1. Tashkiliy ishlar: - maktabning yaqin tibbiyot maskanlari bilan o`zaro samarali hamkorlik tizimini yo`lga qo`yish, kasalliklarning barcha yo`nalishlari bo`yicha mutahassis vrachlar nazoratini tashkil etish, farmatsevtika tashkilotlari bilan aloqalar o`rnatish, sanepidstantsiyalar nazoratini ta’minlash v.h.k.z.
- maktabdagi o`quv-tarbiya ishlarini tashkil etish jarayonida, albatta, tibbiy yordamga doimiy tayyorgarlik tizimini yo`lga qo`yish (medpunktni tegishli talablar asosida to`liq jihozlash, muddati o`tmagan dori-darmonlar bilan ta’minlash, jadval asosida tegishli tibbiy ko`riklarni o`tkazib turish, patologiyali o`quvchilarni alohida ro`yhat orqali doimiy tibbiy nazoratda bo`lishini ta’minlash v.h.k.z. )
2. O`quvchilar salomatligiga ta’sir etuvchi salbiy omillarni bartaraf etish: - ta’lim jarayonida kam harakatlilikka yo`l qo`ymaslik;
- darsdan oldin va darslar oralig`ida bolalarning me’yorida ovqatlanishini yo`lga qo`yish, ularni och qoldirmaslik;
- dars jadvali bo`yicha ishlar va bevosita darsning o`zi o`quvchilar sog`ligining fiziologik-gigienik jihatlariga zarar etkazmasligini ta’minlash;
- maktabda o`quvchilar salomatligini muhofaza qilish bo`yicha aniq rejalar tuzish va uni amalga oshirishning samarali usullarini amaliy qo`llash;
- o`quvchilarni toliqtiradigan, ularga yot-begona zerikarli bo`lgan, ularni darsdan bezdiradigan va natijada stress holatlariga sabab bo`ladigan dasturlar, dars jadvallari, darsliklar va darslardan voz kechish;
- o`quvchilar salomatligini muhofaza qilish bo`yicha o`qituvchilar, tarbiyachilar, to`garak rahbarlari va texnik hodimlarning mas’uliyatlarini yanada oshirish.
3. Ta’lim jarayonida texnik havfsizlikni ta’minlash: - yong`in havfsizligini ta’minlash;
- elektr jihozlar ishlashi va havfsizligini ta’minlash;
- jismoniy tarbiya jihozlari etarliligi va havfsizligini ta’minlash;
- avtovositalar texnik havfsizligini ta’minlash.
O`quvchilar salomatligini muhofaza qilish tamoyillari uning maqsad-vazifalari asoslaridan kelib chiqadi va quyidagi yo`nalishlarda belgilanadi:
