıldığı çıxışdır. Bu ifadənin qarşısında nəticənin yerləşəcəyi nisbi (lokal, REAL) və ya mütləq (MDyyy) ünvan yazılır, məs. MD104.
RET_VAL – səhv haqqında məlumat çıxışıdır, səhv olmadıqda həmin çıxışda “0” (sıfır), səhv olduqda isə “1” (vahid) alınır. İfadənin qarşısına məlumatın yerləşəcəyi nisbi (lokal, İNT) və ya mütləq (MWzzz) ünvan yazılır, məs. MW102.
