Data set bu nima?
Data set - bu o’qitish uchun kerakli bo’lgan ma'lumotlar to'plamidir. Boshqacha aytganda, ma'lumotlar to'plami ma'lumotlar bazasi jadvalining yoki bitta statistik ma'lumotlar matritsasining qiymatlarini hisoblanib, bunda jadvalning har bir ustuni ma'lum o'zgaruvchini yoki parametr (x1,x2,....,xn) qiymatini ifodalasa, har bir satr esa berilgan parametrlar asosidagi obyekt qiymatiga (X1, X2,....,XN) to'g'ri keladi.
Mashinani o’qitish jarayonida va modelning to’liq ishlashini ta’minlash maqsadida qanday ma’lumotlar to’plami turlaridan foydalaniladi?
o’qituvchi to’plam, o’quv tanlanma (training set);
validatsiya to’plami (validation set);
testlash to’plami (testing set).
Mashinani o’qitish jarayonida ma’lumotlarga qanday dastlabki ishlov beriladi?
Ma’lumotlar turini belgilash (Format): O’qituvchi to’plamdagi ma’lumotlar turi va toifasini moslashtirish (Misol uchun, o’qitiluvchi to’plam sifatida 100 t rasm olingan bo’lsin, rasmlar har xil o’lchamda yoki har xil fayl formatida bo’lishi mumkin).
Ma’lumotlarni tozalash (Data Cleaning): Ushbu bosqichda ma’lumotlar orasidan ortiqcha yoki ahamiyati past bo’lgan (masalan, sifati juda past bo’lgan tasvirlar, o’lchami juda kichik bo’lgan rasmlar), model turg’unligiga ta’sir qiluvchi ma’lumotlar olib tashlanadi.
Xususiyatlarni ajratib olish (Feature Extraction): Ushbu bosqichda o’qituvchi to’plamdagi ma’lumotlar xususiyatlari o’rganib chiqiladi va bashoratlash, tashxislash, sinflashtirish, qaror qabul qilish uchun kerakli xususiyatlar ajratib olinadi. (Misol uchun rasmda “olma” tasvirlanganligini belgilab beruvchi xusisyatlar).
Neyron tarmoq nima?
Neyron tarmoqlari – bu inson miyasining ishlash faoliyatini qisman aks ettiruvchi tuzilma bo’lib, bunda ko’plab neyronlar bir-biriga bog’langan holda neyron tarmog’ini tashkil qiladi. Neyron tarmog’i chapdan o’ngga (to’g’ri-to’g’ri) ko’rinishda amalga oshiriladi, kiruvchi parametrlar neyronlar asosida hisoblanadi va natijada chiquvchi qiymatlar shakllanadi
Dostları ilə paylaş: |
